瘋波裡的大班 :...................

kalon :
1、舉你所指“某些香港人問問題，澳門人會就即刻「絕地反擊」”。這一點要想下到底為什麼會這樣。想像以前，香港電視台、報章將澳門形容成一個鄉下，香港人渡假之地。究竟澳門人點解會處處對香港人的發問進行反擊，有必要由香港人自行了解。而澳廣視，全澳居民都知道佢地到底是一個甚麼電視台，除左世界杯直播、賽車直擋和新聞報導，澳門人有幾多人會看？其實澳廣視職員看到做到的，都只是澳門人的一角，不能完全反映澳門人。

kalon :2、我上文已經講到：出入境不是唯一一個引起兩地矛盾的根源，但肯定與前朝問題無關，因為，回歸前香港澳門很難比較平等，但回歸後，港澳屬中國一個特別行政區，兩地平等，因此，問題係近年的事，而不是你所提到前朝問題。

kalon :3、就係我之前提及，“大香港小澳門”心理，加上很多因素，先會讓人將樓市因素都會歸咎於香港人。這些不是一句半句可以解釋得到。

kalon :4、你的確無講過澳門居民傾向做賭場等同香港人掙政府工，不過你所指的是澳門人搵工側左去賭場，而我上文只係回答你所講的情況。

kalon :其實一直以來，大班兄一直提及兩地互相比較，不過，要注意到達點解會有咁嘅情況。直至今天都係，每每澳門有甚麼事，香港人都會「極度關心」，將澳門當成長洲去管理及評價。講真一句，今天澳門人仇視香港人，香港人，特別是傳媒要付一個極大責任。

瘋波裡的大班 :或許你真係以先入為主, 用左一個傳統澳門人心態去睇呢d報導, 正正道出左我前文所提及, 你地係以一個乜野心態去解讀呢d報導, 就我而言, 我睇過咁多年d報導, 我完全唔覺香港傳媒將你地貶低為鄉下地方, 再者, 曾經有香港人表示, 喜歡過澳門原因係, 澳門多古舊建築供攝影, 怎料又引來一班澳門人「絕地反擊」, 「咩舊, 你當我地乜野地方」...即使我地用一個欣賞0既心態去睇澳門, 都俾你地惡返轉頭...而前文我都提過, 外國傳媒以更加非常有限0既知識去報導香港, 部份更以為香港仍是漁村云云...但係, 香港人都唔會發出「極度自我保護主義」0既心態去反擊外國人, 箇中原因, 留待大家思考...
我當然明白澳廣視係一個乜野電視台, 我前文已提及, 你地都大多睇毛線亞視. 澳廣視同香港電視台一樣, 一個報導播出街還播出街, 佢地0係幕後所做0既野, 搜集同知道0既野, 就係佢地透過全面搜集返黎, 好多問題, 佢地其實了解, 但係, 上頭俾唔俾出街卻又係另一回事, 我以我仍然信任我呢位朋友, 而佢所道出0既, 就係亦都係我所睇到同感受到, 或許你所睇0既角度不同.

瘋波裡的大班 :當然, 呢個問題係涉及複雜0既政府政策, 並非我地能夠了解, 但係你所提及的出入境問題, 確實係與前朝有關, 現今政策根本就係前朝遺留下來, 一國兩制五十年不變之下, 好多政策現仍然維持前朝情況, 回歸之後並不能一次過即時解決, 因為箇中所涉及0既問題, 非我地一般人能了解同輕易改變, 但我相信, 未來兩地出入境政策一定會逐步趨向平等.

瘋波裡的大班 :其實如果你地能夠將傳統主觀理念放下, 宏觀一下呢個世界, 將呢種自我保護主義放下, 多了解, 相信會明白, 一個地方0既經濟發展0既情況, 同埋可以將你地對港人0既心結解下.

瘋波裡的大班 :對, 呢個係我親眼目睹0既情況.

瘋波裡的大班 :講到傳媒, 其實之前我已經講過, 呢個係香港0既核心價值, 當然, 你地不盡認同, 但係, 正如你開頭所形容澳廣視, 佢不能代表你地, 佢地呢種報導同運作手法, 你地都不太接納...而香港傳媒則會深入剖析每一件事好與壞, 並非唯獨針對你地澳門一個地方, 對於香港自己(如我前文提及東亞運, 我地都不停有批評自己, 亦都有稱許你地政府有d做法), 世界各地, 一樣都係咁報導, 一樣都「極度關心」, 近至大陸, 台灣, 遠至中東美洲等等, 「管理」我地唔敢講, 我地絕不能干涉人地內政, 亦都冇權, 極其量都係「討論」同「評價」, 而呢個亦都係一個言論開放自由0既方式, 我地並不單單是會「討論」同「評價」澳門, 更加會討論大陸, 台灣, 世界各地所發生0既事, 當然, 愈接近0既地方, 大家所討論0既話題亦都會相繼更多, 亦都正如, 好多人都會同樣地「討論」同「評價」香港, 我地好歡迎一齊討論, 而好少話見到香港人用「自我保護主義」去作出反擊, 而我亦都提過好多次, 對於澳門政府0既一d德政, 我地一樣廣泛稱許你地.

希望你地能夠多了解, 多接納, 多包容, 用耐心同客觀去分析, 唔好第一句就以主觀態度去反擊香港人, 當然, 對於一d真係有心無理0既攻擊則另作別論.

kalon :或許你也先入為主, 用了香港人的角度去看. 你多年沒有看過, 不代表香港人沒有做過.

就之前, 澳門威尼斯人開幕, 香港媒體的確係有指澳門搶去香港的會展客云云, 又引來大大堆評論員數澳門是是非非. 你又何時看過澳門人會如此去數香港人呢? 你識得講, 澳門人都係睇TVB、睇東方/蘋果, 上Yahoo HK大, 因此, 每日看著一樣的無理比較, 負面評價, 不可能與你所講外國人報導香港相提並論。
澳廣視幕後的事我不多管, 不過我敢說, 你這位朋友至少看錯了我及我身邊的人, 澳門人一般不敢言, 根本不可能有一個人可以完全捉得住所有澳門人想法, 單靠你一位信任的朋友感受到的來形容全體澳門人, 這是否確信, 留待其他人評鑑.

kalon :我已經講了, 不是單一就是因為這個問題引起澳門人對香港人反感, 問題是, 澳門人不是說近幾年才爭取這個簡單的平等互待, 可惜, 香港一直冷淡應對, 要到2009年澳門回歸十年時才同意半平等實施(注意, 即使現時實行了, 還是有不公平情況的). 這個正是「大香港/小澳門」心態的其中一個根.

kalon :其實我都已經很小這個觀念, 澳門人亦不見得不宏觀世界. 看來你不明白為何到今時今日, 澳門人只對香港這個兄弟反感, 而又不對中國、台灣、外地的批評有同樣反應呢?

kalon :閣下又目睹多少呢? 我之前已經提及, 澳門人不多, 勞動人口可能只有20~30萬, 不過單單賭業已經需要10萬員工, 佔3分一, 公務員就1萬多, 澳門是彈丸之地, 好多行業根本不可能在澳門建立, 由此去指澳門人側重一行業, 根本不公平, 不客觀. 可能, 現在香港人都不去追求公務員工作, 不過, 作為一個「人」, 都會希望有一份固定、收入高的工作, 而澳門最穩定的, 的確係賭業和政府工.

kalon :所以我一直講, 我自己都不希望大家將兩地比較. 不過, 問題形成非一朝一晚的事, 是長久以來累積下來. 包括近期香港人被拒入境事件都可以看出, 如果閣下有聽澳門電台早上的澳門講場, 有好多聽眾講 「香港D議員們唔係我地(澳門人)選出黎, 23條關你咩事, 要你香港人黎管咩?」 有冇干涉澳門內政情況, 由佢地行為有冇激起澳門人的情緒已可知一二。

kalon :好似呢個主題, 我都見到好多人, 另外, 香港報導都有指澳門政府派錢好短視, 只係著墨呢D, 問題係, 大家有冇留意今年崔生所講, 會成為長期措施, 係將現金分享, 改為政府定期存款, 讓大家將來取出來用, 即係好似基金一樣. 但係就被報章評擊為「只係識派錢」云云...

瘋波裡的大班 :呢個問題亦都係我前文講過好多次, 香港傳媒並非唯獨批評你地, 對於我地本土, 大陸, 台灣, 其他國家, 一樣會有批評, 而你地有德政, 我地亦都有稱許, 我已經講過好多次了, 希望你明白所講的, 而且, 呢個亦係香港核心價值之一, 新聞言論自由, 好的要讚, 有問題的就要講出壞處

以上並非要爭拗, 而係真係希望你, 甚至其他澳門人, 可以用另一個角度多加思考, 多加包容同了解, 唔好未見官先打三十大板, 第一句就為港人扣上帽子貶低你地, 其實真係唔係惡意攻擊貶低你地的, 希望你地了解, 明白.

kalon :首先, 我希望你明白. 澳門人由始至終, 一直都不會, 亦不喜歡與人爭拗, 包括我以上回答, 都不是單指港人甚麼問題.

不過, 香港人要看清楚, 本身傳媒新聞報導有幾多係正面, 新聞自由我認同, 我唔係話一定要讚好, 你生活在香港, 可能認為呢d報導合理, 你身為局內人, 可能作為香港人, 亦已經接受這種報導. 不過, 不代表澳門人及全世界其他非香港人的態度.

kalon :我一直強調, 為何澳門人會有如此想法及偏激, 唔會係一朝一夕發生的, 被偏激一方亦不是毫無責任, 如果之前沒有發生過港人下下貶低澳門, 不會有今天澳門人反感.

kalon :好似現在, 都可以看到香港一直有說上海超越香港言論, 其實, 同樣作為中國城市, 但是, 為什麼現在, 非香港人總是好像要活於香港人之下. 呢d唔係我一時間想出來的感受, 而是十多年來觀察所得.

講來講去, 以下數句可講晒我可以話你知的全個問題, 就係 : "港人做事前, 太小理會其他地方人的感受及文化, 只係本著自己的核心價值, 卻由此開罪很多地方的人民".

NeoMan-Centro-APM1 :簡單d講，澳門人反港人之餘，有冇唸過澳門的賭場可以講係靠香港人起家，做人飲水思源啦

如果香港人以前到而家都唔賭的話，澳門人可能仲拉緊牛牛ja

瘋波裡的大班 :我睇黎我再需要第四次重複, 香港人真係冇下下貶你地, 我再次希望你多了解, 包容, 思考, 我地好多時講野其實根本冇貶義, 而係你地用主觀意願扣帽子, 我不再強調, 因上文好多篇已解釋過好多好多次, 不要重覆. 而我再三重申, 第n次強調, 香港傳媒有讚過你地德政, 好就讚, 壞就彈, 就以上文提及去年泰國暴亂為例, 香港傳媒亦以果斷稱讚澳門政府, 而不斷猛烈批評港府, 希望你真係記得我講的...

瘋波裡的大班 :見你的回覆, 好似真係冇乜了解我前面幾篇文所回應你的, 不斷重覆又重覆地返轉頭...希望你真係明白, 了解, 思考, 包容, 我真係好希望兩地人民真係可以互相做到呢樣野...我地真係冇任何惡意貶低你地(當然我不代表100%港人, 但, 絕大部份港人同你地無仇無怨, 真係冇貶低你地, 就算係大陸人, 依家我地都開始漸漸唔敢再話佢地咁多...畢竟...米飯班主...當然亦都唔係代表所有香港人...)

NeoMan-Centro-APM1 :簡單d講，澳門人反港人之餘，有冇唸過澳門的賭場可以講係靠香港人起家，做人飲水思源啦

如果香港人以前到而家都唔賭的話，澳門人可能仲拉緊牛牛ja

kalon :我睇黎都要再打明白一點去讓你明白, 我沒有意思指香港人在「貶低」澳門人, 但港人有時言行不一定是「貶低」時, 從香港人的角度去想就是. 但是, 在外人眼中不是絕對, 正如香港傳媒對澳門的報導, 用你地的感覺, 不是貶義, 只是所謂「有好就讚, 有壞就彈」, 不過, 從內地政府、澳門居民長久以來的反應, 為什麼總是會認為香港人的本意是出現「貶低」? 正正你一直不明白呢個問題.

kalon :曼谷包機事件, 表達出那位澳門人將自己激發多時的情緒爆發出來, 反映出根深柢固的問題, 是香港人在澳門人心目中的感覺---澳門永遠不及香港. 而香港媒體向來喜歡比較, 這次曼谷包機事件, 可以藉澳門例子找來機會彈香港政府, 卻因此又再一次証明港傳媒喜歡將兩地政府比較, 今次是好, 但平時壞的事呢? 你講人一次好事, 人地或會好快忘記, 不過你講衰人一次, 人地可以一世記住. 呢點, 係港人一直不會理解的事, 處處以自己的宗旨做事, 不考慮他人, 到頭來只會引來別人的仇視.

kalon :其實我想講的是, 澳門只有3個香港機場左右的面積, 長久以來, 澳門人一直看香港, 聽香港, 行香港的文化, 很多東西都靠香港, 澳門歌手都過香港發展, 由以前到現在, 澳門人從不想過會爬香港頭, 因此, 一直以來, 已經形成一種「大香港, 小小澳門街」的思想.

港人有時所為, 令人覺得要別人稱呼其為"大佬"一樣, 很多東西都好像要香港化, 不過, 港人為此驕傲, 無可厚非, 但是, 往往找出別人差的地方去推高自己(或者香港人不認為是彈緊人, 不過, 接受者往往感受到的都不同), 這正正港澳兩地居民矛盾出現的根.

kalon :[color=#000080]你呢派言論正正係我一直表達的典型香港人, 甚麼都以為香港人最強, 香港人要放第一位, 不可被任何人超前, 沒有了香港人地球就好似不能轉一樣. 不論是對澳門, 還是中國內地或其他城市.

「飲水思源」四個字, 根本不可能將之套入你所講的情況裏.
若然非要講不可, 香港全民是不是要即時向中央低頭? 內地每年向香港放了幾多水, 香港人又點對內地政府呢? 咁樣講根本不切實際, 更加顯得出「大香港」主義. 香港有今日地位, 無疑中國政府都有出了很大一部份的力, 難道你以為沒有中國開路, 英國百年管治香港會有今天的發達?

瘋波裡的大班 :睇見你一句「香港有今日地位, 無疑中國政府都有出了很大一部份的力, 難道你以為沒有中國開路, 英國百年管治香港會有今天的發達?」真係有少少令人驚訝, 絕對係以偏蓋全0既想法, 根本並非實際情況.

kalon :單單你呢一個驚訝, 再一次突顯香港人不懂得「飲水思源」之餘, 亦過份自大. 香港人是建設整個中國的功勞者嗎? 澳門是香港人建出來嗎?

kalon :一直以來, 你只係講澳門人如何反擊. 舉個例子: 小學生打交, 老師都會問埋被打戈個點解會被人打, 原因有時出手戈個未必係全錯, 反而出手戈個才是被害者. 香港就係所謂被打那一個.

kalon :如果你敢講我說的全非事實, 你才真正要學習從"非香港人"眼中看香港人, 單單香港人食的、喝的都來自中國...而這些種種, 不是回歸後才出現. 另外, 香港人所謂到內地投資, 都要國內開綠燈先可以賺到錢, 甚麼"港資"甚麼"好", 香港人在國內橫行無忌, 都是中國政府一直政策下, 由內地十多億同胞共同執行而換來.

kalon :講到尾, 澳門人一句香港政府不及澳門政府就是抨擊, 香港人抨擊澳門人就變了"新聞觀點, 對的讚衰的彈"云云, 永遠有兩個標準, 討論下去根本意義全失..

瘋波裡的大班 :我希望你睇清楚, 唔好混淆視聽, 你地果d攻擊性說話, 我以上多篇已有引證, 不到你地不認; 而我形容果d是否「新聞觀點」, 敢請問, 新聞報導員有像澳門男在影片般「寸」你地丫?? 明明係新聞報導, 明明係新聞分析, 攻乜野擊??? 新聞從業員係有操守的, 如果你唔清楚, 我可請一位新聞從業員同你傾下, 不過以你思想, 點解釋你都係冇用, 因為你眼中香港人就係衰人, 就係踩你0既人, 就係攻擊你0既人, 新聞報導對澳門只能報喜不報憂, 有社會問題繼續由得佢, 我唔會阻你, 讚你有德政, 就話好0既唔會記住, 真係你玩晒佢啦. 我講左幾版, 你睇極都唔明, 就連我幾位澳門朋友睇完之後, 都覺得你言論非常有問題, 包括一位在澳門政府工作0既朋友, 並打算申請戶口掙住要同你理論, 不過, 相信你又話佢唔代表所有澳門人云云, 佢地都叫我唔好再回應你, 不過其中一位都忍不住以「井底蛙」黎形容你, 仲建議你放棄香港id, 唔好再學人睇tvb云云, 我對此不作評論. 我一直想你了解, 思考, 包容, 都係希望兩地人多溝通, 多認識, 唔好再互片, 但係我覺得真係冇乜可能囉, 而各位版友或訪客睇完呢幾篇對話, 都相信清楚發生乜野事, 所以, 即使我不須再回應, 各位都能夠有客觀分析