千禧年代出道的 KD8283 為巴士公司第 8888 架購入的巴士，
亦相信因為咁此車接近大半生車身都披上公司自家廣告。
此車服役生涯中主要行走慈雲山路線，可謂十四年前起一直陪我走過整個六年中學生涯，
當年就讀斧山道之中學無論食飯放學上慈雲山亦或出觀塘定係返屋企都經常遇上呢架車，當年對 3D 超富陣容留下最多印象都係呢部！
講返今次部模型，係使用近年全新模具改裝，所以像真度較高
由於模具本身為港島公司規格，內籠同車身都要大執。
當中包括 重新編排上層坐位由15排變成16排，過程要將半個上層地台重做。
車身方面，中尾軸之間裙腳增加九龍標準的 ”照地燈”凹位、花兩三個鐘磨走上下層大銀幕駁位變成一幅過，
當然還有車尾車牌位置以至更細微的如車身上層去水口位位置修改。
最後經過半年斷斷續續改裝過程，終於近日峻工！
多謝收睇
Thanks for reading.
