過了些非凡工作的生活, 雖辛苦但十分過癮.
近年就沉迷於廣告巴士模型, 把特別的廣告具體地呈現在巴模上.
今次借呢度同各位分享下小弟部分廣告巴士作品及廣告巴士的感覺
01. 西門子
突出品牌為主, 全車以英文作廣告, 似乎針對本身對西門子有認識的朋友,
目的可能係remind 用家為主.
02. 加德士
同樣主力sell品牌名, 顏色配合品牌名, 好sharp, 一眼就知. second message在於服務第一的icon.
03. 溫拿
香煙曾經是廣告業極賺錢的客戶, 大量香煙品牌全車身廣告四處遊街. 吸煙雖不健康, 但香煙廣告就令人難忘!
04. 雅確表
要感謝九巴推出呢部咁獨特的模型, 令經典廣告可以現身. 老實講雅確表呢個廣告/名字對我來說有些陌生,
但看到相片後總想放上巴模上面, 廣告主要以logo AA作pattern 加上手錶, 粉紅車身十分搶眼.
不過創作時間就較高, 主要係重新電腦製作logo及界字, 上水貼時亦要一個個pattern貼上去.
05. 港基國際銀行
同樣g544, 呢個係它退役時披上的廣告, 十分有紀念價值. 港基亦被吞併. 今次好彩個logo簡單,
全個廣告由電腦重新製作, 雖未能100%一樣, 但也十分接近
06. 義工蘭
巴士公司會贊助一些政府或志願團體全車身廣告, 喜歡用於熱狗. 義工蘭係小弟第一部全包式印水貼車身.
圖中完成品為第二版本, 經過第一版, 明白如何更好的預位及對位, 加上第一版從相片拉稿總有不清晰的位置,
所以決定重做一次, 再用一個v字手指logo, duplicate下半部份, 令廣告更清晰. 當然付出了不少時間呢.
07. 職安蘭
同樣政府廣告, 早排有朋友想看, 我也貼上給大家看看吧. 當年沙廠唔少坦克, 有氣有力仲有靚廣告睇
08. 世界自然基金會
除了九巴, 中巴都有. 世界自然基金會用海洋及熊貓為主角, 叫我們珍惜大自然!
09. 大丸
相信不少朋友也看過, 今次再貼係因為呢部車對我十分重要, 因為它是小弟第一部1:76全車身廣告巴模,
當時只係想把童年住湖景村的回憶重現眼前, 由於只得書本中的一張相片, 那就靠幾位網友的幫助,
大家一同回憶廣告的樣子, 雖然不算十分完美, 但卻十分有意義, 沒有這部廣告車的開始, 就沒有其他廣告巴模製作.
10. 正露丸
有大丸, 點可以唔整返部3m2呢. 都係情意結, 61a+3m+經典廣告. 當年以顏國樑作車身主角,
車身以hardsell 功能為主. 呢部車製作時間最長, 主要係相片實在太少, 搵到的相片亦太細,
文字內容經過很多資料搜集, 如網站, 舊電視廣告等等, 再靠字的外型推斷出文字內容,
之後全車要重新電腦做過, 當中男主角更要利用多張圖片結合而成, 手還手, 袖還袖, 西裝還西裝.........
再一次過製作特效, 令圖案多少少畫味. 由於中巴變九巴, 所以很多地方, 如門位及內籠都執過,
好彩多得有義工幫手執頭執尾hahah, 但搞搞下用在部車的時間超過40小時呢了(不包括乾油等時間).
不過完成後十分值得.
今次就分享住以上的廣告巴模. 如果說那一部我最喜歡,
我估一定係大丸及正露丸, 因為對我情意結實在太深了.
版友們, 你們又喜歡那一部? 你們又有那些廣告巴收藏? 不妨一齊回文分享
), 依照真車相片, 用筆油上去,
.
![[flowerface]](https://hkbf.org/images/smilies/flower.gif "丁香丹桂茉莉 都覺得可愛")
