#1
(麻帆良市時報記者/榊野町時報祀記者桂言葉報導)
1970 年代, 九巴為應付新市鎮, 例如荃灣o既衛星城市發展而增加o既巴士服務需求,
向英國購入新巴士, 原本九巴向英國 Leyland 車廠訂購 150 架 Albion EVK 41 L,
俗稱 "火箭" o既單層巴士, 但後來收到廠方通知, 唔可以如數提供,
最後只能以 50 架完成交易, 至於餘下 100 架,
最後落入另一間車廠--英國 Seddon o既 Pennine 4 型, 亦即係今日o既主角
新車全英國規格, 不同之處只係安裝左車身兩側全推式車窗以適應香港氣候,
弧型車頭大銀幕, 流線型車尾以至車頭鬼面罩不但突顯 Pennine 4 o既特色,
亦令人留下深刻印象, Perkins V8 引擎亦係九巴車隊中首次出現
但係種種風光背後, 佢地亦隱藏左唔少大大小小o既問題,
唔只令司機生厭, 亦令九巴非常頭痛, 首先, 車頭弧型大銀幕,
雖然美觀但係對司機o黎講可以話華而不實, 因為冇得令空氣流通,
特別o係香港o既天氣環境, 加上引擎位於車頭o既司機位左側,
更要忍受引擎發出o既聲浪同熱浪, 令司機更加辛苦,
懸掛系統亦唔能夠承受高負載, 引擎馬力太大亦令司機抱怨,
車身脆弱亦為巴士帶來一連串麻煩, 更嚴重o既問題,
係巴士o既電路系統似乎唔適合香港環境, 經常短路燒車,
有D甚至o係新車尚未投入服務之前已經出事,
令呢批巴士唔能夠如數 100 架投入服務,
亦令九巴o係短短三年內有三十多架同款巴士報廢
奈何九巴當時面對車源短缺, 亦迫使九巴為餘下車輛作大手術,
包括將車頭大銀幕改為可開車窗, 加強懸掛系統, 減少原有載客量,
重新調較引擎馬力輸出等, 針對短路燒車問題, 九巴亦徹底檢查電路系統,
經過大改後, 原有o既車身設計已經面目全非,
服務九巴年期亦唔長久, 最後服役o既 Seddon Pennine 4,
o係 1980 年宣告退役, 結束 Seddon Pennine 4 o係九巴十年o既服務生涯
今日, 麻帆良市亦引入最近推出o既樹脂膠 1/76 Seddon Pennine 4 巴士,
亦係麻帆良市第二架樹脂膠巴士, 以新車初投入服務o既姿態示人,
Super Bus 指, 呢款巴士o係過去九巴服務o既咁多車款之中,
冇一款比佢更特別, 雖然佢地問題多多, 但係佢地曾經服務過市民十個年頭, "冇功都有勞啦~"
今日本記者緊貼 Super Bus 接收新車, 自然要等大家呢架巴士o既真面目啦~
Service--今日o係書店入手o既魔法老師 Vol.25
附有九巴 Logo 水貼紙--因為呢架車唔係九巴官方出o既
證書編號 151, 限量為 300 架,
本人選擇左 40 號往觀塘碼頭, 另可選擇 33 號
真車相片, 留意車頭路線牌兩側附加進氣用百葉口以改善車廂通風,
已經係最接近原廠樣子, 但係只維持左好短時間
貼好 Logo, 正式落地
同另一架樹脂膠巴士--九巴三菱 MK 合照
後記--近年推出o既樹脂膠巴士質素有好大改進,
除左 Detail 位做足之外, 亦唔洗擔心 QC 差劣o既問題,
換左係 Diecast, 未必可以做得咁有水準, QC 又要煩一大輪,
不過今次呢架 Seddon Pennine 美中不足之處,
係使用鐵線繞住四個車轆連住底座固定, 拆開有困難,
亦爭D整親手指, 話雖如此, 記得當初睇車主介紹呢架車之時,
其車身線條著實令我吸引, 所以雖然少入樹脂膠巴士,
呢架 Seddon Pennine 卻係值得一入~
太長之文, Thanks for reading~
