突然間冇啦啦有日假期，完全唔知去邊到好，行山路線又冇計劃到，一諗踩車又突然諗到......

---

閒日要玩屯門良田坳軍路，有個大問題係唔知解放軍有冇操炮，亦唔知呢段會唔會中流彈
玩良田坳不論行山定係踩車都唔敢閒日走入去
突然間公司要我放兩日年假，臨急臨忘一時間真係唔知可以去邊好，既然係星期日，良田坳似乎係一個幾好既選擇
唔諗咁多，出發啦

星期日踩車，有件好恐怖既事，吐露港一大班新手上路，對老手黎講，佢地仲恐怖過我踩馬路
還好，吐露港以外都係正常既單車量，新手真係集中晒起吐露港一段

今日既行程：馬鞍山 良田坳 下白泥 馬鞍山，既然新單車徑已開通，再冇理由搭某鐵入屯門吧！

---

今日都幾熱架，小休買完野飲先醒起今日未影過相

我都唔知有幾耐未黎過良景
屯門區內既單車徑我唔熟，所以跟返唯一識既馬路，起８１廠經震寰路入良景
車行既閘口我都唔知單車行唔行得，入到黎良景邨，唯有起邨內推車出馬路

良田坳軍路假日係幾多人架，踩上山之前已經擺低左４０km以上既體力，上條斜路辛苦到呢
踩單車比行人過頭，就好似揸架超跑，比架錢七爬頭咁，唔好受唔好受

off road段比我想像中黎得穩陣，路況唔跣仲幾咬地添，明明著對出街鞋黎行呢頭係跣到癲的
而且路夠闊，即使人多都唔難避，亦比之前玩元朗仔黎得簡單

大峽谷，青山腹地幾乎都係呢種地貌，跌落去都真係死得人的，然後，呢個位睇日落係一流架

大峽谷前後都有呢個牌

呢個位置，擺車稍為唔穩應該都跌到架車落去，雖然未致於執唔返

之後再出流浮山，有諗過去埋尖鼻咀的，但冇做「功課」唔知入到盡之後點樣走人，睇地圖都睇唔通
尖鼻咀呢個地方，我諗好多香港人一世人都冇黎過，我都係！有機會會再黎的！

大水管，上水居民唔駛居水上都應該識啦掛

相比起第一次，由馬鞍山去屯門碼頭單車徑來回，黎到呢到已經抽晒筋，今次真係FEEL到體能有進步了
踩埋個吐公，返到屋企，話比你聽唔攰就假既，但起碼唔係好似上次咁死左起屋企張椅到先


ｇｐｓ：
https://connect.garmin.com/modern/activ ... ique_id=73

＊有樣野要糾正大家既，良田坳唔係菠蘿山呀，唔好再講錯菠蘿山大峽谷啦
菠蘿山係有，但唔係起呢頭架

ＴHＸ FＯR ＲEＡDＩNＧ