[今日奇遇] 逢星期日都係長者日? 長者逢星期日搭巴士都唔駛俾錢?

頭先搭 72 返大埔
(只可以說是荔廠其中一班車, 係邊架就無謂咁揚啦)
不過以下內容我都係大約聽到, 因為我坐在上層, 內容可能有少少出入, 但都差無幾

在青山道某個分站有個阿伯, 佢上車掂行掂過無俾錢
個車長好聲氣咁叫佢俾錢
但係呢位阿伯理直氣壯咁講今日係長者日搭巴士唔駛俾錢
咁個車長話無呢回事
但係呢位阿伯不斷話總之今日係長者日搭巴士唔駛俾錢
仲話 "逢星期日都係長者日, 搭巴士唔駛俾錢"
仲問個車長 : "你係咪新黎? 你係咪今日第一次楂車?"
(但以我所知係呢位車長係掛牌車長, 楂左都好耐下)
跟住又話 : "今日我係中文大學搭巴士出黎都無俾過錢"
"我搭過五/六次巴士都無俾過錢"
"自己無查清楚就亂話人, 你試下問下上頭, 睇下邊個岩丫?"
個車長好無奈咁閂閘開車
之後佢仲爆埋 : "以前長者俾一蚊, 後來俾兩蚊, 跟住政府俾左一大筆錢巴士公司去搞呢 d 長者福利"
又試途恐嚇車長 : "小心楂車, 成車人既安全係你身上"
個阿伯係呢程車不斷係咁講呢幾句, 重覆又重覆

中途有位長者看不過眼
佢話 "阿伯, 我唔識呢位車長又唔識你, 我唔係話幫邊個, 我係長者我都有俾錢搭車..."
果位阿伯就話 "你俾錢係你既事, 係你蠢, 總之今日係長者日我係唔會俾錢"
個長者一路係咁同果位阿伯爭拗
但後來就不了了之

跟住果位唔俾錢既阿伯就係赤泥坪落車
當閂閘開車後我望到果位阿伯仍然指住個車長鬧
後來果位幫口既長者就幫番個車長講好說話
"個車長都唔出聲無理佢, 但係果位阿伯就係咁無理取鬧"

以我所知, 佢呢程車真係無俾過錢
唔知佢會唔會報番呢件事俾站長知?

有啲長者真係會打橫黎講

我今日搭80都發生咗一個,不過只係我睇唔到姐…

話說有個長者上車,真係好似上面形容咁，直行直過，我仲係到諗緊咩事？

點知佢坐係我前面，先知佢住咗張「家屬咭」