(星島) 06月 09日 星期一 05:30AM
(綜合報道)





(星島日報報道)要保持二、三十年駕駛零意外，談何容易！九巴車長莊焯富卻成功保持三十年駕駛零意外紀錄，獲頒發三十年安全駕駛獎。莊車長教路，「路面的盲點千變萬化」，要避免意外發生，不但要做好自己，更要時刻機警，緊記保持「品字」或「菱形」行車，一眼關七，遠離其他「高危」車輛的威脅，要是熟悉所駕駛的路段就更好，隨時可找到救命的「安全島」。

　　望兩邊樹影行車

　　莊焯富駕駛了由上水至佐敦的九巴「70」號足有十七年，「由無街燈，無石壆，現時的康樂園對開一段路，只有兩邊樹、一條泥路，到現在條路幾靚！」他續指，「以前無街燈時根本看不到前路，簡直是望兩邊樹影，好像電腦一樣入了自動程式就去！」他對該段路熟悉的程度可想而知。

　　正因他夠熟路，遂令他成功避過一劫。十多年前的一個下午，他駕駛70號路，駛至中文大學祟基學院對開路段，兩輛私家車正在不要命似的從後而上快速鬥車。莊焯富從倒後鏡看到此景，心想，要是繼續行車，意外有可能霎間發生，於是即刻躲進前方的巴士站，迴避一下。

　　外界危機處處提防

　　豈料，他一避進巴士站，其中一個鬥車的私家車，竟也失控衝進了巴士站，再剷上站旁的石壆，如同剷上跳板，凌空飛越了幾個車位，再安全地繼續行駛。「幸好我熟路，知道那裏有巴士站，可以留位畀他行，否則一定發生意外！」

　　誠然，馬路如虎口，駕駛者走好了自己的路，亦未必避得開外界的危機。據此，莊車長教路，「唔夠一呎就是血肉之軀！」在三行車的道路，最好都是與其他車輛保持「品字」或「菱形」行車，留有足夠空間一眼關七，遇有突發事件，亦有足夠時間作出反應。

　　另外，車長吳平生亦獲得二十五年零意外紀錄的安全駕駛獎，他笑言，這些年來，他安全駕駛除了令他獲獎，更令他賺得乘客的陪伴成長，以及每天跟他說聲「早！」記者 陳意婷








在座有冇人take莊焯富carlo班車?

有carlo可以30年都冇發生交通意外,真係難得........................

借 Post 一 問 :

其 實 咩 叫 「品 字」或「菱 形」行 車 ?

38置富花園~VA63 :借 Post 一 問 :

其 實 咩 叫 「品 字」或「菱 形」行 車 ?

響三線行車線既情況之下，

試想像一下，

你在慢線，

理論上你會同快線既車平排，中線平排有空位，

前面中線有架車，

咁咪好似品字形。

而再想像一下，

以品字形作一組

咁多"組"合埋一似公路，

正常就會見到菱形，

又或者好似品字形作例，

後面既中線有部車，

就變成菱形…。


不過講真……我唔太明點跟品字同菱形黎行…

始終唔係個個都會咁做，

如駕駛不當，

到時唔單指唔知乜野型行車，

真係連部車都變埋唔知乜野型… 。


有錯請指正。謝

品字或菱型行車係避免自已被困响個盒之內

比如你行緊慢線, 前後都有車
如果快線再有車同你平行, 你個處境會好危險
因為有事發生係得你冇位走, 其他人要走相對容易過你
所以要keep返果兩種formation

PS.哩個topic响教防衛駕駛(defensive driving)果陣一定有講
想要詳解請上google:P