#1主要作長途貨運之用, 佢使用引擎同駕駛室 "屋仔" 分開嘅設計概念,
令駕駛室地台完全平坦, 置身其中駕駛環境更寧靜之餘亦更覺寬敞,
加上其高高在上嘅 "屋仔" 設計, 足以容納一個成年人挺胸站立,
其前衛嘅設計令佢當時甫一推出, 即奪得 1991 年最佳貨車大賞 (Truck of the Year 1991) 。
AE 系列一共生產左達 23 年之久, 直至 2013 年停產, 並且由全新嘅 T 系列取代。
今日收到嘅呢架 IXO 出品 1/43 貨車拖頭模型,
正係 1992 年仕樣嘅 Renault AE420 Ti, 屬於兩軸 4x2 設計,
由型號可知, 佢配用付有 Turbo 同 Intercooler 嘅列式六汽缸引擎,
輸出馬力為 420hp。 記得以前中學果陣喺紅磡四郎模型,
見到一盒由意大利 Italeri 出品嘅 1/24 Renault AE500 拖頭模型,
佢紅色嘅屋仔加上牛高馬大嘅車身設計, 令在下留下深刻嘅印象,
亦令我開始留意呢款拖頭, 更入過一次嚟砌。
香港亦曾經引入過兩架 AE Magnum 拖頭,
為 AE385 Ti, 三軸 6x4 設計, 顧名思義, 佢引擎馬力 有 385hp,
不過之後就唔見代理再有引入, 或者係因為當時 AE 系列嘅車價,
比當時同廠仲生產嘅 R 系列高啦, 而且佢高大嘅車身,
就算其他高屋仔貨車裝左車頂擾流器都未及佢嘅高度,
作為行走中港線, 係内地有啲地方有機會因為橋底太矮而過唔到甚至刮車頂。
記得一次坐巴士喺新界某處見到其中一架拖住貨櫃喺公路行走,
佢比一般已經使用高屋仔嘅貨車仲要再高嘅車頭,
令人家就算喺老遠嘅地方都認得出呢款貨車,
佢鶴立雞群嘅設計可想而知。
呢款 AE Magnnum 拖頭, 雖然已經係廿多年前嘅設計,
但係佢嘅車身外觀以至設計概念, 到今時今日依然未覺落後,
亦可見當時法國 Renault 嘅汽車設計已經係走在最前。
正式落地!!
呢架 IXO 推出嘅 Magnum 拖頭, Detail 唔錯,
唯一要挑剔嘅或者係作為一架 1/43 貨車模型,
竟然冇前軸轉向, 不過自己鍾意呢款拖頭,
亦不妨敗比佢啦~
香港曾經出現過嘅 AE Magnum 拖頭之一, 另一架係藍色, 亦係在下見到嘅一架
另:
Top Gear 其中一集 Top Gear Lorry Challenge,
Jeremy Clarkson 所買嘅正係三軸版 Magnum
Thanks for reading~
