話說岩岩去彩園間老麥買左個 double 足三兩，趕返屋企食所以叫拎走，
一邊行一邊飲汽水，返到屋企開返個薯條同埋個包，個薯條已經比正常特別軟，點知個包仲好笑。
（老麥同屋企五分鐘路程）


因為手機相無對焦，所以好朦 …

一開個包我已經嚇左一嚇，個包除左個底之外成個歪左，唔係拎返屋企個時歪，係整個時已經歪，
（點知？因為如果拎個時歪的話，塊芝士痴住底包個個位會有斷開的痕跡，但而家係痴實哂）
上下兩塊包烘到燒哂焦，面個塊包仲要唔知點解有一點點深色野，
一拎開頂個塊包，入面茄醬得個少少，我諗面積得成個包的２５％，洋蔥得四條，
食食下一半仲要發現兩塊牛肉夾住個塊芝士得半塊，仲有個半塊不知所蹤 …

老麥呀老麥，即時整個包者又唔係叫你十秒內要出哂所有野，洗唔洗趕到咁的樣呀？

濕碎啦..
同樣係 double 足三兩佢整少塊牛肉都夠膽死..

其實即叫即整已經害死左老麥....
要班友趕頭趕命......
仲要 d 客等餐死

從相中看來, 塊所謂足三兩牛肉跟一般巨無霸的薄牛肉沒多大分別，十分「薄」~

奈何因價錢和分店地址唔方便的原因, 我仲未食過burger king~ 搵日真係想試下，質素是否真的比M記好~

KS7568．HU9385 :濕碎啦..
同樣係 double 足三兩佢整少塊牛肉都夠膽死..

咁樣又令我諗起之前叫 9 件麥樂雞餐，單又係寫 9 件麥樂雞餐，但拎出黎竟然變左 9 號餐

vincent :從相中看來, 塊所謂足三兩牛肉跟一般巨無霸的薄牛肉沒多大分別，十分「薄」~

奈何因價錢和分店地址唔方便的原因, 我仲未食過burger king~ 搵日真係想試下，質素是否真的比M記好~

Burger King係未好好食我唔敢講，但佢地的包一定大過M記先，但Burger King的牛肉蘇味極強

飽 size 同牛肉唔同就一向都係 , 冇分別

vincent :從相中看來, 塊所謂足三兩牛肉跟一般巨無霸的薄牛肉沒多大分別，十分「薄」~

奈何因價錢和分店地址唔方便的原因, 我仲未食過burger king~ 搵日真係想試下，質素是否真的比M記好~

Burger King係好既
不過價錢會高少少咁
BTW,有時都會有優惠
就同麥記差唔多價
甚至更平
但質素好多多先

而家麥記D包D芝士多數都係得半塊

麥記成日陰D陰D咁加價三.五毫,但係野食越做越差

samsam554312 :而家麥記D包D芝士多數都係得半塊

麥記成日陰D陰D咁加價三.五毫,但係野食越做越差

唔係，我食個隻半塊係半塊既半塊 …

vincent :從相中看來, 塊所謂足三兩牛肉跟一般巨無霸的薄牛肉沒多大分別，十分「薄」~

奈何因價錢和分店地址唔方便的原因, 我仲未食過burger king~ 搵日真係想試下，質素是否真的比M記好~

保證一試難忘

麥記出左名快,kfc個d真係有排你排....
今日去大快活仲死,話說去荃灣某城既大快活,叫個外賣,雞脾+檸蜜,等左我4個字有多.....

我o係美國呢度o既老麥都試過叫6件裝麥樂雞堂食, 打開竟然得四件都夠膽死... banghead

↗WiNd↙ :麥記出左名快,kfc個d真係有排你排....
今日去大快活仲死,話說去荃灣某城既大快活,叫個外賣,雞脾+檸蜜,等左我4個字有多.....

大快活最正係有檸蜜無菜蜜，要飲請叫檸蜜後，行去水吧講聲走檸... sosad banghead

正題:絕對支持老麥既薯條可以走鹽，部份職員落鹽好重手...

濕碎了.....
我而家日日早上都會叫個扭扭粉餐拎走既
雖然唔係成日, 但都試過叫板雞扭扭粉變豬柳蛋扭扭粉, 叫火退扒芝士扭扭粉冇芝士
最過份試過叫板雞扭扭粉冇板雞, 比淨粉我=.= .....之後即刻打電話 call佢比返我
唯一好既係....果次佢比返成個餐我...... =.=