(麻帆良市時報記者 / 榊野町時報記者桂言葉報導)
九巴o既金巴相信大家都已經見得多啦, 九巴車隊入面o既 Enviro 500,
或者配 Enviro 500 車身o既 Volvo B9TL, o係街度更加可以話隨處可見,
咁點解呢架同樣係金色車身, 而且又係 Enviro 500 o既巴士,
Super Bus 又偏偏要將佢視作不一樣呢?
原來呢架正係 ADL (Alexander Dennis Limited) 為北美市場而打造o既 Enviro 500,
呢款 ADL 引以為榮o既雙層巴士, 繼o係香港成功發揚光大之後,
更進一步打入美加市場, 推出左呔版 Enviro 500, 車身高度亦降低為 4.2m (香港版為 4.4m),
以適應美加地區o既路面環境, 為切合北美用家要求, 更有加長版本o既 12.8m
(42呎長, 香港所使用o既係 12m, 或者 40呎長, 係香港法定o既巴士最長長度),
時至今日, 美加已經有多個地區o既公交機構引入 Enviro 500 為乘客服務,
更有巴士公司引入開頂版 Enviro 500, o係美加一D地區, 例如三藩市、華盛頓、
紐約等地, 接載遊客作市內觀光
今日麻帆良市最新到埗o既左呔 Enviro 500, 正係服役於拉斯維加斯o既 RTC Transit,
行走 The Deuce o既 Strip 賭場穿梭巴士線o既 40 呎版 Enviro 500,
車身o既金色, 據 ADL o係 2008 年 APTA Expo o既攤位人員表示,
原來亦係來自九巴現時所用o既金色, 亦令 Super Bus 陪添一份特別o既感覺
(咁算唔算親切感?) 難怪呢架咁特別o既 Enviro 500,
甫一到埗即刻令 Super Bus 愛不釋手啦~
唔講咁多, 去相大家睇最實際~
今次廠商出左一個錯誤, 就係模型比例原本係 1/87, 但係紙盒竟然寫住 1/76,
唔通係因為果間廠原本出開 1/76, 而出左今次呢個小錯誤?
冇出世紙, 但係盒座標示只出 1000 架
正式落地
引擎室, 同真車一模一樣
各位朋友, 不妨打去佢o既官網瀏覽下啦~
成架巴士最吸引人o既地方相信係車頭o既鐵架啦, 到底佢係用o黎做乜呢?
原來呢個係單車架, 可以放兩架單車, o係美加地區好多路線巴士都可以見到,
拉斯維加斯最新o既一批 Enviro 500, 仲裝左最新款o既單車架, 可以放三架單車
有單車客要上車啦~
一架...
兩架, 就咁放上去? 當然, 真車係會有個鈎鈎住個前轆o既~
兩架異鄉相遇o既 Enviro 500
大家可以比較下有乜唔同?
o係美國行走o既雙層巴士
Extra--攝於 San Diego APTA Expo 2008 o既 Enviro 500,
同樣係拉斯維加斯o既 RTC Transit 所有, o係附交前參展,
係 RTC 最新一批o既 Enviro 500, 屬加長版o既 12.8m (42呎),
車上亦首次設有雙樓梯規格, 前上後落
上層
Thanks for reading~
