第一章 元朗(西)壞車記
--------------------------
一個又凍又有雨既早上，我將8267(元朗西d車長慣左咁叫)駛到去元朗西總站
雖然繁時幾分鐘就開一班車，但係車多既關係，仲有十幾分鐘抖抖
於是，去搵站長傾下計...
講下講下之際，前車個女車長跑過黎，話佢架車著唔倒喎
於是我地兩個好有「默契」咁將個頭伸出去一望，發覺...
部車擺正係上客位，點搞?
經過眾人既努力，結果都係無功而還
而我發覺我都夠鐘開車。難題就黎，我部車泊係壞車後面，右面又擺左部AP
於是，叫人幫手開後d部AP後，就諗：倒後，S位扭出去...理論上好簡單，但係實際上...
唔係驚唔夠位，係驚望緊倒後鏡時，車頭失驚無神沖個阿伯出黎...遮都冇把，趕住去避雨。
扭完右又扭番左，驚左一輪之後就去到上客位，當然以我既技術...
企係站頭既女車長好熱心咁幫我叫乘客上車之後黎個180度U turn...死﹗唔夠位，又要麻煩女車長幫我睇後
地下有點濕，再扭出站個野響曬軑，雖然唔係好尖個種，不過都有好多阿义望過黎...
最後都順利出站，不過肯定遲左好幾分鐘。
第一章完
）
