Cheung Chun kit :另
上面有版友提到市民對一般巴士既認知問題
本人記得長毛正正就低其中一個唔識巴士既社會知名人士
(記得見過佢係早前立法會傾巴士票價時講過「中巴」)
不過講到認識巴士公司
一般市民唔清楚邊間打邊間唔出奇
但巴士有冷氣無理由唔知掛？
就算你十世唔搭巴士
都無理由十世都未出過街
無見過巴士閂著晒 d 窗開冷氣掛？
(唔知香港重有熱狗既人可能就有，本人一個住係北角十幾年，
最近半年去左屯門住，間中出入荃葵，但唔搭巴士既同學，
佢都唔知原來香港重未完全淘汰晒熱狗)
首先好感謝呢位版友作出咁詳細0既分析, 但就以上有一論點我想討論一下:
站在呢件事同前幾版對話而言, 問題係「市民知唔知道過海線全冷」, 而非「識唔識分辨非空調巴士同空調巴士」, 當然, 住0係港島0既人, 唔知九龍仲有熱狗係好正常; 同樣地, 住在九龍, 唔知港島全冷亦都唔係一件出奇0既事, 再者, 並唔係全港每個市民都知道過海線全冷, 呢個亦都係一個事實, 而我亦已指出過, 身邊亦不乏呢類市民. 其實, 不論問題係「市民知唔知道過海線全冷」也好, 「識唔識分辨非空調巴士同空調巴士」也好, 核心並不在乜野問題, 重點係任何一個問題, 社會任何一個現象, 都會有市民係唔知道, 亦正如我講過, 香港基本法, 即使係廿三條一直以來備受社會關注, 仍然係有一部份0既市民, 真係唔知係乜黎, 之前又舉過例, 香港人, 都唔可以保證, 個個都識唱國歌, 呢d都係我之前講述過0既論點.
世界上事物千千萬萬, 我地可能會比較注意巴士有關0既野, 而有好多市民, 對巴士0既認知亦不少, 但係, 確實係有一班市民, 對巴士不問不聞, 行街真係唔會去望, 唔會去留意. 就正如有一d野, 我地都係門外漢, 我地都係無從認知一樣.
今次事件, 不論大家持乜野意見, 乜野目的都好, 希望大家, 包括我本人, 都可以能夠繼續以保留香港巴士文化為題, 從各方面思考, 分析, 點樣可以對整件事有正面幫助. 雖然有人認為, 有版友引經據典有點兒矯枉過正, 但係若果唔係佢地, 好多版友, 包括小弟本人, 都未必知道原來法例係咁樣, 又學到野, 而且, 亦都可以令到車主/有關人士, 對法例有更清析了解, 從而知道日後點樣去處理同樣事件. 其實, 大家從不同角度諗下, 事件可以化小, 例如車主/有關人士, 下次係咪其實可以做得好d呢? 從而避免再被人捉痛腳. 再者, 版友提出事件所引致0既後果, 雖然係一個假設, 可能有所誇張後果, 事實未必會發生, 但係, 亦不無參考作用, 讓車主/有關人士以作警惕, 畢竟有好多野係意料之外的.
。 