小弟覺得港龍今次執笠其實係本身已經計劃好,一嚟結業可以為大灣區航空鋪路,而且可以解決定位尷尬嘅問題

大灣區航空同國泰系有咩關係

我覺得樓主嘅諗法其實有啲胡扯,
依家事實其實就係武肺疫情令各行各業都受到重創就係咁簡單,
自今年二三月大流行開始航空運輸幾乎停擺,
就算通番航但係仲有幾多人夠膽坐飛機週圍去玩?
少人出外旅遊客量大跌而且講緊係唔只一兩個月,
莫講話航空業, 靠做遊客生意嘅依家都要食西北風,
航空公司要裁員已經係意料中事,
事關外國唔少航空公司都以此方法作為開源節流渡過難關嘅其中一著,
只係估唔到國泰今次會咁重手, 雖然都有睇報導話佢管理不善,
但係淨係香港計埋港龍都計埋成五千人,
當年敦煌八佰伴摺埋攪到失業嘅人人數加埋都唔夠今次多,
仲要唔知會唔會仲有第二次, 同埋我都懷疑佢有冇必要攪到要出今次呢招大屠殺,
不過啱啱睇大紀元, 波音可能又多萬幾人加入失業大軍啦, 先前已經裁左萬六人啦,
你話我口衰啲都係咁話, 話唔定遲啲國泰又會嚟多鑊...

國泰cut KA應該唔關大灣區航空事
你可以話佢cut KA 部分航線航權可能交由其他公司接手
但唔關大灣區航空事喇

航空業本身就燒錢
國泰早幾年炒期油虧損好多人都知
武肺疫情令到國泰損手爛腳
講緊飛機停泊費&維修 每日都要燒錢
但E家呢個環境根本冇收入
當國泰唔拎第2次保就業
公司入面D人已經估到重組係意料中事
但估唔到係cut起成個KA 而唔係炒人咁簡單

其實國泰Cut起KA 做少個品牌， 但係保到航權咁就已經Save 左少少錢

知道港龍航空嘅歷史同國泰收購過程嘅人，就知道港龍結束係必然。尤其佢國內航線網絡，係踩到國航 國泰條尾.....
在公司立場講，大家都係full service公司，無需重疊