#1第一天：
呀ｓａ黎到沙田圍車廠攞佢第一部車，可能知道自己只係揸８２Ｋ啦～故此同廠長講不如要單層車算啦～
順利成章地，８２Ｋ第一日加冷的日子就用單層巴士，仲要即日改路，由美田開出，經美田＞美林＞銅鑼灣村＞大圍港鐵站＞車公廟＞源禾路＞沙田第一城＞廣源＞沙瀝公路＞沙田圍＞麗豪酒店＞源禾路＞沙田市中心＞美林＞美田（因要方便故事發展）
第一日用呢部咁輕的車當然唔習慣啦～仲要晨咁早由屋企行一段路先可以搭到通宵巴士黎到車廠再返屋企樓下的巴士總站，點解唔可以直接醒咗就係巴士總站就有車用呢？
「８２Ｋ ０７００ ＄３。６０」
站長原來早我一步到達呢個新開的巴士總站，仲ＳＥＴ埋啲車站預告版，真係唔了得喔！
七點話咁快就到啦～當然要立即開車行下大運，如果唔係黎緊嗰個鐘點算？
一開車幾付無人上車，因為個個都唔知有８２Ｋ存在。去到廣源邨先有一班學生上車，個個都見「去美林嫁？」「經唔經美林中學嫁？」「真係咁平？我搭８３Ｋ８３Ｓ去沙田都要三個七ＰＯ，你三個六就去到美林，有冇ＳＥＴ錯嘢呀？」個個學生來來去去都係問呢幾條問題，我只好用廣播同啲學生講「各位乘客，歡迎乘搭八仔巴士公司８２Ｋ線，本班車將由美田開往沙田各區之循環線，中途將有廣播提示各位乘客落車，祝各位旅途愉快。」並用機械手連按Ｎ次「４」「下一站係沙田圍新村」
睇見一個站就咁多人上車，仲要全部都係要返學的學生們，我要開快啲先得！
「下一站設有分段收費，下一站係禾輋邨」「叮噹，此車即將停站」企係落車門的學生們都好識做，企開一面咁「歡送」乘客落車，之後又再「飛」啦～
「下一站係美林中學」「叮噹，此車即將停站」呢一個站如果啲外人唔知咩事仲以為係巴士總站，因為全車人落咗成百分之九十九，我如果無記錯的話其中的八十幾九十百分比的學生都是在廣源上車的！
「下一站係美田巴士總站，此站為本線最後一站，請各位乘客落車，多謝乘搭八巴」呢個站落車的是一個剛訓醒的學生，佢係咁問我「司機司機，呢到係邊到呀？我要返學呀！我係讀美林中學嫁！呢班車幾點開呀？我要搭車過去呀！」
「唔洗咁緊張呀，你見唔見到嗰到有部車呀，嗰部車係可以去到你學校嫁！你上車搭一個站就得嫁！如果你剛係用八達通的話仲可以唔洗錢添～」
「唔該哂呀～司機！我要呀嬌呀，我明日都會坐你車，記得開快啲車我呀～我今日等咗好耐呀～唔該哂！」
我眼見第一日就有ＦＡＮＳ，明日一定要做得好啲先得！
「８２Ｋ １５３０ ＄３。６０」
好啦～仲有７個鐘，返屋企訓覺先，等到３點再黎～
「站長：同我睇住部車先呀～我訓吓先～好眼訓，唔該哂！得閒請你食飯！」
續。
＊歡迎討論及插
