為確保本板板面可被善用，並防止版友之問題被重覆，故管理員會將版友的問題及其答案，及部份重要連結放於本文章內，部份教學文章亦會貼於此

希望各版友可於貼文前先到文章內查看有否相關的問題，以免資源被濫用

－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－
Simutrans 簡介

目的：透過玩家建立和修改運輸網絡，發展地圖內各個城市，並令公司的經濟狀況持續良好。
現時最新版本：Simutrans 102.0
下載網址：請按此到官方網站下載相關的程式檔及附加檔案
－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－
Simutrans 問題集

( 待用 )

相關教學連結
．　如何興趣道路及車站 － by GJFT
．　興建橋樑及其應用　 － by GJFT
．　興建隧道及其應用　 － by GJFT

教學文章－如何興趣道路及車站

以下教學以版 101.0 作例子，其他版本方法一樣，但圖示可能有不同

岩岩開始玩模擬交通可能唔知玩咩，其實係去自己發展交通網絡為主的遊戲，當然要發展網結就一定要識起路和站，快速公路和鐵路等都可以加快運輸效率既～

但問題係點起路同起站？唔洗怕，有我教路，一定識（被拖走 ）

－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－
興建道路

首先，要了解你想起咩道路
如果起巴士私家車的士貨車用的「道路」，就用；如果起火車用的「鐵路」，我地用，如果係輕鐵的請用，架空鐵路（？）請用

分好類之後，我地可以選擇想起的道路的種類，有幾種係限制比較快但＊維修費比較貴既，有幾種係限制慢而＊維修費好平既，呢樣大家要衡量


－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－
到最重要的部份：操作方面

首先，請用你的滑鼠於你想起的道路的起點／終點禁一禁，會出現以下的現象


然後係你想完結的地方再禁一下，起完


同時間亦有唔同種類～假若你的車路同火車軌有重疊的話，就會有平交道咯



－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－
興建車站

係你所興建的車種的工具箱內，都有唔同的車站圖示


興建條件：你想興建車站的地方必須要起好你個種類的道路（火車站有火車軌，巴士站有車路），而且個一格必須係直路（唔可以轉緊彎）

興建方法：在你想興建的地方上面禁一禁，搞掂。在相鄰的地方再起就會連成一個大站啦

以下教學以版 101.0 作例子，其他版本方法一樣，但圖示可能有不同
但請注意部份功能只於較新版本下擁有，到時將會再有提示

大家學識平路以後就好興奮咁起哂路同鐵路啦，幫埋佢起站，但係無可能全部平路無天橋做分配嘛，係咪先～？

我地今次會重點於興建橋樑同起下轉彎橋同起站～教完一定識 （再被拖走）
－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－
基本直線橋興建方法

首先我地要清楚天橋的制係邊，佢係 Road tool 同 Railroad tool 入面的某幾格，好容易分得出的，類似橋樣既就係（當然要睇個製作者點畫）


就好似以下咁，有好多條路想打橫過的同時有條路係中間打橫阻住，要起橋，點起？


首先係上面的橋款度選一種，再將滑鼠放係其中一邊你想興建橋的地方的其中一端
（請注意兩邊末端必須成直線，而相差高度不得超過一格，斜坡為隨意使用）


一禁，搞掂


鐵路橋同樣做法，係鐵路橋款度選一種，再將滑鼠放係其中一邊你想興建橋的地方的其中一端


That's all，very easy


其他同樣做法，簡單到爆呢

－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－
可轉彎橋興建方法　　部份舊版本並不適用

首先，於非官方網站下載特別架空橋後，興建時只需當作普通道路，即於興建的起點按一下再於終點按一下，或於起點按下後不放手直到浮標到終點


起返相應末端的道路，兩末端必須成直線而而相差高度不得超過一格，斜坡為隨意使用


照返岩岩起橋咁，選完適當於該道路／鐵路的橋後，於末端按一下就起完


－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－
更高天橋興建方法　　部份舊版本並不適用

我個道路網好煩，起得一層高唔夠起，可唔可以起多一層？當然可以，但係方法會煩少少

首先我地用 simu 的地形調整工具調高你想興建轉彎式天橋道路／鐵路的地方，然後係上面再起轉彎式天橋道路／鐵路先


再調整相應地方的地形，再於上面興建一個同天橋末端成直線的道路
（第二層高的天橋並不能直接連到底層）


興建天橋並連起佢地，初成品出現～


再將轉彎式道路／鐵路下面突起的地形降低至同其他平地一樣水平就完成了～


－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－
天橋車站興建方法
於上一篇文到提到車站興建，方法一樣。選取適當的巴士／火車／貨車站，於天橋上按一按即起完。

但興建時請注意：１．如興建的天橋車站位置下亦有另一條道路／鐵路，興建時必須按著 Ctrl ，否則車站將會起到底層的道路／鐵路
　　　　　　　　２．如同一格內有三層或以上的道／鐵路，不按 ctrl 將於底層興建車站，按 ctrl 將於頂層興建車站，中間層數並未能興建車站
　　　　　　　　　　（指示車輛停站時亦一樣，將於其後章節再詳細講解）
　　　　　　　　３．天橋末端的一格並不能興建車站，道路及轉彎位亦不能興建車站，即只能於一格直路上興建
－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－
完成今次的章節後，練習下起類似以下形式的野～

以下教學以版 102.0 作例子，其他版本方法一樣，但圖示可能有不同
但請注意部份功能只於較新版本下擁有，到時將會再有提示

[吹水] 有一句話「一山還有一山高」，呢句入面無山又點會有得比較高矮呢 [/吹水]
我地興建天橋時會阻左唔少的景觀，起得多就更加會好亂，所有有人會比較興建我而家教的野：隧道

首先當然要係工具列度認識下以下的制


－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－
基本直線隧道較快速興建方法

呢一 Part 我會飛得比較快，希望大家跟到 ~

例子一：
我有幾條路行緊的時候比座山阻住左，點搞？起隧道 law，而家教緊隧道嘛
起之前請檢查一下你兩邊鐵／道路末端係咪成一直線


檢查後將兩邊／一邊的道路起到斜坡上一格


禁返最頂所認識的隧道工具，再放到其中一邊的末端上


一禁，搞掂哂啦～

但大家望下最底個條，斷開左既？咁係因為你會將另一邊道路放到斜坡上面
所以依同樣道理，最底數上黎第二條隧道都係無連接到出面的鐵路既～

解決方法只得一個：拎起你的鐵路／道路工具，起返由隧道外到隧道口的道路／鐵路


例子二：
首先要確定你身處的位置低一格唔係到海

我有兩條路行緊的時候一條路橫行霸道咁叉左落黎，天橋又起得核突，可唔可以起隧道？


當然無問題，首先我地要知道地形工具的存在


用以上工具將要起隧道的地方降低（至少長兩格，否則會無位落斜）


再將上面的位起咁以下咁樣，首先最近末端的一格作用係落斜落一格，之後的一格係用作起隧道的出口


再將兩邊／一邊的道路／鐵路拉到第二格斜坡上面，準備起隧道


放隧道工具係上面……


一禁，搞掂左上面個條啦～


下面個條的方法同岩岩一樣，用鐵路工具起返連接隧道口至出面末端的鐵路

－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－
基本直線隧道較慢興建方法及可轉彎隧道興建方法　　部份舊版本並不適用

好煩呀，要整路口但比 D 屋阻住哂

唔緊要，先禁返隧道工具，再禁住 Ctrl 的同時按落係斜坡的道路／鐵路上


結果可得出一個隧道……口，唔係成條隧道黎架～唔好誤會

然後按大楷 U 或者係以下的地方以轉換到地底模式


可見


係地底模式興建道路／鐵路係必須使用返該交通工具隧道制，但使用方法同普通起路一樣
先於興建的起點禁一下


再於終點禁一下，搞掂


見唔見到其實中間兩條係直線隧道黎呢～？
所以其實直線隧道的起法有兩種，第一種快 D 既～（兩種方法起完都可以係地底模式編輯）

係地底模式起野係自由起既，不過一定要連接到隧道出口


－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－
隧道車站興建方法　　部份舊版本並不適用

非常簡單，係所屬的交通工具工具列度搵返車站的制，放浮標到你想興建的位置


一禁，就係啦，幾簡單？而且無需理由地面有無野，因為地底模式係於地底起野作優先，除非係已經起左車站的地方再禁就會起左上地面


連埋一排起總站～


起面睇無野架～但再係相鄰地方再起車站就發覺地面地底車站已經連住左～

－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－
隧道的應用
見唔見到，中間有條隧道架～





地面塞哂車點算？向地底發展啦


交通燈等全面照起