輕鐵司機關門冇看倒後鏡

由 JU6861 » 2009年3月3日 22:12:17 (p#1586999)

今日係元朗總站搭輕鐵614綫，見到有個輪椅客係最前度門上車，個司機好快關門，個輪椅客都未上完車，張輪椅被車門夾住，個輪椅客大叫個司機先開門 :evil:

。都唔明點解個個輕鐵司機都落簾。我覺得港鐵應該不淮司機落座位後的膠簾 :lol:

，因為可以更清楚觀看乘客上落車，而膠簾又阻礙景觀

由 OriYuen.1802 » 2009年3月3日 22:21:39 (p#1587007)

JU6861 :今日係元朗總站搭輕鐵614綫，見到有個輪椅客係最前度門上車，個司機好快關門，個輪椅客都未上完車，張輪椅被車門夾住，個輪椅客大叫個司機先開門。都唔明點解個個輕鐵司機都落簾。我覺得港鐵應該不淮司機落座位後的膠簾，因為可以更清楚觀看乘客上落車，而膠簾又阻礙景觀

我諗比著你都唔會想比其他人完全望到你做咩掛？
巴士司機都話後面有得遮下，唔係咁多人睇到，但係輕鐵果個窗同 d 乘客係動物園睇動物咁既 feel，唔落簾佢唔望轉頭應該都唔會幫助睇上落。

由 Motorfore » 2009年3月3日 22:29:06 (p#1587018)

JU6861 :都唔明點解個個輕鐵司機都落簾。

唔敢肯定夜晚唔落膠簾擋風玻璃係咪會反光，因為都好似見過有車長夜晚都無落膠簾，而且擋風玻璃咁斜法，反光情況都未必會嚴重。但我覺得避免反光應該係整膠簾既其中一個目的。

由 Toica. » 2009年3月3日 23:16:00 (p#1587065)

之前唔係話最右個塊要開住咩？

由 GX7271 » 2009年3月4日 19:36:21 (p#1587406)

試過有個司機唔理有冇人追車照閂門
跟住有學生頂住前門唔俾閂等上車
過左一分鐘個司機都無反應 .. sosad
然後等多一陣望一望做乜開唔到車先開一開前門
但唔係開幾秒俾人上 , 係即刻閂門
結果夾住頂門個人既頭 .. banghead
然後再開過先正式閂哂門 .. 開車

個司機同樓主一樣 .. 唔望倒後鏡睇乜事
直接閂門想閃人 .. banghead