香港巴士論壇

係前一排小弟就分享左英國各地嘅streetdeck 喇，而今次就想分享下英國第一批量產streetdeck. 就係Brighton and Hove所擁有的。呢一批streetdeck total 有24架，主要掛coaster 路線。而呢批車主要目的係要滿足Brighton Council 係City Centre 所設嘅low emission zone，同埋代替年事已高嘅元老Scania N94UD Omnidekka 。

以下係streetdeck 嘅小資料:
Engine: 5.1 litre Daimler OM 934 EuroVI 4 cylinder diesel engine
Rate: 231hp
Maximum torque : 1,400rpm
Long: 10.469m Wide:2.52m Height: 4.395m

係配置上可見streetdeck 配上馬力較細嘅引擎，係平路都唔錯，但coaster 路線有唔少大上大落嘅路段，上斜有打冷震情況，真係有d吃力。

好啦~去相

首先係車廂駕駛席，其實就唔算特別陌生，同其他Wright 產品一樣，儀表板比較簡潔，而出風口擺放得宜，司機可以輕鬆調較。


踏入下層車廂中部係輪椅區。同香港大部份巴士一樣輪椅區放在左輪後方。而區內有3張摺椅，係一個善用空間嘅設計，英國好多巴士都有呢個設計，但香港載客需求較高，無輪椅當水塘企人仲來得實際(又或者俾水貨客當貨車載貨←政治不正確)


向右手邊望，係樓梯同另一個設有2張摺椅嘅水塘。係英國嬰兒車一般可以不需摺起，所以呢個水塘係為嬰兒車而設的。
係之前嘅post 都輕輕提過英國嘅巴士公司唔多選用玻璃樓梯設計，所以只係樓梯底部旁板安裝小窗，就好似高載AVBWU 初期甘樣。而Wright 亦提到streetdeck係減輕車身重量下了不少功夫，以樓梯底部薄薄的隔板可見。


走到車尾回望車頭可見低地台區嘅座位較多 total 有16個，連摺椅即21個，主要受惠於單門設計。下層連摺椅共34個座位。

係時候走到上層睇下

回望樓梯，都係跟英國標準使用直梯，亦冇為提高座位數量而用上方梯。留意上層座椅前樓梯旁板用上玻璃代替纖維組件，可能係想讓出更多legroom.


先係上層車頭睇睇後方，為左配合車身顏色同帶出呢部係一個環保巴士所以選用左同Brighton and Hove 標準椅皮不同嘅綠色椅皮，比較清新。


眼利嘅朋友可能係上圖見到圖中右方嘅座位排列得有d特別。登登登登，就係有個小卡位同張台，方便一家大細/朋友食下野挽下紙牌等。而抬旁有2個USB charges 方便乘客差電，但2個又好似少左d。如果唔係坐係卡位嘅搭客想差電就可能有d尷尬啦。


再係車尾回首，可見上層使用較矮嘅車窗令壓迫感增加。風槽貼上宣傳路線途經嘅景點，不竟呢條係英國南岸出名嘅旅遊路線。


抽左風槽上其中一張宣傳，呢批車有free wifi 去完d景觀立即upload 相去FB, IG /share 俾親朋好友睇就岩曬。

內部就講到甘上下，就去睇下外觀啦。


先係門位，用上streetdeck 原裝嘅新車身，三尖五角。好唔好睇就各有各意見啦。
呢張係攝於southern 100周年活動嘅，可見英國bus event嘅 巴士唔會好似香港甘用鐵馬隔著巴士鬼甘遠甘圍著。係英國大家可以近近地同d巴士影下寫真haha。


再黎梯位，梯位旁板密封，上面有三個小門放置左電池插頭，水箱口同水位計。由於coaster 路線經過好多樹林嘅路所以樹檔係非裝不可。


之後係車尾部份，呢批車都各有不同嘅自家廣告宣傳路線/景點。用上係英國常見嘅長牌箱係一個優點，可以方便追車嘅人知架車去邊，尤其coaster 路線用上相同號碼可以拆出五條支線6個總站，而途經地更係可以截然不同出埋經牌就更清晰啦。


最後符上一張標準相作完結，如果大家睇到黎呢到，非常感謝

_________________
此乃系統自動輸出之板務信息，恕不接受讚好。

The skin is beautiful！

論壇板務訊息

【注意】#22961　widyat p2796785.htm#p2796785 《 論壇通用規則 》 8.6 不得發表只帶有附和性質或只為表達情感的短小回應，或沒有附帶理據的簡短評語 違例者最高處分：每篇違規文章凍結戶口 30 天 感謝　閣下在本論壇發表文章，惟請注意以上規則，謝謝合作！ 此處分由 BlackRainer (#30898) 發出。 如有疑問，歡迎與當值板務人員聯繫、在板務討論分板提出或電郵本壇。

配細馬力引擎會唔會就係用來試效能，如果唔得就會改返大？
長途路線仲用巴士，唔用旅遊巴，或者至少唔用直梯，有D奇怪！
咁條LED其實有無報站功能？
英國之前跟歐盟標準話扶手要鮮色，方便弱視人士，但近年好似多返好多車用金屬色

_________________
仿“在晴朗的一天出發”金句
運吉"好波",保鐵cut巴累市民,你係得嘅!

ASV98@8A on 2016年5月16日 01:15:20:配細馬力引擎會唔會就係用來試效能，如果唔得就會改返大？
長途路線仲用巴士，唔用旅遊巴，或者至少唔用直梯，有D奇怪！

搵勻成個 Wright Group 網站都搵唔到可以配另一副引擎，再者 231 匹連 micro hybrid 唔洗推冷氣其實唔算細，當然唔可以同 D9B 比啦
英國有唔少長途線係用普通巴士嘅

_________________
EV3201‧EW5360‧FG665‧FL590‧FN8250‧FN8469‧FP4543‧GE5135‧GR4043‧GU719‧GW7120‧HA9560‧JU5958‧JV6814‧KD801‧KP3011‧KP3369‧KV8252‧NV3983

Thx GJFT
去吧無謂再回頭　不須理往昔如何　今天你要走難留　我重提曾共深深愛過又如何
Dennis Dinosaur

其實部車個設計都唔差，不過車身顏色設計真係幾靚

係Bristol第一次搭呢類車嘅時候，真係大開眼界，從來未試過一搭巴士會係咁早轉波，然後上斜嘅時候，死都唔肯落返低波，跌速跌得好誇張，都係preferE400多啲

FX6774 on 2018年11月12日 09:24:07:係Bristol第一次搭呢類車嘅時候，真係大開眼界，從來未試過一搭巴士會係咁早轉波，然後上斜嘅時候，死都唔肯落返低波，跌速跌得好誇張，都係preferE400多啲

宜家tune翻正常左少少,不過都係e400勁好多,會唔會係套engine累事?

係READING坐過, 力水好差,又成日壞

_________________

FX6774 on 2018年11月12日 09:24:07:係Bristol第一次搭呢類車嘅時候，真係大開眼界，從來未試過一搭巴士會係咁早轉波，然後上斜嘅時候，死都唔肯落返低波，跌速跌得好誇張，都係preferE400多啲

我認為英國很大一部分公司，對調教車輛性能不慎重視。很多都是低轉省油tune