kalon :我非常十分欣賞你的態度. 地區合作有賴地區間合作, 而唔係有賴某地區成為一個領導者.

了解自己的處境, 與人分享經驗才是成功的啟航, 好過永遠擺出自己的本事、詆譭其他地方的弱點來突出自己的優點, 才是所謂真正活於井底的蛙.

kalon :我發現閣下的想法中, 非黑就即白, 無講過就等於我無咁想過... 港人是不是就是因為這樣呢? 自己只在自己的想法中生存, 永不了解別人的真正問題, 而作出自己提出的問題.[/color]

瘋波裡的大班 :你呢d咪對人唔對事囉, 咁多篇我根本冇話過邊個領導邊個, 我都作出相類似回應, 而類似0既野, 之前我已經講過, 可惜, d對人唔對事, 以反擊目的, 咩叫「詆譭其他地方弱點」?? 根本講左咁耐我一直都只係想指出根本由頭到尾冇人詆譭你地, 冇人踩你地, 係你自己成日話我地踩你地, 講過對你地0既稱許, 就話「忘記」, 係都要擴大人地對你0既批評, 又對我地d批評不斷抺黑, 又不斷話傳媒一味挖你地d負面野, 作出「詆譭」你地0既報導. 回歸十年, 尤其係香港經歷最差果幾年, 當時正值何厚鏵「黃金時代」, 我經常聽見港人慨嘆老董時代0既無能, 對於何厚鏵作出非常多正面0既評價, 可惜, 0係呢幾篇對話當中, 我睇唔出有人可以公平分析我地對澳門所講出0既呢d稱許...
香港呢撻地方0係世界上根本唔係一個咩巴閉0既地方, 大把先進國家比我地先進, 比我地勁...亦都大把「鬼佬」睇我地唔起, 但係so what? 同人鬥寸咩? 寸唔起, 我地的而且確大把野要跟人學野, 唔好講遠, 淨係睇大陸, 已經有好多野超越左我地, 中港合作, 相輔相承, 分享成果, 大陸幫我地唔少, 我地亦都提供唔少支援. 見得呢個世界多一d, 就知道自己有幾渺少, 唔係一味0係度「自我保護」, 不斷抹黑人地踩佢, 詆譭佢, 讚過佢都話「忘記」, 封閉自己.

瘋波裡的大班 :同樣地, 根本我地好多時都冇踩你地詆譭你地0既意思, 但係就多番被扣帽子, 不斷向佢解釋清楚都聽不入耳, 澳門人是不是就是這樣呢?? 自己只在自己的想法生存, 永不了解別人的真正問題, 而作出自己提出的問題.

kalon :
無錯, 你冇話過邊個領導邊個, 又或者有相似回應, 不過我完全亦都沒有講過係你講的. 我只係欣賞JU2541．FD5520所寫出的問題, 指出現況.

由頭到尾, 你一直表達出的問題, 只係在一個問題講不過去時, 找出另一問題, 好似之前談論澳門派錢及澳門及香港人關係問題時, 有人一味道出澳門的負面一面, 又或者道出一個第三者來批抖我的回應, 例如p#1851857一側回覆已道出以上其中一例 (其他的不去逐一列出了). 另外, 你這一個回覆, 又完全表露香港人喜歡比較下抨擊他人, 如董建華問題, 點解要與何厚鏵去比較?

我與你十分不同, 我沒有講出的事, 你就講成我沒有這樣想. 詳細可在p#1853698最後一段落中看到.

而你, 一直只強調香港人如何沒有詆譭, 抹黑等等, 但是否問題完全是出自澳門人本身? 你沒有承認及正面回應過, 呢d以上東西, 其實都冇一定標準, 問題係, 由你的回應, 只看到有人喜歡在一件問題未結束前, 就將問題推到另一個問題上, 以讓好的好下去, 壞的繼續壞下去. 到此為止, 敢問, 到底係澳門人聽不入耳, 或是有人不肯去聽?

kalon :我多次提及, 澳門人不是拒絕意見, 而是需要意見而不是需要抹黑、詆譭... 看看3月28日TXB關於Viva Macau的新聞報導, 中間報導多人在機場起哄抗議, 當中突然只有一句 "係你地d澳門人睇唔起我地d大陸人", 講緊咩問題呢? 點解頭頭尾尾戈幾句會唔見晒, 聽唔到呢? 有關全段內容在其他澳門媒體可以聽晒全部, 聽完之後, 就會發現我講很多港人鍾情抹黑, 詆譭絕非無中生有, 亦肯定不會是所謂"澳門人誤會".

kalon :如果有人一直希望兩地人可以平得、和諧地去表達及構通時, 某一方面起碼要積極去改變自己長久以來犯下的問題, 而不是每次聽見問題時, 就將問題推卸到他人的責任上, 是人家聽錯, 聽誤會了云云.

瘋波裡的大班 :由頭到尾, 我都一直同你講緊, 香港人唔係成日都話你地而你地成日覺得係呢個問題, 幾版我都同你講緊同一個問題. 而派錢果度開始, 我只係講出我所見到0既事實, 根本你都冇再回應跟進呢個問題, 如果你想我再同你討論派錢, 非常歡迎.
閣下果然會將稱讚忘記, 只記得「一味道出澳門負面一面」. 仲有, 請你睇清楚, 我係話, 港人批評董建華無能, 稱讚何厚鏵, 兩樣野, 比咩較??? 兩件獨立事情, 請你睇清楚. 我冇承應過冇回應過??? 我同你講左好多好耐, 解釋左好多, 如果你睇唔清楚的話, 得, 我俾時間你逐一發問

kalon :我沒必要問你, 因為你本身根本有一個主觀立場, 而且, 我看不出你的意見代表咩野, 可能你同曾特首一樣, 有"我嘅意見就係所有香港人嘅意見"的精神.

kalon :上網search一下「香港人」? 我搵到一個內地人寫香港人的缺點, 網址:http://bbs.8j.com/topic/222688_0.htm
第3、4、5點, 道出其實在外人眼中(起碼這一位內地人), 認為香港人高的賺、矮的踩這不爭的事實, 很多事, 港人為了抬高自己, 就肆意攻擊其他感覺上沒有殺傷力的人/地方.

kalon :正正澳門人少發聲, 一次曼谷包機澳門人的聲音, 用來反擊香港政府最佳不過, 電視台播完又播, 為了表達就是"連澳門政府都識得派包機"... 如果是美國派包機美國人講同一番說話呢, 港人眼中或會視為必然. 咁播出街根本沒有意義.

kalon :其實問題出自香港人一直以來的態度, 澳門人不會忽然討厭香港人, 又或者一出世就對香港人反感, 其他地方的人(如內地人)亦是, 問題係出於香港人長久以來對其他地方的評論, 到底係「評」定「抨」, 聽入耳的人會有最深刻體會.

kalon :

JU2541．FD5520 :做人就唔好太看得自已咁高
兩個地方根本個重點支柱都唔同
一個係賭一個玩金融

同埋...現在賭場並不主要以港人為主

我非常十分欣賞你的態度. 地區合作有賴地區間合作, 而唔係需要某地區成為一個領導者, 帶領著地區發展, 跟著這個領導者向前.

了解自己的處境, 與人分享經驗才是成功的啟航, 好過永遠擺出自己的本事、詆譭其他地方的弱點來突出自己的優點, 才是所謂真正活於井底的蛙.

瘋波裡的大班 :......................

北河楓 :領導者=/=擺出自己的本事、詆譭其他地方的弱點

有時有個領導者既角色, 可以為成個地區起到帶頭作用
例如紐約個鄰近地區咁, 唔好話一面倒覺得某一個地方帶頭唔好

kalon :

北河楓 :領導者=/=擺出自己的本事、詆譭其他地方的弱點

有時有個領導者既角色, 可以為成個地區起到帶頭作用
例如紐約個鄰近地區咁, 唔好話一面倒覺得某一個地方帶頭唔好

無錯, 不過有沒有留意到, 香港同紐約情況不同, 香港周邊係包含不同的政權實體, 不是同一個政府, 再者, 本身香港內部矛盾都幾嚴重, 有時自己的事未處理好, 就不應過於介入其他人的事.

北河楓 :粗字我覺得你離題lo...
過於介入同分化/矮化其他地方又有咩關係
香港又有di咩係介入過?
仲有, 我覺得你係無睇過大班既言論而不斷咁重複論點lo...
講真個句...大班既言論已經完全照顧到非香港版友既感受

PS:我咪又係住係香港某偏遠地區?點解我又唔話di市區人岐視我地呢? sosad

kalon :其實香港是不是真係同一地區最好的地方呢?

kalon :我敢講, 亞洲各城市各有長短, 無話邊個最好, 亞洲城市都好密, 唔會有一個城市有能力做龍頭大佬.

瘋波裡的大班 :首先多謝北河楓的評論, 好啦, 到現在, 愈辯愈明, 無須我再多講.

瘋波裡的大班 :首先多謝北河楓的評論, 好啦, 到現在, 愈辯愈明, 無須我再多講.

有人成日話我, 搵第三者出黎講係「攻擊」佢, 好啦, 輪到佢, 又用返同樣方式黎「批評」港人, 好啦, 到我又用返同樣方法, 佢就話果d冇問題, 我果d有問題, 大家可以睇得到.

有人一直不斷話港人「詆譭」佢地, 話我地港人「清高」, 根本我咁多篇已經全部講過晒, 由頭到尾, 呢位版友根本就係屈我地, 冇思考, 冇分析, 同一隻死牛一邊頸0既牛彈琴, 等同浪費氣力, 我覺得呢位版友已經冇任何一處地方值得我地去尊重.

明明係我先討論, 然後再被人多番不聽意見而多番話我「詆譭」佢, 明明係佢自己狹窄心胸, 將問題全推港人身上, 竟然可以將事實是非顛倒. 果然, 我讚過澳門咁多, 完全有人「忘記」, 刻意跳過, 然後將其他批評加以誇張, 擴大, 再用傳統澳門人思想反擊港人, 根本只有佢0岩晒, 人地係錯晒, 經過幾版, 相信大家有目共睹.

身為中國人, 我真係為中國感到羞恥, 感到悲哀, 有如此封閉思想, 蠻不講理0既中國人, 可悲也.