***提提你，呢個做法只係小弟自己測試，無得到任何認證，有機會錯***

好多玩家都試過玩玩下果陣前面架AI車突然急煞，然後龜速cut過隔離線，你揸緊果架巴士就撞咗埋去。喺城市慢速嘅環境或者都停得切車，但如果你喺公路高速行緊，通常你都炒硬。
過去好多玩家都討論過AI車CUT線嘅問題，諗過好多解決辦法，不論係Editor嘅「overtaking prohib.」定係閂咗車輛碰撞其實都解決唔到問題，前者唔work，後者治標唔治本。
小弟呢早日揸車無意中諗起AI車成個硬cut嘅流程，似乎有D位可以搞一搞。

首先成個硬cut流程大致可以分成四個步驟：
1. 突然急煞
2. 慢動作cut線
3. (驚你唔撞)再急煞
4. 踩油走人

參考圖片：
https://drive.google.com/file/d/1Cy4mNxtUaQ5pStP12WqErIPe3iM0d-_g/view

呢四個步驟往往喺大約10-20米內完成，距離極短。一般而言大家都會認為問題出自第二步，所以都會從距離著手，諗下點拉長cut線嘅距離，但一直都無結果，同埋都解決唔到急煞呢個問題。
如果，我地先處理煞車呢？

解鈴還須繫鈴人，AI車有問題就緊係要問返AI本人。於是小弟打開Bing，問下AI大神到底AI煞車可以點set。同AI傾偈好困難，搞完一輪佢終於答到我，喺「AI_constfile.txt」入面有個參數叫「AI_F_brems_max」係同煞車有關，經過係咁改同入game測試，個參數由「10000」調整至「1200-3000」之間，AI車嘅cut線行為果然唔同咗！

參考圖片：
https://drive.google.com/file/d/16030rLLrfEwo2l-Ywh-gW62Lvmf9Nufa/view

參考影片：
https://www.facebook.com/watch/?v=978610197213877&ref=sharing

不過咁，雖然行為係改變咗，大家無咁易炒埋去，但就發現咗其他「副作用」(可以睇睇上面條link嘅片)：
1. Cut線幅度大咗，會cut多半條線先返嚟，當然呢個只係馬路炸彈嘅日常
2. 紅綠燈轉燈後AI車有機停唔切，當佢過咗set燈嘅path嘅話佢就會直接「衝燈」。唔……其實都係馬路炸彈嘅日常嚟
3. 部份AI車會因為煞車setting個數低咗，收掣不及zip咗入去前面架車度

無論如何，逐個改AI車嘅script檔或者暫時係最簡單同有效嘅方法，似乎解決咗十幾年嚟都解決唔到嘅問題(定係只係我搵唔到答案，其實大家都知？)。如果大家有其他新發現，或者對「副作用」有解決辦法，希望都可以喺度一齊傾下分享下。
最後附上小弟自行製作嘅AI車，入面已經調整咗個script可以做參考：
https://drive.google.com/file/d/1AncJUrP35XzYhKDZRS5aCpCdTWyCbhHu/view

AI汽車會在隧道裡頭切線(或不願出現切線的地方如雙白線)，重點在於同一spline內兩組(汽車)path能夠相互交換行車線，即使兩組path相隔五十米，AI汽車也能切線。
要解決這個問題，可考慮在兩組path中間加一條鐵路(2)或飛機(3)的path，將汽車path(0)分隔開，AI汽車便不能相互​​交換行車線。

zgundam on 2024年4月7日 08:22:33: AI汽車會在隧道裡頭切線(或不願出現切線的地方如雙白線)，重點在於同一spline內兩組(汽車)path能夠相互交換行車線，即使兩組path相隔五十米，AI汽車也能切線。
要解決這個問題，可考慮在兩組path中間加一條鐵路(2)或飛機(3)的path，將汽車path(0)分隔開，AI汽車便不能相互​​交換行車線。

隧道內最有效嘅解決方法