903個頒獎禮雖則係內定且有得計，但最公平都係903
勁歌既就到就有，冇到就冇。

Tak Lam :

37B :

Tak Lam :

MT2384．NG1604@關楚耀 :今年 2008 年度叱吒樂壇流行榜頒獎典禮得獎名單是非常做馬
歡迎討論

森美都講咗話今次個SHOW係做馬嫁啦~

專業內定, 觀眾做馬

同埋我記得係星期一係架勢堂講起…
佢已經播咗FIONA的「甜蜜蜜」
證明下年會點,心照啦

講真，佢地將緋聞擺上檯果下我都笑左。
下年Fiona有獎啦！森大哥成日播。

訕Ken :講真，佢地將緋聞擺上檯果下我都笑左。
下年Fiona有獎啦！森大哥成日播。

之後叫方大同公佈,正呀
*PS:設2009年佢哋唔會散

結果都幾令人感到意外
所以隔兩日先出呢篇文，就係因為要 DD 時間準備點回...

專業推介叱吒十大第十位：我哋大家(林海峰)
每年指定動作，過去幾年分別有 07 年第十《東京鐵塔下GuLuGuLu》、
06 年第四《好兄弟》、05 年第三《男子組》，比佢唔奇，
不過本人對林公子講野的喜愛程度高過唱歌..

專業推介叱吒十大第九位：撈月亮的人(楊千嬅)
商台指定動作，呢首好隔硬，
2008 年我聽商台播《寫得太多》多過佢.....
我一聽呢個賽果直頭爆晒粗.....

專業推介叱吒十大第八位：舉高隻手(農夫)
農夫一定有，問題係佢囉呢首定係《富甲天下》，數字上都 OK

專業推介叱吒十大第七位：路一直都在(陳奕迅)
呢首唔係好覺商台點播，情況仲差過《撈月亮的人》，
個人都覺得呢首並非 Eason 今年最好歌曲...

專業推介叱吒十大第六位：ABC(歐陽靖)
爆冷，呢個冷太爆，不過本人都好欣賞呢位 rapper 同呢首歌...
得到獎可以話好彩同實力都有。
不過呢首歌比我印象就係「ABC 係我係我......橫睇掂睇 du 係我...」

專業推介叱吒十大第五位：櫻花樹下(張敬軒)
賽果唔算合理，論播放數字我就冇做統計，都係靠平日聽到自己心中計算，
不過佢呢首應該在第 8-9 左右，冇理由咁高
（留意，我冇話佢唔應該有獎，只係位置上古古怪怪咁）

專業推介叱吒十大第四位：跑步機上(容祖兒)
更奇怪，全年我在 903 聽得最多一定係《愛怪物的你》，照計冇理由係佢....

專業推介叱吒十大第三位：下次再見(古巨基)
排名應該正確，不過我覺得呢首並唔係一首好歌，
主要都係覺得呢首歌本身唔適合佢，比邊個呢，廁田啦，佢 OK 既，不過我更加唔會聽而已...

專業推介叱吒十大第二位：Love Song(方大同)
爆冷但合理，好似《簡單最浪漫》同《如果愛》播放率都好高，
但係本人都幾鍾意呢首，清清地舒舒服服，有治療系同 R&B 的合體
佢呢款算係香港樂壇一個清泉，請 Khalil 繼續努力....

叱吒樂壇至尊歌曲大獎：囍帖街(謝安琪)
（同時獲得我最喜愛歌曲同四台聯頒歌曲獎）
合理，呢首已經係年度大熱，而且我由佢派台第一日已經話呢首歌掂，
唔係咁簡單架...
當年我做網台有規定播乜歌，我一直都唔播，直到有一日安排左我播呢首，
我就破例播歌啦，咁我相信唔係好歌，唔會有呢個結果...


叱吒樂壇生力軍男歌手：
銅獎：徐浩
好多人可能對佢認識都冇，不過今年派左一首《兩隻紙杯一條線》，
呢首都係今年我推介的作品之一，話就話我偏好 R&B，不過唔係人人唱的好，
佢算係新人之中唱得唔錯的一個....

但係，銅o者，唔駛喊成咁....

銀獎：狄易達
所有同陳百祥有關的人等都唔係好人，
呢個冇樣冇身材冇歌藝冇舞步的蛋散都可以囉獎
商台由幾時開始變得咁冇眼光？

金獎：陳偉霆
呢個還好，不過問題黎啦，點解唔係 MC Jin 呢？
佢話就話外國出道六年，不過香港都係第一年，咁按道理香港應該有新人獎....

同埋，香港有跳舞音樂同歌手，唔好唔記得佢兩個師姐 Yumiko 同鍾舒漫，
仲有當年杜得偉、鄭秀文同郭富城....（當然佢唔好自比呢 D 啦，1/10 都冇...）

叱吒樂壇生力軍女歌手：
銅獎：方珈悠
賽果正路，佢全年派得一首歌極度冇誠意，仲要首歌本身好煩...

銀獎：胡杏兒
可以接受，不過應該更高，
都係計算播放率，咁我聽到胡杏兒機率高過 GEM 好多....
同埋順耳好多.....

金獎：G.E.M
唔係掛，佢有咩特別呢，我都話囉，17 歲唔好扮大人，
40 歲唔好扮細路哥................................

叱吒樂壇生力軍組合：
銅獎：24味
佢派粗口歌上台就話o者，派唔到粗口歌呢隊野存在價值 < 0....

銀獎：Mr.
夠啦，我好憎黃家驅囉唔該，唔好再當佢神咁拜啦，
我有選擇權唔聽呢 D 垃圾音樂掛？

金獎：RubberBand
驚喜，呢隊本來我聽過《一早地下鐵》、《小涼伴》都好欣賞，
佢地風格有 D Jazz，又係我比較喜歡冇咁 heavy 的音樂類型....

叱吒樂壇填詞人大獎：林夕
唔知第幾次囉啦，不過都係正常....

叱吒樂壇編曲人大獎：王雙駿
我老早就話應該佢囉，佢編曲數量唔少，冇理由年年輸比雷頌德

叱吒樂壇監製大獎：雷頌德
咁又難怪，所有金牌歌手都係咁監製，雷頌抄理論上都...haha

叱吒樂壇作曲人大獎：方大同
爆冷，不過都好，證明香港開始接受到不同類型的音樂，唔再清一色都係雷頌抄式歌曲....

叱吒樂壇唱作人：
銅獎：林海峰
估到與估唔到之間，確實劉德華今年擺少左時間唱歌，
而其他唱作人好多都唔爭氣...

銀獎：王菀之
個人都覺得賽果正路

金獎：方大同
如果佢囉到作曲人大獎，照道理都係佢，基本全隻碟都係佢既時候，冇得因為呢個問題有爭坳....

叱吒樂壇至尊唱片大獎：Binary(謝安琪)
都正常，Eason 今年當佢放棄，容祖兒今年前後同一碟都係得 4 隻派台，
仲有方大同 D 歌唔夠佢 popular 都係事實，寄望 09 年方大同再努力 ^^

2008年度叱吒樂壇組合獎：
銅獎：Hotcha
多謝商台只係新人獎冇野好頒先比 D 家驅餘孽
今年冇左 Twins 確實係佢地天下
一向商台都唔係太支持 Freeze 的情況下，呢個賽果正常，
不過希望下年佢地 D 歌會好返 D，今年佢地冇乜好歌....

銀獎：At 17
商台正路賽果，由 at17 出道以來佢地既音樂都受呢個台歡迎，
今年特別要提《依然...親愛的》，個人覺得非常出色，
可惜冇乜人欣賞，大家居然喜歡《馬雅民歌》，無奈...

金獎：農夫
咁唔需要講，基本有冇 Twins 我都覺得比農夫正確，
而且佢地 D 詞非常正面，教育意義當然冇乜，不過晌呢個時勢，都有鼓勵人心作用，
播多 D 啦應該 ^^
（如果你覺得佢 D 詞唔夠張如城正面的話，你應該係共產黨人...haha）

2008年度叱吒樂壇女歌手：
銅獎：王菀之
銀獎：謝安琪
金獎：容祖兒
今年女歌手獎要一齊講，因為爆左大冷....

首先呢，申報利益，我係容祖兒 fans，不過都好欣賞謝安琪，
上年我係一隻容祖兒的碟都冇買過，反而 Binary 我就買左，
原因就係容祖兒 D 歌已經開始冇左以前種期待感

好啦，咁點解話爆冷呢，就係最初我都以為謝安琪囉金容祖兒囉銀，
可能年尾容祖兒首《愛怪物的你》播得多，都可能係《四面楚歌》最後唔計合唱，
不過在我心中容祖兒已經囉夠，2008 年係謝安琪天下，或者 2009 年容祖兒會冇金....

銅應該係屬於何韻詩甚至吳雨霏，點都計算唔到王菀之，
不過無論點都好過楊千嬅.....

2008年度叱吒樂壇男歌手：
銅獎：陳奕迅
銀獎：古巨基
金獎：方大同
結果都算正常，不過印象中麥浚龍應該高播放過古巨基....

我最喜愛獎項由於係由大家票選，我唔特別評論啦...

回下檸少

叱吒樂壇生力軍男歌手：
銅獎：徐浩
好多人可能對佢認識都冇，不過今年派左一首《兩隻紙杯一條線》，
呢首都係今年我推介的作品之一，話就話我偏好 R&B，不過唔係人人唱的好，
佢算係新人之中唱得唔錯的一個....

但係，銅o者，唔駛喊成咁....

徐浩喊得咁勢利我相信唔係無理由
你諗下喎, 由以前V o個陣, 派哂歌但都無出碟最後仲散埋, 到而家輾轉做到08新人, 中間都應該挨過唔少, 有獎感動都好正常

專業推介叱吒十大第九位：撈月亮的人(楊千嬅)
商台指定動作，呢首好隔硬，
2008 年我聽商台播《寫得太多》多過佢.....
我一聽呢個賽果直頭爆晒粗.....

撈月亮又係o個句: 唔係唔好但又好似未好到值十大

金獎：陳偉霆
呢個還好，不過問題黎啦，點解唔係 MC Jin 呢？
佢話就話外國出道六年，不過香港都係第一年，咁按道理香港應該有新人獎....

新人獎方面其實係計出碟, MC Jin出過碟所以唔當新人(即使係外地)

叱吒樂壇生力軍女歌手：
銅獎：方珈悠
賽果正路，佢全年派得一首歌極度冇誠意，仲要首歌本身好煩...

方珈悠有第2plug架(大勇), 不過無上過榜咁解

銅應該係屬於何韻詩甚至吳雨霏，點都計算唔到王菀之，
不過無論點都好過楊千嬅.....

何韻詩無獎呢樣真係覺得有d唔值
韻律泳谷得唔夠, 無十大
滿地可榜都無得上囉......903認真玩野
跟住Ten Days In The Madhouse其實質素一d都唔輸蝕, 只係輸o左o係年尾先派(但細貨自然要慢工)
係咁o既情況下, 畀Ivana已經係最佳選擇

好啦，咁點解話爆冷呢，就係最初我都以為謝安琪囉金容祖兒囉銀，
可能年尾容祖兒首《愛怪物的你》播得多，都可能係《四面楚歌》最後唔計合唱，
不過在我心中容祖兒已經囉夠，2008 年係謝安琪天下，或者 2009 年容祖兒會冇金....

女金女銀方面, 點解會係祖兒金Kay銀真係唔知啦
其實當日宣佈Kay上榜歌時, 係有講四面楚歌架, 即係照坊間計算結果係Kay金, 但最後都無畀(陰謀: 女金同碟獎兩人平分, 最後選擇女金畀祖兒, 大碟畀Kay)
不過話說回頭, Kay攞銀又未嘗唔係好事
假如攞o左金, 都唔知會有幾多人出o黎插話唔夠班(你睇下連方大同攞金都畀人勁插, 何況Kay今年Live表演不穩)

檸少 :
2008年度叱吒樂壇女歌手：
銅獎：王菀之
銀獎：謝安琪
金獎：容祖兒
今年女歌手獎要一齊講，因為爆左大冷....

首先呢，申報利益，我係容祖兒 fans，不過都好欣賞謝安琪，
上年我係一隻容祖兒的碟都冇買過，反而 Binary 我就買左，
原因就係容祖兒 D 歌已經開始冇左以前種期待感

好啦，咁點解話爆冷呢，就係最初我都以為謝安琪囉金容祖兒囉銀，
可能年尾容祖兒首《愛怪物的你》播得多，都可能係《四面楚歌》最後唔計合唱，
不過在我心中容祖兒已經囉夠，2008 年係謝安琪天下，或者 2009 年容祖兒會冇金....

銅應該係屬於何韻詩甚至吳雨霏，點都計算唔到王菀之，
不過無論點都好過楊千嬅.....

在宣佈謝安琪取銀是計以下上榜歌曲:
冠軍歌：四面楚歌(與周柏豪合唱),鍾無艷,十七度,囍帖街
上榜歌曲：神奇女俠的退休生活,十字架,私隱線
不過話說回頭,容祖兒攞金是穩定軍心作用,表演比謝安琪穩定
可能年尾容祖兒的可歌可泣播得多也成其一因素,但四面楚歌計合唱都令謝安琪夠數取金
可能要平均分獎先令容祖兒取金

MT2384．NG1604@關楚耀 :在宣佈謝安琪取銀是計以下上榜歌曲:
冠軍歌：四面楚歌(與周柏豪合唱),鍾無艷,十七度,囍帖街
上榜歌曲：神奇女俠的退休生活,十字架,私隱線
不過話說回頭,容祖兒攞金是穩定軍心作用,表演比謝安琪穩定
可能年尾容祖兒的可歌可泣播得多也成其一因素,但四面楚歌計合唱都令謝安琪夠數取金
可能要平均分獎先令容祖兒取金

你第幾次《四面楚歌》將關楚耀同周柏豪搞錯........ sosad

檸少 :

MT2384．NG1604@關楚耀 :在宣佈謝安琪取銀是計以下上榜歌曲:
冠軍歌：四面楚歌(與周柏豪合唱),鍾無艷,十七度,囍帖街
上榜歌曲：神奇女俠的退休生活,十字架,私隱線
不過話說回頭,容祖兒攞金是穩定軍心作用,表演比謝安琪穩定
可能年尾容祖兒的可歌可泣播得多也成其一因素,但四面楚歌計合唱都令謝安琪夠數取金
可能要平均分獎先令容祖兒取金

你第幾次《四面楚歌》將關楚耀同周柏豪搞錯........ sosad

第二次啦
明明係關楚耀fans都打錯, 抵打 XPP

方大同攞金獎憑咩？

不過這些獎..不要太認真吧

JA9302 :方大同攞金獎憑咩？

不過這些獎..不要太認真吧

今年方大同抵有...
佢今年D歌真係好好

Snoopy@J&H :

JA9302 :方大同攞金獎憑咩？

不過這些獎..不要太認真吧

今年方大同抵有...
佢今年D歌真係好好

個人角度..

方大同D歌我都好欣賞
佢拿獎就真係實至名歸

但903唔好拿Fiona同方大同個傳聞玩啦！

訕Ken :但903唔好拿Fiona同方大同個傳聞玩啦！

講起FIONA,
今日係903的Aishiteru都話佢同方大同無嘢(唔係男女朋友關係)…
只係因為佢同方大同好FD,FIONA諗到今年唔會點攞到,就話如果方大同攞到都開心PO~
所以未話今年只有一個無攞獎喊得最多的歌手…

雖然賽果同airplay 有少少出入
不過建議樓上果位做多d 資料搜集先再評論賽果

專業推介叱吒十大第六位：ABC(歐陽靖)
專業推介叱吒十大第五位：櫻花樹下(張敬軒)
專業推介叱吒十大第四位：跑步機上(容祖兒)

呢幾個獎都算係合理賽果黎 (櫻花樹下 跑步機上既排位好近 不過都差唔多)

檸少 :金獎：G.E.M
唔係掛，佢有咩特別呢，我都話囉，17 歲唔好扮大人，
40 歲唔好扮細路哥................................

你唔好o係度搞笑啦檸少
唔通你期望見到GEM應該做到好似Cream咁
之後就學某條Cream女咁影濕身相？
咁樣只係o係度製造災難
人地17歲啦，你估真係好細個呀？
特別？你有冇聽過佢唱live呀？
佢既能力唔會有好多人達得到囉…