#1九巴並且將呢條路線包裝成「過海穿梭快線」。呢條來往尖沙咀及銅鑼灣嘅巴士路線,
特別之處係以無限循環線形式行走, 所以乘客登車後, 理論上可以一直乘坐呢條路線,
直至當日服務時間完結為止。九巴為此安排一批 12 架當時簇新落地嘅 Volvo Olympian 12m 空調巴士,
並且上有相關嘅路線宣傳塗裝投入服務, 但係呢條路線只係服務左不足一年半,
卻被運輸署以呢條路線與地鐵荃灣錢嚴重重叠, 加上西隧通車後地鐵及海底隧道嘅巴士路線已足夠應付人流為理由,
被政府下令於 1997 5 月 1 日, 即係西隧通車當日起取消服務。
100 呢條巴士線, 在下當時亦試過一晚心血來潮試坐過一次, 以當時只要入一個五蚊銀,
就可以由尖沙咀過海去銅鑼灣再過海返老尖, 呢種遊車河享受真係比任何其他過海線都要超值!
不過由於呢條沿途均屬購物區, 途經嘅街道經常塞車, 令呢條路線經常嚴重脫班,
印象中甚至見過連續兩、三架巴士「拖卡」行走, 好不誇張!
2014 年九巴出左兩款 100 路線宣傳塗裝 Volvo Olympian 12m 空調巴士模型,
到最近喺 "依悲" 揾到呢架模型先至的起心肝決定入手, 箇中原因,
因為模型嘅車隊編號出現左同另一架版本「互相對調」嘅低級錯誤, 令在下當時難以接受,
不過亦因為自己嘅呢份執著令在下當時錯失左入手嘅機會,
結果十年之後嘅今日, 終於比我幸運地揾到呢架車, 而且仲係全新未拆,
雖然錯左車隊編號, 但係佢嘅車身塗裝的確吸引, 而且 100 呢條線自己又坐過一次,
點都有一份感情, 更何況又諗下, 九巴嘅工作人員又何嘗未試過幫巴士貼錯車隊編號呢?
(冇講錯, 以前都見過, 話唔定依家都有九巴巴士, 或者一、兩架上錯左車隊編號都唔知!)
證書編號 0711, 限量推出 800 架
正式落地!! Monika 帶您, 一齊感受九巴 100 無限循環嘅心跳感覺!!
GP 8309 嘅正確車隊編號應該係 3AV109
姊妹車, 友人陳鴻輝拍攝
Thanks for reading!
