香港巴士論壇

如何離開妳 - 第一集

　　「鈴... 鈴... 鈴」嘈吵的的鬧鐘令我從睡夢裏清醒過來。正當我想把鬧鐘按停之際, 突然想起今天是我「第一日開工」的大日子! 我看看時間, 不得了, 已是 05:30! 我立即起床, 急匆匆地進行梳洗及更衣。接著, 我就趕到上水巴士總站。
　　到達總站後已是 06:00 了。我走到站長室前, 說道:「站長, 唔好意思, 我遲左十分鐘! 」「唔緊要, 你仲有二十分鐘做準備... 咪住, 你部車呢?」糟糕! 我竟忘記了到上水車廠拿車!「站長... 我要去一去廁所... 好快返...」站長仍未答腔, 我就二話不說踏著自己的自行車到上水廠。
　　「喂! 個新仔咁耐都未黎既! 部車震都傻啦! 」「你問我做乜... 我又唔識佢。你唔識關引擎 ga! 」踏了幾分鐘單車, 終於到達車廠。「係咪呢條友仔?」「都話...」「唔好意思! 我黎遲左! 請問我部車係邊? 唔該快少少, 唔該!」「你就係黃家明下話? 跟我黎~ 」步行幾十秒後... 「拿, 呢部 HV7287 以後就係你既車, 靚車黎, 過多幾個星期就走, 好好珍惜佢... 」「唔該晒師兄! 我走先! 」然後, 我就快快地把這金色巴士駛回上水總站...
　　不消十分鐘, 我就把車子駛回總站。我看看手錶, 心想: 真係好彩, 仲有兩分鐘先開車! 」「你頭先係咪去左車廠拎車? 」站長十分疑惑。「我...」「今次算你好彩, 如果今日係工作日, 你早就渣緊車係粉嶺啦! 總之, 下次唔好啦。」
　　剛才真是差點兒嚇壞! 辛好我還算準時。過了一分鐘後, 「磁~~~ 」上車門開了。真奇怪, 為何長長車龍裏竟沒人上車? 忽然, 一位同線車長在車門旁說: 「新仔, 你都未搞牌, 人地點知你渣 270A。仲有, 你電子價錢牌未 set 好價錢啊~~ 」「係喎, 唔該晒師兄! 」唉, 我硬係咁懵! 調較好所有東西後, 就揮手視意乘客登車。
　　一路上都沒什麼特別事情發生, 只是 270A 的客量比我想像中的多。由於我還是一個新手, 加上這是較新的車, 所以我也不敢開太快。當駛落粉嶺公路時, 我隱隱若若聽到一些人說: 「有冇搞錯, 平時搭呢個鐘數而家都應該係吐露港啦! 今日咁慢既! 」「今日好似遲左開車呀。仲有, 個司機好生面口, 唔怪得啦... 」「... 」「... 」這時, 我也不為意把車速加快至六十幾 Km/h。對我來說, 已經是十分冒險了。「EE, 好似快番少少啦, 希望唔會遲啦~ 」
　　車子愈來愈快地疾駛。不經不覺間已駛到獅子山隧道。我按下報站, 聽到的卻不是「下一站係, 九龍塘聯合道; The next stop is... 」, 而是:「下一站係, 景盛苑, The... 」我大吃了一驚。人們說當一個人有困難的時候, 是最不知所措的, 我就是個活生生的例子。我駕著車子, 亂按報站機上的按鍵。得到的是 ---「各位乘客, 歡迎乘坐九龍巴士公司, 270A 線。本班車將由九龍鐵路站, 開往上水。中途將有廣播, 提示各位乘客落車。祝閣下... 」真把我氣死! 我索性把報站機關掉罷了。
　　就這樣混沌過, 我終於用了一小時十多分鐘把這輛編號 "ATR7" 的巴士駛達九龍港鐵站。唉, 第一天開工就這樣......

不錯啦~支持你~期待下集~

咦？！我架愛車係故事到出現喎？！
希望主角揸好D HV7287啦！
Anyway,
第一集作得幾好，
繼續努力！
等你的第二集！

多謝以上兩位
其實我三架愛車中都有 HV7287 ^^


如何離開妳 - 第二集

　　「點呀新仔, 第一日返工, 感覺點樣? 」九龍那邊的站長問。「唉, 唔好提啦! 第一日就黎 D 咁既野, 真係唔知點算好! 」「咩野? 」「講黎都晒口水! 果舊報站已經搞到我煩到死! 仲有...」站長聽後拍了拍我肩膀, 笑而不語就走了。
　　在休息的十幾分鐘期間, 我到了某廣場的 8-11 買了枝豆漿。還未喝完, 腦裏彷彿出現一句話: 開車啦~ 開車啦~ 開車啦~ 我看看手上的時間表, 自言自語的說:「傻既, 而家先係 07:40, 過多五分鐘才開車~ 」「不! 我既手錶慢一個字 ga! 」我立即衝入巴士總站, 把那豆漿放在錶板旁, 然後就開了上車門了。
　　在總站起行時, 也沒太多人上車, 客量大多如源於窩打老道。不過, 車子在獅隧時上下層也只得小貓三四隻吧! 我的字軌是四車, 下班車就是第一班於非繁時開出的班次了。反正車上的人不太多, 我倒不如試一試加快車速至七十, 嘗嘗「渣快車」的滋味。然而, 當我自己為是地踏緊腳踏時, 意想不到的事發生了。
　　「刷」一聲, 右面倒後鏡因碰撞到收費站而甩下。我的天啊! 我再次踏實腳踏, 可不是加速, 而是減速, 地上亦多了一條深深的煞車痕。
　　「唉! 早知唔試『渣快車』啦! 唔通我手車真係咁『炸』? 我 D 人工啊! 第一日返工就整出個大頭佛, 今個月冇糧出添啦~~」我想, 「死! 今次罪加一等! 我撞爛左部靚車, 點同九巴交代? 」「... 」「... 」
　　過了半小時後...
　　「請你講下事發既經過... 」一位交警向我質問。「係咁既。我係獅隧出口渣得太快, 之後唔小心... 」
　　縱是如此, 我仍然要繼續上班。一部九巴的私家車從事發地點帶了我到沙田小瀝源車廠, 叫我進去找車行 270A。進去後, 我瞪大了眼睛。哇! 那先的巴士簡直是新得無「廠」能及! 一部車頭是圓碌碌的, 一部的電子牌上出有「ENVIRO 500」的字樣。我對派車部的人說: 「要白色車好喇~ 」「你信我地會比部鐵甲你? 」「鐵甲... ? 」「妖! 冇野啦。」這次我拿到的是輛 GC629, 玻璃上有個 "K" 字 ( 真怪誕! 沙田廠有九龍灣廠的車? ) 我曾八掛問過人, 但他們只笑了笑。不過算吧! 有車已經好好了。
　　我先把這白色車駛回上水, 然後再服務吧! 這輛車真的太差了! 我在公路加盡速, 也只有六十多 Km/h。我明白為何那人會笑了! 原來這是一部虧車。這樣玩新人, 真不該!
　　一天裏便發生了這麼多大事。希望在明天? 但願如此吧!

GC629同GC2329係虧車出哂名,17頂閘上何文田,10km/h都冇....
所以九記唔比派GC629行繁時行17

HD7610@297 :GC629同GC2329係虧車出哂名,17頂閘上何文田,10km/h都冇....
所以九記唔比派GC629行繁時行17

唔係真係虧到咁下話?

其實呢集係想講主角係超唔好彩既一日, 裏面包埋佢渣虧車。果時諗唔到有咩虧車, 突然 GC629 呢部車出現左係腦度, 所以就揀 GC629

( 其實都有 d 唔合理, K 廠車好地地係 S 廠 )

KR 3941．KG 4055 :

HD7610@297 :GC629同GC2329係虧車出哂名,17頂閘上何文田,10km/h都冇....
所以九記唔比派GC629行繁時行17

唔係真係虧到咁下話?

其實呢集係想講主角係超唔好彩既一日, 裏面包埋佢渣虧車。果時諗唔到有咩虧車, 突然 GC629 呢部車出現左係腦度, 所以就揀 GC629

( 其實都有 d 唔合理, K 廠車好地地係 S 廠 )

真係咁虧,我之前先搭完行15好鬼虧 ,其實可以轉做GC8347既

就算要渣快車都係吐公渣啦

GC629繁時會行215x

如何離開妳 - 第三集

　　就這樣駕著那廢廢的白色富豪巴士, 終於辛勞地過了一整天。奇怪, 九巴竟沒有把我革職, 只是在工資上「開刀」, 扣了幾千元。這也算是不幸中的大幸吧!
　　第二個工作天來了。我如常到上水廠拿車。可是我拿的巴士卻不是那「名貴巴士」, 而是一輛白色巴士。天啊! 又是白色巴士! 我真不想再駕駛那些令乘客昏昏欲睡, 司機忍著粗言穢語去踩油的「白車」! 我無奈地接過了一部車牌 GM107 的車子, 把它駛往上水總站。
　　「嘩! 家明, 今日渣呢部極品? 你好好彩 bor~」站長笑著說。我聽後皺了皺眉頭, 十分質疑站長那一張笑裡藏刀的面目。「講得好諷刺下喎! 不過算啦, 唔通車廢就唔開咩。」我說。站長笑了笑, 走了。「又係果張笑臉! 救命啊! 唔通我一世都注定要渣爛車? 佢好恐怖! 恐怖到我就快崩潰啦! 」我茫然地想。「喂! 咪發白日夢, 開車啦! 」站長最後對我說: 「記住! 渣靚部車佢! 」
　　橫豎這又是繁忙時間, 那些打工仔會不會收到 "warning letters" 可能亦關乎於我, 我不如試試這極品! 到達公路時, 我踏緊腳踏, 錶板上那速度計的指針快快地往右移! 同時, 駕駛艙已發出一些像吸塵機的聲音。我剛才差點兒超速! 真是保著了我的飯碗! 我繼續輕鬆地駕駛, 享受這輛白色巴士。
　　這個鐘數, 我昨日抵達九龍共用了一小時多。這天, 我只花了一小時左右就完成車程。真令人鼓舞!... 不! 是令我自己鼓舞而已。GM107 的力量真的不野小!
　　過了幾小時後, 我再從上水駛往九龍。這次車程十分順利。我開著身旁的小窗, 細味微風吹來的那種感覺... 真好受。當準備入九龍車站時, 忽然...
　　「真係好彩! 差 D 撞到個細路! 」在入站位拿著相機的是位巴士迷, 他似乎想拍攝 GM107。
　　「岩岩差 D 撞到個後生仔! 」我心有餘悸地說。「係咪一個巴士迷? 」一位同線司機問。「唔知呀, 但佢拎住部相機~ 」「係咪果個? 」同線車長一手指向剛剛那小朋友。他好似看不見我們, 拿著相機走到我的戰車前拍照。我想: 「他肯定是個巴士迷, 而且喜歡這輛 GM107! 」
　　過了幾分鐘我又開車了。這次上車的人不多, 只上了一個師兄和一個中年人, 還有那巴士迷。小小的巴士迷興高采烈地拍卡後, 就馬上坐在下層車頭最前的那個導航位。不知為何, 有人看著我駕駛, 特別是小孩, 總是渾身不自在。我把車速減慢了, 真害怕那巴士迷會打我小報告! 到了公路, 我趁下層的人不多, 就假裝有朝氣地對那男孩說:「你係咪巴士迷? 點解有新車唔影影部白色車既? 」「我既愛車係呢部車! 」男孩微笑說。接著, 我不禁一時興起, 與那巴士迷談天。他說了一些連我也不明白的巴士術語, 一頭霧水的我經他講解後才恍然大悟。他又對我說了很多關於 GM107 的事, 又細說它的威水史。因為這件事, 我對了巴士迷改觀。
　　我... 是不是喜愛了 GM107? 我的 HV7287 --- 是否落台了?

之前有 MSN D 人話個故事好悶。請問係咪真係? 我會改下

KR 3941．KG 4055 :之前有 MSN D 人話個故事好悶。請問係咪真係? 我會改下

我覺得吾悶呀

KR 3941．KG 4055 :之前有 MSN D 人話個故事好悶。請問係咪真係? 我會改下

唔錯

如何離開妳 - 第四集

　　快樂的時間總過得特別快。和那巴士迷談不過一小時, 車子就到了花都廣場。男孩向我說聲再見後, 我就緩慢地車子駛離車站。「下一站係, 欣盛苑; The next stop is... 」我如常把車子駛進裡, 可是沒有人上車。我想: 應該係前面黎左部 278x, 70K 之類啦~ 然而正當我想離站之際, 忽然...
　　「有冇搞錯呀你! 咁都睇唔到有人追車?! 好彩我跑得快口者... 唉, 算啦! 都唔想你難做。你幫我比車錢就算數啦~ 」「喂, 你好啦喎! 」我忍不住了, 斥責她說,「喂! 呀婆, 唔好似老賣老喎! 我地渣車搵食既緊係睇齊四面鏡先走人啦! 我肯定你口係我臨踩油果陣先彈出黎既! 唔好當我地流喎, 婆婆~ 」「係囉.............」車上一眾乘客異口同聲地說。「你估我冇錢呀, 比咪比! 」這老傢伙真是不可寬恕。算吧! 幸好那些乘客也支持我。巴士正在交通燈前, 原本已回復心情的我竟看到... 「下! 乜部車唔係整緊咩?! 」我不禁大喊了一聲, 車上下層的乘客都以奇異的目光望著我。HV7287 正行駛 279x, 真令我匪夷所思! 可是, 我這刻沒理會他們的表情, 只是在沈思我的將來。「死啦! 部車點解咁快出廠既? 今日會唔會渣返 HV? 我想渣 GM107 多陣喎! 」「... 」「嗶... 嗶... 」「司機, 綠燈開車啦! 」我連「謝謝」也未說, 那人就問: 「師傅, 唔該你天平村咩站落? 」「天平? 你要搭 70x 喎, 270A 唔到天平。」「下! 邊到有得轉車? 」「前面站啦! 」「好既... 唔該你。」
　　回到上水總站後...
　　「榮叔 (即上水巴總站長) ! 乜部 7287 出返黎啦咩? 」「哦... 係呀, 你聽日可以渣番部車啦~ 」榮叔看了我那愁眉苦臉的樣子, 說: 「做乜? 唔想要 HV7287? 部車好廢咩? 前 7287 掛牌個 273A 司機都話部車好正 bor! 」「唔係廢... 係個太盤重, 好辛苦扭彎囉。」「唔緊要呀, 部車過多一個禮拜到就去荔廠, 到時你咪換車囉。」「換 GM107 就正。」「你咪洗指意~ 部車係屯門車, 而且係 66 掛牌。」我聽後感到失望。「夠鐘開車啦, 好好享受埋部 107 啦! 」
　　在剩餘的幾轉車, 我都很用心地駕著這部車。公路上, 我幾乎逢車過車, 只有部份私家車快過我。這是我尾二那轉 GM107, 不過五分鐘, 我已到從大埔駛到科學園。這時, 我看見我一生最討厭的車 --- GC629, 行走 74x, 我真「鄧」那司機可憐。我本有少少衝勁, 想快速把車子越過這 629。可是, 我回想起昨天駕著 GC629 那不斷被車子超過的感覺是多麼不服氣, 我就減慢車速至 70 Km/h。其實, 我是為了那司機, 還是讓自己可駕駛 GM107 久些呢?
　　我的最後一轉 270A 是由九龍開出。到了上水總站, 沒有巴士迷為 GM107 拍照, 我頓時感到寂寞和悲哀。依依不捨的我從 GM107 的名牌架上取下我卡片。最後, 我就帶著沈重的腳步聲回家。
　　GM107, 再見。

* 請大家唔好誤會「如何離開妳」個「妳」係解 GM107

KR 3941．KG 4055 :如何離開妳 - 第四集

* 請大家唔好誤會「如何離開妳」個「妳」係解 GM107

係咪指HV7287?
HV7287去荔廠，
我會好唔捨得。
如果真係轉荔廠，
不如行271荔廠字軌，
咁我就可以日日見到佢