1.273A係清河區浪費過多行車時間,導致經常甩班,所以改動路線是必需既
2.273A脫離清河區後,需由273B"接管";而且,現在有不少老人家話由清河邨(近正慧個邊)行去總站搭273B好辛苦,所以行返之前既路線會好D
首先,
273A新路線:
彩園->上火->太平->上官->欣翠->原有路線->華慧園->吳屋村->太平->上火->彩園
價錢唔變
車輛數目:15部車(正掛+蛇車)轉為10部車(10部皆為正字軌),以轉送一些車比273B用作延長路線+轉送一些車比70K以配合今次路線改動用

273B新路線就應該咁行:
清河總站->曾梅千禧->太平->上火->彩園->上火->太平->御皇廷->清河總站
價錢唔變
車輛數目:轉為10部車(加埋原本6部車數目)

273B<->273A有轉乘優惠,免費轉乘

淨低左既車可以加落70K到,以配合今次路線改動
這些車朝早需行駛新273E線

273E特車路線:華明(係70K站開)->欣盛苑->蓬瀛仙館->基新->嘉盛苑(兜入置福圍只會浪費時間)->華慧園->吳屋村->上火->彩園
時間+日期:
星期一~星期五早上7:00am~8:00am,這個特車是方便上學的學生
每十分鐘一班

歡迎討論!

清河 <-> 粉嶺南 咁大堆客點搞 ?

JF8754 :清河 <-> 粉嶺南 咁大堆客點搞 ?

我打左273B<->273A有轉乘優惠,免費轉乘...

dennis_l_bus :

JF8754 :清河 <-> 粉嶺南 咁大堆客點搞 ?

我打左273B<->273A有轉乘優惠,免費轉乘...

你要咁大堆客同你兜落上水再兜返上百和路 ? :shock:
唔係免費就大哂嫁

dennis_l_bus :1.273A係清河區浪費過多行車時間,導致經常甩班

何以見得 ? :shock:

dennis_l_bus :273B新路線就應該咁行:
清河總站->曾梅千禧->太平->上火->彩園->上火->太平->御皇廷->清河總站
價錢唔變
車輛數目:轉為8部車(加埋原本既車數目,原本好似得3部?4部?5部?)

你連而家有幾多部車都未知就話轉 8 部車
3部? 4部? 5部? 你撞唔中呀 , 係 6 部

JF8754 :你要咁大堆客同你兜落上水再兜返上百和路 ? 唔係免費就大哂嫁

而家改左
太平為273A<->273B既轉乘站

JF8754 :

dennis_l_bus :1.273A係清河區浪費過多行車時間,導致經常甩班

何以見得 ?

你知唔知清河區上落好多人?
係御皇廷隨時可以落左1/3既人

JF8754 :你連而家有幾多部車都未知就話轉 8 部車
3部? 4部? 5部? 你撞唔中呀 , 係 6 部

我成日都見唔到有6部車,所以我只係靠平時觀察黎估有幾多部車

dennis_l_bus :你知唔知清河區上落好多人?
係御皇廷隨時可以落左1/3既人

上客落客都叫哂時間 ? ok u win.
清河落得最多人唔係御皇廷 , 係 清河邨分站 (上水方向)

你知道清河 273A 有好多人上落 ,
仲要將 273A 趕離清河 ?

JF8754 :上客落客都叫哂時間 ? ok u win.

你真係自己去搭下究竟要用幾耐,清河區行車時間+上落客時間來回加埋起碼15分鐘(仲要係非繁...) banghead

dennis_l_bus :

JF8754 :上客落客都叫哂時間 ? ok u win.

你真係自己去搭下究竟要用幾耐,清河區行車時間+上落客時間來回加埋起碼15分鐘(仲要係非繁...) banghead

我有時一日搭三至四次 273A
非繁正常黎講無可能來回加埋要十五分鐘

繁時唔好再兜入風彩就真既

dennis_l_bus :而家改左
太平為273A<->273B既轉乘站

咁清河 D 人去粉嶺南咪一樣要搭 273A ,
到頭來 d 客咪又係咁多 ,仲要 cut 車 ?
你知唔知御皇庭朝早有人試過等七班 273A 都上唔到車呀 ~

你話清河上落客耐 , 你而家只係將清河上落客既時間轉左去太平咋

而且又要咁大批人轉黎轉去 ,無謂囉

JF8754 :非繁正常黎講無可能來回加埋要十五分鐘

咁我搭親既都係唔正常既班次啦
次次都係上火上一大堆人,係御皇廷落左一大堆人之中既1/3(有時甚至唔止咁少...)
相反,去彩園方向,係清河邨都落一大堆客...
來回係清河區既行車時間+上落客時間會少過十五分鐘???簡直係笑死我囉... banghead
當然我返小學個時,都知道風采好塞車,試過放學等車返彩園,等左45分鐘都無,反而返華明既就密密黎... sosad
273A行返以前唔經清河個路線一定會比而家咁樣好;兜清河而令一堆客流失左去港鐵,因為兜得勁,浪費時間
就算成堆人係太平轉返273A,都會省下一些時間(起碼3~4分鐘都有啦)

仲有,轉黎轉去有咩問題?轉一次車就係度呱呱噪
全部開哂點對點既線,好無?
紅隧個巴士站拆左去咪仲好
開哂點對點既線,唔需要轉車

dennis_l_bus :

JF8754 :

dennis_l_bus :1.273A係清河區浪費過多行車時間,導致經常甩班

何以見得 ?

你知唔知清河區上落好多人?
係御皇廷隨時可以落左1/3既人

不過以我觀察左幾個月所見,273A甩班嘅問題並不在於清河邨區域,而係上水火車站
因為273A係上水火車站上客嘅時間係分分鐘用成5-6分鐘先得,但佢上晒客之後,唔使3分鐘,第二班車又到站,D客大部分都上晒前一班車,第二班車自然會好快上晒客走人,但D客又仲持續黎緊搭車,咁樣大家計計條數就知咩事啦......

但係273A甩班問題由清河未起(273A已全雙層)到而家一樣都冇變喎,咁嘅話,搞到273A甩班都冇咩可能係清河個到啦

0oIVAN :不過以我觀察左幾個月所見,273A甩班嘅問題並不在於清河邨區域,而係上水火車站
因為273A係上水火車站上客嘅時間係分分鐘用成5-6分鐘先得,但佢上晒客之後,唔使3分鐘,第二班車又到站,D客大部分都上晒前一班車,第二班車自然會好快上晒客走人,但D客又仲持續黎緊搭車,咁樣大家計計條數就知咩事啦......
但係273A甩班問題由清河未起(273A已全雙層)到而家一樣都冇變喎,咁嘅話,搞到273A甩班都冇咩可能係清河個到啦

上火的確係其中一個引致甩班嘅問題
但清河區係將呢個問題加劇
上火多左人上273A去清河,令上客時間長左 sosad
273A真係要拆線,273B開線初期咁少客係因為273A太"深入民心",所以無咩客
雖然而家273B客量持續上升,但始終都會比273A影響到
273A本身既用處唔係比清河邨用既,但273B本身既用處係專門比清河邨居民轉車/港鐵用既,點解唔將呢個應該比273B負責既重擔送比273B呢?免得273A同273B打黎打去
咁樣,對乘客都會有得益($3.7->$3.2),乘客更會因為咁而多左

另外,273B係上火,繼279X,A43後,係第3上車時間最耐既線
我覺得搬過去彩園個邊,讓位比279X,A43用會好D
上火(近上水廣場)個邊本身塞車現象比近彩園個邊既上火嚴重得多
上火(近上水廣場)個邊經常因273B/279X/A43而造成一大條巴士車龍
近彩園個邊既上火有幾多車都好,都唔會好似近上水廣場個邊咁嚴重

我想講由頭到尾樓主無憑無據一味直指清河浪費時間，我唔知佢暗中的意圖係點啦

無可否認，273A 班次不均的問題嚴重，但呢個情況絕對唔係因為清河而引起，未經清河時段其實都經常性地拖卡
無錯呀 273A 兜完清河拖卡係嚴重左少少，但可以代表到乜？顯示佢停多左燈？塞車塞多左？行車路線長左？
係呢個跟本無意思的所謂現況下跟本代表唔到乜野，如果佢係因為多客而長左，邊個會唔願意？九巴？運輸署？
如果你答唔係去清河的乘客既話，咁我可以同你講而家條巴士線雖然長時間左，但巴士線係成個上水粉嶺南用既，當中當然包括清河
既然清河有權使用條線，點解唔比人用多Ｄ（或者多Ｄ人用）？同時間如果只係因為太多客而唔做清河客，咁好唔公平喎

睇返樓主的建議，我地再睇返上水粉嶺的地理。我地由粉嶺火車站向西掃落去的次序係置福圍，華慧園，清河，太平同上火
根據返樓主的免費轉乘，似乎現時清河唔洗兜直達粉嶺有點矛盾。
如果用太平做轉車站，咁點解要清河客無啦啦要搭程同目的地仲遠的車五分鐘，再係太平等七分鐘車再搭十五分鐘車出粉嶺？
而建議中的 273B 路線跟本成條同現時 273A 完全重疊，而現時 273B 客量尚可而 273A 資源仲可以應付時，點解要將資源重整到麻煩到現時本身的客？

同埋有一樣野我好質疑係 273B 咁樣行本身清河去彩園跟本十五分鐘絕對可以搞掂，我頂多比你每單休息五分鐘，最多咪四十分鐘一轉
但你派車由六部加到十部，咁全日四分鐘一班？
係喎聽落好似比本身 273A 爭一分鐘，反而仲疏左，但你諗下 273A 服務哂成個粉嶺南，你淨係一條村線都開盡十部車？我諗多客極都無乜可能
相反本線 273A 反而仲狂減車，唔兜清河比你繁時一個鐘一轉，加多五分鐘休息都六十五分鐘，比你用盡唔通真係七分鐘一班？有無可能？
同埋 70K 點解要加車？配合咩？唔通你想清河客出粉嶺搭 70K 兜哂成個聯和墟粉嶺中心先？
華明既唔洗轉車都幾好呀，但係本身四個字搞得掂的車程變成半個鐘（或以上），再將 273A 唔兜清河的所有責任推到 70K 身上，好招好招

另外 273E 存在目的？睇返同原線爭在唔兜華明後面同埋置福圍，時間雖然快十分鐘，但目的何在先？
係現有的資源，華明去上火最快係 278X，嘉盛苑出上火係 270A / 278X，華明去清河同華慧園大可以搭 70K ( 或者多時間的搭 273A )，咁 273E 存在的目的？
快？對比返 270A 278X 又唔算快得幾多，平？樓主又無寫價錢。如果真係得一個平要去搶客既話，都無所謂既。不過你同 273A 路線咁相近，平我諗都平唔到幾多

dennis_l_bus :另外,273B係上火,繼279X,A43後,係第3上車時間最耐既線
我覺得搬過去彩園個邊,讓位比279X,A43用會好D
上火(近上水廣場)個邊本身塞車現象比近彩園個邊既上火嚴重得多
上火(近上水廣場)個邊經常因273B/279X/A43而造成一大條巴士車龍
近彩園個邊既上火有幾多車都好,都唔會好似近上水廣場個邊咁嚴重

係呀搬去彩園個邊的確另一邊係少車左，不過只少六部車，對面就多十部車。

或者我黎一個對比講下彩園個邊有幾塞車：

上廣個邊泊車位只少有六部巴士咁長；彩園個邊兩面都得一部半
上廣個邊大部份線都有分類係前後去不同地區；彩園個邊跟本位置不足而堆埋一舊，73 76K 276B 78K 273A 堆埋落一個站牌度，276A 就排長龍排到無得排
上廣個邊客量平均得黎司機有位讓其他少客的線走先，因為個邊係三線行車；彩園個邊無得讓車，因為兩邊都單線行車，有時私家車要轉入 U-trun 位塞埋半條線
上廣個邊上落客分明，例如返上廣同粉嶺的線大部份都泊哂去最後，多客的通常由中間開始；
彩園個邊唔夠位嘛，天恆方向的 276A 格硬車尾留少少位泊中間，273A 就係 276A 上緊客個時插入 276A 前面叫堆客一落車撞欄，
76K 一到要等 276A 上哂客先得，78K 只可以係 276A 車尾落客，一落成堆客就叫哂煙啦（跟本連站位都入唔到），73 飛站無影響（有車轉入 U-TRUN 位塞死例外）
另一方面直情一有車就上落無得插，273A 泊第一個位，276A 泊第二個，再有 276A 無得入站塞死的士出站
73 有客上就插係 273A 前面塞住條線，76K 78K 就例牌一路等到開哂車先行

就咁樣黎，好明顯係上廣個邊上火又闊又高靈活性啦

呢個題目 focus on 273A+273B，我就將意見再post 黎呢度


273A 路線於粉嶺南，基於地理問題，係怒兜
一鳴路、百和路、雷鳴路、華明路行晒，其實使唔使行晒呀？
可唔可以唔入華明總站，由粉火起，經一鳴路、華明路、偉明街、百和路，再去粉火？

而 273A 基於有唔少客來往清河<>華明，佢唔入清河似乎無可能，而其他線亦未必配合到
唔想兜路，就只有拆線，但某些地方班次一定疏左
其實可唔可以將 273A 拆做兩線
1) 彩園<>華明（不經清河）
2) 太平<>華明（　經清河）？

ck38 :
而 273A 基於有唔少客來往清河<>華明，佢唔入清河似乎無可能，而其他線亦未必配合到
唔想兜路，就只有拆線，但某些地方班次一定疏左
其實可唔可以將 273A 拆做兩線
1) 彩園<>華明（不經清河）
2) 太平<>華明（　經清河）？

咁不如叫做特車算啦

GJFT :

ck38 :
而 273A 基於有唔少客來往清河<>華明，佢唔入清河似乎無可能，而其他線亦未必配合到
唔想兜路，就只有拆線，但某些地方班次一定疏左
其實可唔可以將 273A 拆做兩線
1) 彩園<>華明（不經清河）
2) 太平<>華明（　經清河）？

咁不如叫做特車算啦

兩條線總站唔同架喎
去彩園既車唔會經清河、太平
去清河、太平既車唔會經彩園

而且建議全日分拆（或者日間分拆）