小弟2009年開始玩，當時係Simutrans 102，後來去到2012年升級去110，同埋開咗個新save玩pak128.Britain 1.0，斷斷續續個save都玩咗超過十年。啱啱見到原來今年已經出到123.0，有得set開車時間，又可以睇每個站eta咁，就試吓升唔升級到，初頭都驚會開唔到，點知順利開到個save。

一打開就好唔習慣，日常用開Line Management、Vehicle Control版面轉晒，睇咗十年嘅介面一時三刻唔係太習慣到，平時習慣用change schdeule勒車大法，一吓子變得手忙腳亂。

以往要調教班次同開車時間，只可以透過set站坑紅綠燈時間或者頭站schedule 100% passenger再較時間份數，當然玩慣咗較時間已經好得心應手，缺點係有時幾條同路疏車線只能夠透過set唔同嘅班次去避免五車齊發，同埋混合用車要揀啲差唔多速度嘅車，如果唔係好容易斷纜。新嘅調教每月班次數目同開車時間功能仲要啲時間去摸索，不過我諗我應該可以玩到好出神入化。

老老實實eta呢個功能真係好正，望住啲大站嘅eta都幾治癒，一路睇一路都不禁感嘆十年光景咁快就過咗。

然後十分大鑊嘅一件事，就係紅綠燈依家由兩個方向變成五個方向，我到依家仲理解唔到佢係點運作。上文講到我有部份路線用紅綠燈勒車(近六年已經無用，但個別路線同路段仍然用紅綠燈放車)，同埋基於以前紅綠燈淨係可以控制到兩個方向，所以路口/勒車位都係特別設計，依家轉咗五個方向嘅結果就係電腦大爆炸，各區有紅綠燈嘅路口同勒車位都大塞車，睇來全面用123.0玩舊save前要先解決晒所有紅綠燈問題



update：初頭以為各區大grid lock係源於新嘅紅綠燈系統，經過30分鐘測試後發現應該係新嘅AI太智能太禮讓所引致，會預留空位避免停喺路口塞住其他轉入路口車輛，同埋即場判斷right of way，原意係好，但係我本身道路同巴士總站設計唔適合呢種智能AI，睇來短期內都無新道路設計可以解決到。喺未研究到點樣改造路口設計同巴士總站出入口設計之前我應該繼續玩住110先

見樓主講到咁吸引 仲諗住走去down嚟試下
點知WIN7 玩唔到

MF 3949 on 2022年3月23日 18:14:47: 見樓主講到咁吸引 仲諗住走去down嚟試下
點知WIN7 玩唔到

試試120.0版睇睇...
(小弟玩開111.2.2 R5583版
唔提起都唔知個舊SAVE玩咗11年有多:
過千架E500車海...
如果要換車肯定未換完先Hang機... )
轉張新地圖再嚟過...

PS 一潛水就5年過外...
試新版之時:順手睇睇間汽水廠(?!)運作如何了...

除左官方既主程式，仲可以用一個由日本人修改左既版本OTRP https://github.com/teamhimeh/simutrans/blob/OTRP-distribute/documentation/OTRP_v13_information.md 。otrp可以比用家自行set唔同路做單向／雙向等等，內建比官方好既行車路線AI，可以有效善用單向路中兩條行車線，如巴士線係用單向路，咁排隊既車就會左右左右咁排隊停站。除此之外，路線管理亦提供更多控制選項，下面會有圖比大家參考

行車路單／雙向


路線管理控制選項

見大家講到新版咁多 advanced function 搞到我都心郁郁想升級自己個 save
但係好多建築物 道路配件 巴士 火車 pak 都唔知升唔升到級，其中一個升唔到就煩

見到班次咁多 function，自己仲係全部巴士線 set 緊 1/16 1/32 1/64
仲要放多幾架車喺總站等總站一定會有車排隊
如果其中一班車慢咗好多，斷咗纜，架車翻到總站又係再等 1/32，結果啲車就塞晒去另一邊，然後就要人手踢幾架車去對站
宜家搞到好多時寧願做循環線，起碼班次唔會咁亂

之前試過部份線試派咗電動巴士，加速慢到次次都比後車追到，結果就幾架車齊齊翻總站，架電巴就繼續 1/32 咁等開車
一怒之下就停駛晒所有電巴

120.2.1 + 地形工具
因為個舊save玩左十年以上，一上新版本就load唔到
(即使刪左好多crash嘅pak，入到game 啲Half Height斜路走哂位 )

加上近年轉玩cities skyline，好耐無再開game