註冊時間: 2005年8月9日 14:07:35 錢包: 3,693.66 明彩 文章: 12,431 來自: 麻帆良學園市
攝影器材: Canon SX60 HS / Samsung Galaxy S9+
|
(麻帆良市心跳巴士迷俱樂部會長 Monika 報導) 1985 年, 時任港府將西北鐵路, 即係依家嘅輕便鐵路系統交比當時嘅九廣鐵路公司負責興建同營運, 為保障輕鐵嘅收益, 政府亦立法將包括大欖涌、凹頭、屯門及元朗一帶列為「輕鐵專區亅, 因此九鐵需要接收原本由九巴同專線小巴服務嘅區內路線, 以及為一啲唔適合輕鐵行走嘅鄉郊地區提供接駁巴士服務, 因此經過顧問公司嘅研究之後, 九鐵喺 1986 年 11 月成立巴士部門, 並且招標購買新巴士, 最後 Metro-Cammell Weymann (MCW) 奪得新巴士嘅訂單, 向九鐵提供 31 架 MCW Metrobus 9.7m MK2 雙層巴士, 成為九鐵巴士部嘅開國功臣, 及後再於 1988 年訂購 8 架 Metrobus 新巴士, 呢批巴士亦係 MCW 結束業務之前, 最後一批 MCW 嘅巴士產品之一, 另外九鐵亦喺 MCW 嘅協助之下, 由英國 South Yorkshire PTE 引入 20 架 1980 - 1981 年間出廠嘅二手 Metrobus MK1 9.7m 雙層巴士, 以擴充車隊同應付乘客嘅需求。呢批全數 39 架 Metrobus MK2 巴士外型同當時九巴使用嘅同款巴士如出一轍, 佢地獲得車隊編號 101-139, 除左喺輕鐵服務嘅區域, 喺九鐵嘅「重鐵」(依家嘅東鐵) 服務範圍, 例如來往九龍車站, 現稱紅磡革站至尖沙咀中間道嘅 K16, 同來往旺角車站至中港城嘅 K15, 都會見到佢地嘅蹤影, 此外佢地亦被用作租賃用途, 特別係城巴幾度由九鐵租用巴士, 以解決車源不足嘅問題, 從而與九鐵建立起合作關係。 但係呢批巴士未能過渡至 2007 年兩鐵合併, 先後於 2004 - 2005 年間退役, 而前文提及嘅 20 架二手 Metrobus MK1 巴士, 更早於 1995 年底已經全數退役。
今日新到埗嘅九鐵 MCW Metrobus MK2 9.7m 雙層巴士, 130 係九鐵訂購嘅第一批同款巴士之一, 佢地於 1987 年新落地投入服務時原本以灰色為主色嘅車身色彩示人, 到 90 年代初改以白色車身、 灰色車頂和車尾、配以紅色條帶同黑色裙腳嘅車身塗裝配搭, 亦令市長 Super Bus 回想起當時香港嘅美好時光。Super Bus 仲話, 1994 年 Corgi 推出同款巴士嘅模型, 但係 Corgi 使用嘅模具細節上同真車有非常大嘅出入, 就算佢知道 Corgi 已經使用左相同嘅 Metrobus 模具推出左多款塗裝嘅模型, 有部份甚至現實該公司並冇使用過同款巴士, 盡顯 Corgi 「一模走天涯亅嘅本色, 但係佢依然無法接受 Corgi 嘅做法, 亦令佢買唔落手。 今日終於有另一家模型生產商推出左呢款形象鮮明嘅九鐵 Metrobus 模型, 實現左 Super Bus 三十年來希望擁有呢款模型巴士嘅願望, 更重要嘅係, 佢高度如實地重現出真車嘅細節, 垂現巴士昔日服役時嘅風采, 唔似 Corgi 果啲 Metrobus「玩具巴士」! (Super Bus 按: 如果我將 Corgi Metrobus 模型稱為「玩具巴士」呢番話對一啲人來講係一種侮辱, 恕在下得罪, 事實上我有一架同樣由 Corgi 喺 1993 年推出嘅中巴 Metrobus 模型, 雖然同樣使用同樣嘅 Metrobus 模具, 但係我當時已經感到非常滿足, 殆終佢係第一架香港巴士模型, 至今仍然收藏中。)![圖檔](https://i.imgur.com/IRTxttJ.jpg) ![圖檔](https://i.imgur.com/skDQl9Z.jpg) ![圖檔](https://i.imgur.com/nmuTD4J.jpg) 證書編號 0517, 限量推出 1200 架 ![圖檔](https://i.imgur.com/DvJkHz8.jpg) 正式落地!! 心跳巴士迷俱樂部, Sayori、Natsuki、Yuri 同 Monika, 帶您一齊感受九鐵 MCW Metrobus 帶來嘅心跳感覺!! ![圖檔](https://i.imgur.com/Rd6N16F.jpg) ![圖檔](https://i.imgur.com/2j0lDn7.jpg) ![圖檔](https://i.imgur.com/sxfzjMv.jpg) ![圖檔](https://i.imgur.com/jnfZXgr.jpg) ![圖檔](https://i.imgur.com/9YIKx6L.jpg) ![圖檔](https://i.imgur.com/IV1Zyc5.jpg) ![圖檔](https://i.imgur.com/gDVq1Cf.jpg) ![圖檔](https://i.imgur.com/vh2LzAy.jpg) ![圖檔](https://i.imgur.com/NOPsOYq.jpg) ![圖檔](https://i.imgur.com/HjFPtOm.jpg) 真車相, 攝於 1996 年初屯門, 睇番車頭似係 130, 即係本文主角? ![圖檔](https://i.imgur.com/JCV5jXm.jpg) ![圖檔](https://i.imgur.com/2EZqmwr.jpg) ![圖檔](https://i.imgur.com/LB9F3Ox.jpg) 攝於 1995 年底洪水橋, 一批九鐵二手 Metrobus MK1 退役後等侯處置 ![圖檔](https://i.imgur.com/1h97Jy8.jpg) ![圖檔](https://i.imgur.com/yH9Hmjo.jpg) 新落地時嘅 Metrobus, 以灰色為主嘅車身塗裝示人 ![圖檔](https://i.imgur.com/cYLDjBO.jpg) ![圖檔](https://i.imgur.com/RyuWali.jpg) ![圖檔](https://i.imgur.com/IYxpj6o.jpg) --Xtra-- N年前陳鴻輝嘅作品, 由 Corgi Metrobus 改成嘅九鐵 Metrobus, 果陣真係好想有架 (陳鴻輝攝) ![圖檔](https://i.imgur.com/Wm8eKfd.jpg) ![圖檔](https://i.imgur.com/v8GkBer.jpg) 如果當初對 Corgi 出嘅 Metrobus 香港巴士三部曲唔滿意嘅話, 咁呢次應該夠完美啦呱~? ![圖檔](https://i.imgur.com/nQTVJao.jpg) ![圖檔](https://i.imgur.com/rxhShcE.jpg) 九鐵三部門, 輕鐵、重鐵、巴士部 ![圖檔](https://i.imgur.com/TtRSpJJ.jpg) Corgi KCRC MCW Metrobu 名場面 ![圖檔](https://i.imgur.com/yTeOzyl.jpg) Thanks for reading~
本文章評分: +2 - 評分:
_________________ Welcome to our Doki Doki Literature Club!![圖檔](https://i.imgur.com/TKudNmZ.png)
|
|