當大家响過去幾個月日日見到善水蝕成億，政府又冇諗住救嘅時候，真係好鬼搲頭。

由於善水最大問題係港島區路線大多重覆及累贅，歷史因素比較多，因此我會建議重組以下路線去慳番一兩個錢。由於方案太多，因此會以基本方向嚟討論，唔寫得太detail。

－合併2、18、18P為一條半快版2號
其實係價錢問題搞到而家冇人夠膽諗，再加埋大坑問題先搞到一路都冇辦法做到，因此以一個特惠嘅價錢 $6.0 來往筲箕灣及堅尼地城（卑路乍灣），當中所謂半快，其實係將2號嘅維園／大坑段取消，而合併後嘅2會以現時18行走路線來往上環及卑路乍灣。
由於此建議亦會加強18X到15分鐘一班（現時係20），基本上係送錢畀善水洗得嚟，又有竟爭力好多。此建議亦可填補港島區流水線收得平得嚟冇效用嘅一路畀公眾批評善水唔識搵錢賺嘅情況。
亦因為此建議，10號稍為加價至 $5.0 並加設皇后大道東去堅尼地城及上環去北角嘅 $4.2分段。

－延長25至堅尼地城而不選擇改返25出軒尼詩道
又，因為現時有聲音建議恢復辦5號，而我亦响上文建議將2號拉走，因此建議5號既然諗住復辦，不如拉長25號去堅尼地城並改為雙向路線。延長至堅尼地城係用返5B、113條走線，中間往堅尼地城方向會加經大坑，上落山方向都係經晒天后廟道而唔經雲景道。除咗碼頭嗰邊好似利益受損之外，實則可以令更多人受惠。而呢條拉長嘅25因服務範圍加大要稍為減價到$6.5，而班次大概會定為非繁忙時間30分鐘一班。由於19由新巴過戶到城巴嘅經驗，呢條一樣係將新巴轉去城巴以方便調動。

－將26減少一半班次，取消25A並加開新線26M來往會展站及寶馬山（經勵德邨）
現時26實則上荷李活道嘅客量唔多，由於目前勵德邨服務同好多路線重疊，因此建議將25A改為新巴經營，拉長上寶馬山得嚟又唔會影響到勵德邨服務，而且仲好配合該公司嗰個同鐵路公司合作嘅概念。

－取消路線 27 並加強 85、85A、678、679 班次服務
首先27全條路線幾乎只有由寶馬山落山之外都同85重疊，既然如此不如將85全日上寶馬山（即係取消晚上九點後只來往北角碼頭嘅安排）。而因為早上返學時間需要甚大，因此亦建議加開部分85A上山。
其次，現時全港過海線只有608、678、679（居然連682都冇） 有轉乘27上山服務，顯得好似寶馬山有來往北區嘅服務需求。因此建議將678來回各一班城巴及一班九巴班次改名678A，於經過北角之後以27原有路線拉上寶馬山花園站作終點站。而返上水方向則可由賽西湖公園站（即前25總站）作起點，經寶馬山總站以85P路線落山。因此678主要服務範圍嘅炮台山、北角、鰂魚涌及太古城班次並無任何損失。
咁679轉27呢，由於679於疫情期間只係開一班車並且連979過海嘅客都要暫時食埋，冇任何數據顯示到皇后山、流水响一帶有冇需要加開679A嚟取代，但如果真係需要，咁亦可開設嚟服務。
至於608轉乘27，則可考慮以九巴108加開特別班次108X取代，由於108目前服務範圍已經包括新蒲崗、啟晴邨、德朗邨，以九巴今年嘅建議，連26X都可以諗，呢條唔經土瓜灣嘅路線應該問題不大，只係將早晚一班108做呢條特別路線而已。

－將8、8X、19、789改成新8、19
由於19服務範圍以包含8X之服務，而城巴已經提出8X延長至大坑道而取消19。由於實質柴灣區服務範圍依然有一小段（即係杏花邨、康翠臺等）係可以分開計數，因此建議將城巴個建議直接改為19食咗8X，而8號延長服務去金鐘（樂禮街），由於咁嘅關係，會增設杏花邨去亞公岩道嘅雙向分段，並且增設類似黃大仙轉車站概念嘅環翠街市轉車站，直頭將8、19、682、694、780（連同擬建議嘅976A）做一個轉乘網絡。由於此建議，亦都係將8號改為城巴廠牌經營。

－將9、X9拆開並升級為9、9A、9B、9P、9S
石澳雖然只有一條路出市區兼一條路線行走，而現時9號行走班次都最少有三隻，其實有時話要複雜簡單化，不如將相關班次改號碼及劃一部分班次。
9號自身路線路線比較複雜，有大浪灣特別班次，有經鶴咀班次，又有歌連臣角特別班次。既然玩到咁，不如最簡單，所有班次全數直線服務唔兜咁多嘢，所有經大浪灣班次改為9A，甚至縮短為來往筲箕灣及大浪灣。至於9B就係所有來往鶴咀及筲箕灣班次，由於鶴咀冇咁多需要入石澳，可以用呢個方式去慳返部分成本。至於9C，因為係屬於春秋二祭嘅特別路線，因此索性改稱9S。
至於來往中環、北角及石澳嘅X9，其實可以改為一條經灣仔嘅每日特快路線，減價去$15.0，其中平日只係服務單向早上兩班出中環，晚上一班返石澳，再維持假日服務。

－將4X、37A、37B、37X大幅度重組
首先，以華富會重建為基礎，重建期間取消4X，並以37X早上開出改由華富開出經過置富花園，縮短為單向服務前往金鐘（西）或金鐘（德立街）。至於原有37A會增設去程來往置富花園及會展站，而37B則縮短去海洋公園，並減價至$3.7

－將38、42、42C重組
由於目前未知道華富重建會較幾耐，因此建議將42C轉為全日服務，並且暫時取消42直至華富重建完成為止，而新巴今年建議嘅38同42於非繁忙時間合併，則建議維持現狀。

－將6、6X、66重組，取消260
由於而家260已經唔再係一條豪華巴士路線，只係叫快些少咁解，建議將66恢復全日服務甚至開到深夜，而6號恢復全日不入馬坑。而6X則改經告士打道而不入皇后大道東，簡化路線之餘應該可以幫城巴慳到幾部車。同樣情況已出現於九巴208取消去同7號合併（雖然失敗）嘅建議。同時將66延長至晚上十一點，6X則延長至晚上九點。

－將77改經東區走廊延長至杏花邨
由於2M及84取消多年之後，一路冇安排來往耀東邨來往杏花邨嘅直接替代服務，而實質77雙向分段轉乘85都有少許疏落，加上之前都有提出將8號拉去金鐘，因此建議以77拉長去杏花邨去作為替補銅鑼灣嘅服務，因此建議將天后至太古城一段77改為行東區走廊，亦可以令銅鑼灣維持來往田灣嘅服務。因改道幅度關係，建議加設來往銅鑼灣及筲箕灣嘅雙向分段為 $6.7，而天后來往杏花邨則可加 $5.0 雙向分段。由於城巴已屬意用99加雙向分段嚟取代96，故此不建議修改99。

－將94A、95、95C增設轉乘計劃，方便利東人來往石排灣、置富花園來往鴨脷洲南及利東。此建議同時建議取消98及595。

－縮短102至銅鑼灣並改經西隧及改名902P，將102P全日服務改稱102嚟北角以東地區，並同時取消905灣仔至金鐘段
以目前幾條過海路線冗長得嚟冇辦法服務整體客量需要，因此建議將102大幅拆骨。簡單啲就係將北角至筲箕灣嘅過海去九龍西服務維持及快速化，東區走廊上落橋就係响糖水道。同時，為咗美孚來往銅鑼灣依然有服務，唔駛太密，就不如將102改為902P，唔要太子、旺角及油麻地。
而現有炮台山及銅鑼灣來往美孚一帶，建議將102縮短段後，改名902P，深水埗（欽州街）來往炮台山（電廠街），經長沙灣、美孚後轉出連翔道及西隧、然後不停中環，只於告士打道有限停站，上下繁忙時間每20-30分鐘一班，而路線時間可以以同類較成功嘅796P來回服務時間，由早上五點到十點，同下午四點到八點。

－因屯馬綫開通後情景，建議106大部分時間港島區太古城至紅隧改經東區走廊，並且增加106P班次以達致全日經鰂魚涌及北角嘅服務。由於目前608已取代部分東區來往九龍城嘅服務，班次可以減至15分鐘左右一班。

－延長606及606X服務時間至晚上十點
由於目前606路線極度冗長導致大量乘客改搭608及613，因大量耀東邨乘客都有提出此建議，因此可考慮606延長服務至晚上十點。同時亦因為606X特快服務亦有需求，因此晚上七點到十點期間606及606X各自30分鐘一班服務。

－以雙向分段方式增加將軍澳來往黃石碼頭班次
以新792R取代星期六、日及公眾假期日間嘅792M服務，當中來往將軍澳及西貢以設雙向分段，取代792M服務。由於實質本身善水早年係有條698R開去黃石碼頭，其實有呢個需求係可以等去黃石及北潭涌乘客有得選擇。至於價錢，初步建議以 $16 全程收費。當然，由於郊遊人士理論上太陽落山都已經選擇離開，因此維持晚上七點後至深夜嘅792M服務。

－交還78X經營權以讓79X達致正式全日，取代方案為277A繞經皇后山取代
由於78X行走方法相當唔討好，建議以交還78X俾政府，然後將277A成為第三條北區出九龍東路線。詳情可再議。

今次只係一個初步建議，詳細執行則要討論之後提出。

少少有關 9 號線既意見

唔計 X9、9S（9P 內文唔見有 ），相信 9、9A、9B 三線夾埋用車會同現時 9 號單一路線相同
之前試過幾次夏季搭 9 號出入石澳，會撞啱入大浪灣或者鶴咀班次
大部份班次座位大約 7-8 成滿之時，兩站既上落好多時都係個位數
如果常規抽正線出入石澳班次改為只去大浪灣或者只去鶴咀，反而未必班班個 efficiency 都咁高

當然部份時間如果大浪灣同鶴咀都積咗好多人，同時石澳已經上滿令到兩站長期上唔到車，倒不如有需要時開臨時加班疏導
當然 9A 9B 都會食到部份中途站郊遊客，但始終 schedule 咗個班次，變相個 efficiency 低咗

對於客嚟講，即使兩站都行晒再去石澳，大約多十分鐘左右（不計算若有大量上落）
基本上自己認為喺有需要時加開特別車，甚至用本身唔經大浪灣或鶴咀班次再入去幫手清客都不失為過
（最緊要好似宜家咁寫翻 minimum 邊幾班係一定入）
沿途幾個較多上落既站點都太受天氣、泳季等影響，客量 fluctuation 都頗大

反而想知旺季有「大浪灣 > 石澳 > 筲箕灣」既班次，啲車本身係咪由石澳泳灘踢出去，定係由出面私入嚟？
如果前者的話，改為石澳限人流上車然後留位入大浪灣又可唔可行？

（ps 講走線複雜點夠 14 號 對於我呢個唔熟悉既人嚟講，睇完佢個網都係一頭霧水 ）

歡迎討論

606系嘅話我個人建議係要將606縮到筲箕灣或者耀東（不過兩個總站都冇乜位），取消606A，九龍區雙向都唔改，延長服務時間。606X就改全日，拉到去彩虹/坪石，返港島入環翠，全日10-20分鐘/班，減到12蚊，同紅小爭客（平過佢已經贏一半）
不過城記會保608，咁改法佢應該會反對

e5340b on 2022年4月2日 17:43:13: 606系嘅話我個人建議係要將606縮到筲箕灣或者耀東（不過兩個總站都冇乜位），取消606A，九龍區雙向都唔改，延長服務時間。606X就改全日，拉到去彩虹/坪石，返港島入環翠，全日10-20分鐘/班，減到12蚊，同紅小爭客（平過佢已經贏一半）
不過城記會保608，咁改法佢應該會反對

真係要落手改嘅，筲箕灣北角成段英皇道去九龍東係咪真係有需要 606(A) 608 613 三條咁多？
再其次非繁一開二各 20 分班要倒多幾多架車？

檸少 on 2022年3月25日 15:38:44: －延長606及606X服務時間至晚上十點
由於目前606路線極度冗長導致大量乘客改搭608及613，因大量耀東邨乘客都有提出此建議，因此可考慮606延長服務至晚上十點。同時亦因為606X特快服務亦有需求，因此晚上七點到十點期間606及606X各自30分鐘一班服務。

606 過咗耀東咪又係同 608 613 同路，點樣關事

KE7066.LokFu on 2022年4月2日 22:05:03:

e5340b on 2022年4月2日 17:43:13: 606系嘅話我個人建議係要將606縮到筲箕灣或者耀東（不過兩個總站都冇乜位），取消606A，九龍區雙向都唔改，延長服務時間。606X就改全日，拉到去彩虹/坪石，返港島入環翠，全日10-20分鐘/班，減到12蚊，同紅小爭客（平過佢已經贏一半）
不過城記會保608，咁改法佢應該會反對

真係要落手改嘅，筲箕灣北角成段英皇道去九龍東係咪真係有需要 606(A) 608 613 三條咁多？
再其次非繁一開二各 20 分班要倒多幾多架車？

檸少 on 2022年3月25日 15:38:44: －延長606及606X服務時間至晚上十點
由於目前606路線極度冗長導致大量乘客改搭608及613，因大量耀東邨乘客都有提出此建議，因此可考慮606延長服務至晚上十點。同時亦因為606X特快服務亦有需求，因此晚上七點到十點期間606及606X各自30分鐘一班服務。

606 過咗耀東咪又係同 608 613 同路，點樣關事

可能我表達得唔係咁清楚，我嘅意思係606保持現有班次（或者減班），之後加606X班次（繁時10-15，非繁20-30）

e5340b on 2022年4月2日 23:16:54:

KE7066.LokFu on 2022年4月2日 22:05:03:

e5340b on 2022年4月2日 17:43:13: 606系嘅話我個人建議係要將606縮到筲箕灣或者耀東（不過兩個總站都冇乜位），取消606A，九龍區雙向都唔改，延長服務時間。606X就改全日，拉到去彩虹/坪石，返港島入環翠，全日10-20分鐘/班，減到12蚊，同紅小爭客（平過佢已經贏一半）
不過城記會保608，咁改法佢應該會反對

真係要落手改嘅，筲箕灣北角成段英皇道去九龍東係咪真係有需要 606(A) 608 613 三條咁多？
再其次非繁一開二各 20 分班要倒多幾多架車？

檸少 on 2022年3月25日 15:38:44: －延長606及606X服務時間至晚上十點
由於目前606路線極度冗長導致大量乘客改搭608及613，因大量耀東邨乘客都有提出此建議，因此可考慮606延長服務至晚上十點。同時亦因為606X特快服務亦有需求，因此晚上七點到十點期間606及606X各自30分鐘一班服務。

606 過咗耀東咪又係同 608 613 同路，點樣關事

可能我表達得唔係咁清楚，我嘅意思係606保持現有班次（或者減班），之後加606X班次（繁時10-15，非繁20-30）

606 縮到耀東咪即係 606A
你自己計下數
606X 依家 60 分勉勉強強夠行，延長埋起碼 75 分單
606X 開 25/30 每邊各三架
606 城巴 25 > 30 比盡擠返架出黎都要倒兩架，點睇都唔似係救到善水仲要輸埋柴灣耀東 $2 客

LE8869 on 2022年3月25日 16:21:08: 反而想知旺季有「大浪灣 > 石澳 > 筲箕灣」既班次，啲車本身係咪由石澳泳灘踢出去，定係由出面私入嚟？
如果前者的話，改為石澳限人流上車然後留位入大浪灣又可唔可行？

石澳 > 大浪灣 > 筲箕灣 咁行大浪灣唔夠載滯後咪倒客
石澳穩定有車開滯後冇乜大問題，但係大浪灣滯後就係咁先

入黃石碼頭，九巴會唔會反對？