#1行下行下又行番去石湖墟街市,
但係今次唔同既係,我竟然係大排檔果度鋸扒?!
先去幾幅相~
先黎第一個黑椒黑安格斯牛柳粒~E個唔錯,不過我見隔離配紅酒汁梗香
第二個係我食既黑安格斯牛肩扒,
牛肩肉打邊爐果時就試過,好食過肥牛,但係估唔到用黎做扒同樣出色!
第三味就係蒜汁牛仔排骨,E個係三個入面,我認為比較遜色D既,因為煮得過左火少少,不過都合格既
再黎E個大家都會估係頭盤呢..一定係焗薯啦,錯錯錯,
咁講就錯啦,E個其實係甜品黎既,香草蜜糖焗番薯
而另一個甜品就係香蕉班戟,果塊面煎得岩岩好,但入面D忌廉就凍既,
感覺幾得意,唯一唔好既就係D忌廉甜味整到D香蕉唔多甜
不過如果你覺得佢係好平既話,對唔住,你要去番各大茶餐廳啦,
佢既價錢絕對比得上北區其他餐廳
不過我今次點既都係一D平價套餐,包餐湯,蒜蓉多士半片,冷熱飲及配意粉,飯或薯蓉
價錢由$48-$88不等,當然仲有其他晚餐,但係你所食既野,絕對係物超所值(扣除番環境)
由於坐位有限,所以係要等位既,而等既時間都幾耐半小時同九個字不等,要睇番有幾多人
不過等果陣佢會比包小食你,有果仁同開心果等,係免費既添~但係記著攞飛
