巴霸‧外傳‧無雙（IIB）【14 終集】080821

由 Naphthalene » 2008年7月15日 23:41:15 (p#1447976)

巴霸‧無雙 - 第十一集 - 緣盡？

　　新趕到老地方──蘭桂芳某酒吧會合羲和良。
　　「點呀今次？又搞唔掂你條女咩？」羲先開口。
　　「唔係。」新壓低聲線說。
　　羲再說：「做咩呀？你同佢分左手呀？」
　　新花盡九牛二虎之力點頭。
　　「搞咩黎呀？好地地做乜要咁先？」良終於發聲。
　　新沒說話，只是喝了幾口香檳。
　　良：「你同佢唔夾咩？」
　　新搖頭。
　　良想一會後道：「冇新鮮感？」
　　羲：「可能係喎，話哂都對左咁耐，冷感都好正常......」
　　新再搖頭。
　　羲：「佢老竇老母反對？」
　　新又一次搖頭。
　　良說時有點激動：「點呀你？問咩都擰頭，咁即係點啫？」
　　「你睇過呢張野就知我點解要咁做。」新說罷遞上一張紙──正是那恐嚇信。
　　羲良二人一看後，羲說：「我唔明。」
　　「我唔想累左佢兩個。」新終於說明原因。
　　羲依然不明白：「何以見得呢單野會影響果兩個女人？」
　　新說不出話來。
　　羲再「冷靜」分析：「而家佢對付既目標係你咋喎，又唔係果兩條女......」
　　新被羲弄得結結巴巴：「咁......我唔知佢地會唔會咁做架嘛，凡事都有可能喎。」
　　羲：「唉，你呢d人簡直杞人憂天。如果樣樣野都有可能，咁你覺得我坐喺度有冇可能畀天跌落黎既流星打死？」
　　新想一會後搖頭，不知是回答「沒可能」，還是「不明白」，還是「不知道」。
　　羲似乎理解作「沒可能」，遂續說：「咁咪係囉。咁......」
　　良打斷他們的話：「唉，仲嘈乜鬼有可能冇可能啫？佢地想點做，我地根本都唔知，估黎做咩吖？梗係飲酒最安樂架啦......」說罷便大口灌了整杯BLOODY MARY(蕃茄汁加伏特加的混合物)。

　　「呀！」酒吧外傳來一把呻吟聲。
　　新有感此聲極為熟悉，於是應聲走出去探個究竟。
　　他看到了一個再熟悉不過的人影──晴。
　　晴此時忽按撫着肚子，表情看上去極為痛苦。她手上握着一支啤酒瓶。
　　新即時衝到晴旁，扶着她的身子，說：「阿晴，你見點呀？」
　　晴看到新的面孔，即時把頭轉向一旁：「我......冇野。」
　　「仲話冇野？你睇下你痛到幾辛苦！我送你去醫院......」
　　晴終於發怒：「我真係冇野呀！你少理我一陣得唔得呀？」
　　忽然，晴痛得(也氣得)昏了過去，軟倒在新的懷裏。
　　「喂，喂！」新邊說邊拍晴的臉。他又向附近大呼：「救命呀，有人暈低左呀！」
　　旁邊已經有一人掏出手機報警。

　　羲和良也自酒吧奔出，看到此景。
　　良：「唉，又畀佢撞番自己條女。」
　　羲：「係囉，又會咁好彩既......」
----------------------------------------------------------------
　　在瑪麗醫院，新已等得不耐煩了，不斷原地踱步。
　　此時，醫生走出。
　　「請問呢度有冇梁凱晴既屋企人？」醫生問。
　　新應聲說：「我係佢男朋友呀，佢點呀？」
　　醫生說：「先生唔好咁緊張。你女朋友長期飲酒過度，而家導致胃潰瘍，需要留院觀察，未知會唔會影響到胎兒。」
　　「咁佢幾時......咪住，你頭先話咩話？佢......有BB？」
　　醫生點頭。
　　新不由自主，打了一個冷顫。

　　在病房內......
　　新緊握着晴的手說：「你冇事真係太好喇。」
　　晴又把頭轉向別處，問：「點解你要對我咁好？你都唔愛我。你走啦，我知你唔想見到我，我都唔勉強你。」
　　「我唔會走。」新擁着躺在床上的晴：「我......要你做我女王，好好照顧我地既王兒。」
　　「你......終於知道左我有BB喇？」晴再遲疑一會，絕望地說：「哈，我知點解你唔走喇。你係因為我有BB先至返黎同我一齊，係咪吖？」
　　新沒說話。
　　兩人靜寂良久，新走上前，吻了晴的唇一下，說：「冇BB，我都一樣鍾意你。」
　　晴無動於衷，依然顯得絕望，眼角也泛起淚光：「哼，淨係鍾意咋？」
　　新：「咁你覺得我應該點吖？」此時，他擁着晴的頭，不停吻她的唇。
　　「咁夠未？」新問。
　　眼淚已自晴的眼角流出。
　　相隔了很久，二人又再熱吻──不過是躺在病床上。

　　「你壓住我個肚呀。」晴說。

第12集續。

由 *~BB Dragon » 2008年7月16日 00:27:40 (p#1448030)

幾個鐘頭之前睇完469兄作既小說
我覺得你作得好好,特別係阿新同阿晴個段感情關係..同我而家既狀況幾相似下

PS..睇完你篇文有少少心郁想作添 :oops:

anyway,加油

由 Naphthalene » 2008年7月16日 19:30:16 (p#1448386)

多謝支持

不過老實講，我呢個從未試過有愛情既人，寫呢d感情位始終都係覺得差咁d野咁 :oops:

由 Lok111 » 2008年7月16日 19:47:43 (p#1448402)

不經不覺間已經有bb!最後會唔會冇o左ga?

p.s.你講ge差咁d野可能係:體驗或者你講漏o左野都唔其!十卜你!

由 Naphthalene » 2008年7月25日 23:08:37 (p#1453952)

巴霸‧無雙 - 第十二集 - 久違了

(警告！內有可能過激之成人情節！)

　　一天後的晚上，晴終於出院。
　　新晴二人牽着手乘地鐵到荃灣站，二人面對面站在車卡接駁位置，隨着列車移動而搖晃。
　　「今晚想唔想睇波？車仔對曼聯喎！」新湊近晴的臉開口。
　　晴想了好一會說：「好吖，我都未試過睇波，就睇一次咁大把啦。」
　　「不過我地未買啤酒喎。」
　　「屋企冇咩？」
　　「唉，唔記得喇。咁點呀？」
　　忽然，列車來個急轉彎，接駁位置於是激烈搖動。新一時站不穩，將晴壓向一旁。
　　「SOR......SORRY。」新顯得極其尷尬：「冇野嗎？」然後他終於按捺不住，開始撫摸晴的背部。
　　「我......」晴說了一個字後沒再說，只是靠向新的懷中。新也緊緊抱着她，讓她豐滿的上圍壓向自己，享受那股透不過氣的感覺。
　　列車繼續搖晃。
　　一切都久違了，他想。
----------------------------------------------
----------------------------------------------
　　兩人回到家門前，晴竟見羲和良也在此，於是高聲說：「唔係呀嘛，你call埋佢兩個黎睇波呀？」
　　「唔好意思呀，阿嫂。」羲有點尷尬。
　　「打攪晒。」良也說。
　　「唉，算喇算喇。」晴無可奈何。

　　「入呀，入呀，入呀......小！咁都唔入！」新、羲、良三人對着電視高聲大叫，但他們好像冷落了晴。
　　她在一旁喝啤酒，看得不是味兒。她沒發一語，但表情顯得極為不滿。
　　良似是注意到這一點，藉機推向新，說：「喂，阿嫂好似好悶咁喎。」
　　此時電視機傳來球證的哨聲：「咇咇，咇──」
　　「啱晒，而家半場休息，玩陣鋤大DEE好唔好呀？」新發聲。
　　「好吖！」羲附和。
　　「我去攞啤牌。」新立即離席到一旁取撲克牌。
　　「阿晴呀，唔好咁啦，最多陣間我對你好D。」新也吻了晴一下。

　　「嘩，阿嫂出到同花順！」羲見晴出此五張同花色的撲克牌時驚呼。
　　「乜咁勁呀？啊，我知喇，你偏心！你特登洗得唔均勻！」良大呼。
　　新立即為自己辯護：「錯！既然你覺得我洗唔勻，可以隨時走。」
　　結果整個客廳都寂靜良久。
　　「咁好囉，繼續玩囉。」良說。於是四人繼續玩鋤大DEE。

　　「贏左果個洗牌。」羲和良同聲說。
　　新感到不平：「使唔使咁呀？」
　　晴卻說：「好喇好喇。我洗啦。」於是晴疊好這52張的紙牌，開始洗牌。
　　晴洗牌時，身子向前傾，上衣向下墜，她那一雙巨胸上，清楚現出一道溝縫。
　　新無意中看到此景，不禁吞了口水一次。
　　羲此時打了一個呵欠：「喂，我好攰呀，走得未？」
　　良對羲說：「你捱唔到通宵就唔好學人睇波啦。」然後對新：「喂，我地兩個走喇。」
　　「仲有下半場喎。」新接着說。
　　「我地落去睇喇。你陪住阿嫂啦，佢今日好似好悶咁呀。拜拜。」
　　最後羲和良離開新的家。
　　「你知唔知我頭先好悶呀？你地三個......」晴開始抱怨。
　　「對唔住呀，頭先咁對你。」新撫着晴的髮絲說。
　　「你個身好臭呀，沖涼啦！」晴說時掩着鼻子。
　　「唉，好喇好喇。」

　　「咦，你做咩跟埋入黎既？」新問道。
　　晴的臉頓時發紅。
　　「一齊？」新問。
　　晴點頭時，臉變得更紅。
　　這對情人脫光衣服，走進浴缸。晴背向新開動水喉開關。
　　新看到晴的胴體，身體某處已開始發出要求。

　　兩人坐在浴缸內。
　　「頭先真係好悶咩？」新為晴擦上梘液。
　　「梗係啦。你呀，做乜頭先唔理我呀？」
　　「咁我而家加多兩錢肉緊啦，唔？」
　　新的雙手已自晴的背部慢慢游上前方腰部，又逐漸走上胸部。
　　「喂呀，好痕呀，唔好咁啦......」晴嬉笑着，想要抓住新的手，把它放下，但新的動作更快，一下子反而將晴拉住，令她轉身。兩人於是面對面相看，四目交投。
　　新有點不好意思：「你個......」他在胸口前晃動，指示女性一部位的位置：「......真係好大。」
　　他的手雖已多次接觸晴的胸部，但視線的接觸反而只有兩次。這次是第三次。
　　不過，新再次忍着自己的衝動。
　　兩人於是互相替對方擦梘液。雙方的身體撫摸開始愈來愈趨近敏感位置。
　　當二人的手觸及對方的神秘地帶時，二人終於忍不住衝動，在浴室二合為一。
　　很久沒試過了，他又想。
　　兩人死命抱緊對方，坐在浴缸，享受快感。
　　新似乎要感謝良給他這一個機會。
---------------------------------------------
---------------------------------------------
　　當晚距離與麟的約會，只剩兩天。

《巴霸‧無雙》第13集續。
P.S. 第一次寫沐浴情節，真係覺得唔掂......

晴唔係有咗 BB 咩? :lol:

由 Naphthalene » 2008年7月29日 22:25:20 (p#1456450)

CRH1 :晴唔係有咗 BB 咩?

兩三個月既肚，好似唔見得有阻濟 :lol:

P.S. 多謝支持

由 Naphthalene » 2008年8月1日 22:45:05 (p#1458087)

巴霸‧無雙 - 第13集 - 你為何要暪我？

　　兩人二合為一後一分為二。
　　他們以水洗掉梘液。
　　「對唔住。」新說時正擁着晴。
　　「你好似講左第三次喇喎。」晴有點「微言」。
　　「啊，」新有如從夢中驚醒，「對......對唔住。」
　　似乎此時這句話隱含多種意思。
　　「講唔講畀佢聽？」新暗忖着要不要交代那個「約會」。
　　「我......」新只說了一個字，晴已用手指按着他的嘴唇。
　　「仲想講對唔住？唔？」晴說。
　　「咁......」未等新繼續說下去，晴已在他的唇上吻一下。
　　「攬實我。」晴已經將頭投向新那全濕的懷中。
　　新聽到此說話，心知眼前的女人沒趣再聽自己說話，只好把她擁得更緊。
　　他心中再想：「畀機會我講吖好嗎？」

　　兩人自浴室走出，準備睡覺時，晴看到新的褲袋內有一張紙。
　　一看之下，晴心中現了一股怒火：「做乜要呃我？」
　　新轉身向後，看到晴停下，於是說：「你做咩呀？」
　　「哦，冇事冇事。」晴邊說邊將那張紙悄悄取出，收到身後。
　　她趁新爬上床時，將那張紙悄悄放到身旁自己的袋中。
　　「咦，做咩呀？有野漏左未做？」
　　「唔係，執野啫。」
　　「怪怪地。」新感覺晴有點異樣。
----------------------------------------
----------------------------------------
　　第二天早上，晴和新共同外出。
　　「等陣，我落去買d野先。」新說罷便沖出家門。
　　新每天出行，都習慣先看信箱，看看是否有信件。今天也不例外。
　　他發現信箱內有封奇異的信，於是急不及待取出查看。
　　信中的內容大致如下：

「哈哈哈，又是我。
記住，明天晚上11時駕駛你的巴士，到我說的地方去，如果不見你，你知會有甚麼後果的！」

　　此時，晴自升降機走出，看到新手執那封信，好奇一問：「咩黎架？」
　　「冇野冇野。」新驚見晴突然出現，立即將信收進身後。
　　「畀我睇下吖。」晴欲伸手取之。
　　「冇野呀！」
　　晴成功奪去那封信一看，於是大罵：「點解？點解你要再呃我呀？」
　　靜了數秒，晴再質問：「點解咁大件事你都唔同我講呀？」她的眼淚已開始流出。
　　「點解呀？」晴說畢自袋中掏出一張紙：「呢張咩黎架？點解唔同我講呀？」
　　路過的住戶看着那對男女吵架，不時指手劃腳。
　　新看到晴舉起那張紙，反罵晴一句：「你做乜偷我d野呀？」
　　「我問你呀！你點解唔講畀我聽呀？」
　　「我唔想你擔心呀。」新輕聲說。
　　「點解？點解我地死都唔可以死埋一齊？」
　　新不語。
　　「我一直都咁信你，點解你要咁喎？」
　　新不說話，只是衝上前擁抱着晴。
　　他的淚也湧出：「你知唔知呀，你死左，我生存仲有咩意思？」
　　晴推開新：「咁你死左，我仲為咩生存？」
　　兩人均寂靜凝視對方。
　　「我唔會再畀你走。」晴擁抱着新。
　　新似是被晴打動，於是也擁抱晴：「我都唔會畀你走。」

　　在那對情人的眼中，時間仿如再為他們而停止。
　　但實際上卻不然。
　　時間依舊逝去。終於，「約會」已到。

約會終到，究竟新的命運會如何？請看《巴霸‧無雙》終極回！

估計:
1 新(同晴)被麟+手下 KO
2 新(同晴)暗中通知警方,警方在暗處埋伏,時機成熟時把麟+手下全數拘捕.
3 新(同晴)暗中通知警方,警方開槍 KO 麟+手下.

由 Naphthalene » 2008年8月3日 21:06:47 (p#1459150)

多謝支持

特在此預告最後一集：
以上CRH1兄所言全部不太正確 :mrgreen:

由 Lok111 » 2008年8月10日 01:09:43 (p#1462738)

我就估麟可能會比d差佬打死!
跟住新架車可能整唔翻!
咁樣佢就以後同晴一齊=.=
有冇理由?

由 LJ9994 » 2008年8月10日 01:16:46 (p#1462744)

Lok111 :我就估麟可能會比d差佬打死!
跟住新架車可能整唔翻!
咁樣佢就以後同晴一齊=.=
有冇理由?

應該要問問作者個結局係 sad ending 剩係 Happy ending :lol:

如果唔係好難估到作者心目中既結局架 :lol:

由 ats143 » 2008年8月10日 14:33:48 (p#1462902)

S3BL469 :多謝支持

特在此預告最後一集：
以上CRH1兄所言全部不太正確

我估係晴有事...
新冇死到.

由 Naphthalene » 2008年8月10日 21:22:39 (p#1463104)

係sad ending黎既
自己諗下啦
結局大約兩三日之後出爐

由 LN 6648 » 2008年8月10日 22:05:25 (p#1463150)

新,晴同架FY3145比人推炒,撞死左...

麟就比羲同良劈瓜左

[文集] 巴霸‧外傳‧無雙（IIB）【14 終集】080821

Re: [文學小說 IIB！] 巴霸‧無雙 [10‧恐嚇] (V1.1@10/7)

Re: [文學小說 IIB！] 巴霸‧無雙 [10‧恐嚇] (V1.1@10/7)

Re: [文學小說 IIB！] 巴霸‧無雙 [10‧恐嚇] (V1.1@10/7)

Re: [文學小說 IIB！] 巴霸‧無雙 [10‧恐嚇] (V1.1@10/7)

Re: [文學小說 IIB！] 巴霸‧無雙 [11‧緣盡？] (15/7)

Re:

Re: [文學小說 IIB！] 巴霸‧無雙 [12‧久違了] (25/7) [[！]]

Re: [文學小說 IIB] 巴霸‧無雙 [13‧你為何要暪我？] (1/8)

Re: [文學小說 IIB] 巴霸‧無雙 [13‧你為何要暪我？] (1/8)

Re: [文學小說 IIB] 巴霸‧無雙 [13‧你為何要暪我？] (1/8)

Re: [文學小說 IIB] 巴霸‧無雙 [13‧你為何要暪我？] (1/8)

Re: [文學小說 IIB] 巴霸‧無雙 [13‧你為何要暪我？] (1/8)

Re: [文學小說 IIB] 巴霸‧無雙 [13‧你為何要暪我？] (1/8)

誰在線上

關於我們

[文集] 巴霸‧外傳‧無雙（IIB）【14 終集】080821

誰在線上

關於我們

更多