ATE95 LE9116 :http://hk.news.yahoo.com/article/100316/4/h1n0.html
年年都有錢派 ..
香港幾時先有

cmbsf1 :唔明樓上上既河蟹論

ATE95 LE9116 :http://hk.news.yahoo.com/article/100316/4/h1n0.html
年年都有錢派 ..
香港幾時先有

香港都幾難有錢派lo

USB :

cmbsf1 :唔明樓上上既河蟹論

ATE95 LE9116 :http://hk.news.yahoo.com/article/100316/4/h1n0.html
年年都有錢派 ..
香港幾時先有

香港都幾難有錢派lo

只要睇兩地人口爭幾遠，香港唔派錢係唔出奇既事...
澳門家陣都話用三十億乍，香港一人一千蚊都要七十億啦 banghead

NeoMan-Centro-APM1 :大班兄講到個道理出黎，冇錯香港唔係民生為主的地方，但澳門派錢又係未解決哂民生先？係的話香港人就可以算係見澳門派錢就"吃不到的葡萄是酸的"，否則我唔覺香港人葡萄

大家睇返澳門，派錢之後搞掂廿三條，之後再派錢，係咁的情況下我都唔想為難kalon兄去講澳門政府的壞話，因為唔知會有咩事發生，不過呢，睇返近幾年澳門開始愈來愈多人傾向賭場工作，令到社會有d野平衡唔到，派錢係未調節到呢種社會現象我覺得值得討論

瘋波裡的大班 :咁多年來, 我成日都見到港澳人在各大討論區上「互片」, 我好想回應一下, 樓上身為澳門人, 一直感受香港人「大香港小澳門」心理, 但係我可以話你知, 我亦都經常感受好多澳門人無理攻擊香港人, 好多澳門人都對香港人抱有怨言, 將好多社會問題都係歸咎香港人造成, 例如甚麼一窩蜂來到搞到市面人多混亂, 又甚麼香港人炒貴佢地D樓云云, 我想問一下, 呢D某程度上係咪刺激經濟0既元素?? 咁多年來, 兩地互惠互利, 香港人投資不少, 支援不少, 但倒頭來卻遭受澳門人的白眼, 仇視, 好多時都替某些港人不值, 甚至乎我接觸到當地一D年紀小小0既學生, 佢地都竟然表示「好憎香港人」. 有時香港人無知, 不斷問澳門有冇XXX等問題; 又或者講出香港有XXX等說話, 但竟被澳門人第一時間反擊為「睇唔起我地」「你當我地係乜」「晒命臭寸」, 如果換轉係香港人聽呢D說話, 極其量只係會笑對方無知, 而不會咁樣反擊人, 再者, 講出/問出呢D說話0既香港人其實根本並冇任何貶義. 認識一位在澳廣視做的朋友, 佢常常我同閒話家常, 佢指出, 其實因為澳門人一直都有一種自卑心態, 所以對香港人有一種抗拒心, 不過當然, 公平D講句, 亦都有好多香港人態度有問題, 呢個都係事實, 香港人都要檢討一下, 尤其係見到錢...不過我可以話你知, 我曾經擁有澳門身份證, 就係正正佢派錢果陣, 我放棄左冇要到, 連張身份證未夠七年都放棄左, 正式做返100%香港居民, 講真, 要我生活0係一個「一言堂」0既地方, 我真係寧願唔要俾政府用錢黎「收買人心」, 把心一橫返黎香港, 眼見個城市好多社會問題, 大大小小, 但係都係冇乜人出聲, 冇乜人去提出改善, 就算有, 都係不了了之...眼見社會好多0係香港視為「不能接受」0既事, 一一發生...所以, 我真係非常欣賞香港到今日都仲有呢個核心價值, 你俾幾多個6000蚊都買唔到...不過, 正如樓上所言, 比較冇意思, 大家根本生活0係兩個唔同核心價0既地方...

瘋波裡的大班 :其實澳門居民愈來愈多人傾向做賭場, 並唔係近呢幾年0既事, 好多大學生甚至乎讀讀下中途綴學走去做, 因為做賭場「有錢途兼有前途」, 市面上其他工作冇乜人欣賞, 新福利澳巴長期唔夠人, 朝朝搭車等幾架都爆閘上唔到, 好多司機都寧願走去渣賭場車, 人工高好多, 即使澳巴新福利冇牌都train埋你, 俾埋臨時職位你, 都冇乜吸引力...除左賭場之外, 澳門好多居民個個月都掙住考政府工, 因為除左賭場之外, 政府工係第二選擇, 幾百人至一千人去掙幾個位...其實整個就業市場已經側埋左一邊...

kalon :嗱, 其他兩地無謂的比較, 我亦維持不會去討論了. 因為沒有意義. 不過, 見你提及的「澳門人反港問題」, 咁我就同你研究一下.

其實我本人都係同時擁有兩地身分證的人士, 亦可以話, 同屬兩地永久居民, 不過我一般只會同人講我係澳門居民, 因為, 個人覺得, 香港人不止在澳門人心目中有一個“討厭”的地位(唔知有冇用錯字眼, 如有, 敬請見諒). 包括返內地都會有咁嘅問題, 點解呢? 相信樓上文章中部份文句已解釋一二.

再講, 我不認同樓主所講澳門人有“自卑”, 我可以講, 澳門人一直認命自己係一個小城市的人, 知道澳門是一個小城市, 所以某程度上, 好多澳門人好渴望香港文化, 包括引入個別品牌來澳等等... 個個月都去香港shopping等等...

其實所提及的“大香港小澳門”心理, 唔知你知唔知一直以來的問題, 澳門居民同香港居民, 在分別回歸中國後, 理應平等互待, 在國家領導人的眼中, 都係同級的, 但澳門居民一直入境香港都需要入境簽註(包括永久居民往港都要持旅遊証或葡國護照進港), 而逗留期限, 即使現在已由14天大增至半年, 不過仍比香港人可以入境澳門逗留一年為短. 在早前香港議員被拒入境事件, 澳門民主派立法議員到香港立法會客席數據顯示, 有3000澳門人曾被香港拒絕入境. 而佢亦都表達過, 可能因為咁, 香港立法議員被澳門拒絕入境, 澳門人係慶幸!

講返入境時限, 我就相信無咩澳門人會連續往港一年, 不過, 再加上平日香港人喜歡評頭品足的性格, 常常無故將澳門與香港比較, 在報導或節目中比下去等等, 再看看上年香港東亞運, 香港人很自豪, 不過, 唔知有幾多人想起2005是澳門主辦的呢? 又香港的報導只會將澳門東亞運超支問題再三提出, 澳門雖然係用了39億去搞, 不過又有幾多用左來建全新場館等等等等, 就是出現以上呢d小問題, 就演變成今天兩地矛盾十分的事. 我自己絕對唔希望看到香港/澳門的關係好像今天台灣/大陸一樣, 你罵我時我罵你.

又講返你提到, 現在的確很多澳門人歸咎香港人炒高澳門樓市, 但是不是呢? 看看澳門樓價升得最高的時間, 中原、利嘉閣、美聯開得多過賭場, 7-11, 全澳吉鋪都出現以上代理banner, 有時, 又很難怪澳門人這樣想吧.

澳門今天其實就等於香港70年代經濟起飛的時候, 香港行先了30年, 澳門爬上來, 當然有做得不好的地方, 說到巴士司機問題, 其實, 渣賭場車與兩巴工作制度不無關係, 又不可以單純與薪金掛帥.

比你選, 都會選擇做人工高, 無野做的工啦, 公共巴士司機又要受氣, 又要跑時間, 賭場車點到點, 自選行車路線, 又不用與客人嘈交, 我識一d司機都講, 佢地人工低幾千都去做, 無咁辛苦. 不過仍然留在巴士公司的, 只是貪巴士公司穩定, 出糧準時.

澳門50萬人口, 10幾萬都係學生, 仲有老人家, 不在澳門的澳門人... 實際勞動力其實可能只有20~30萬, 不過, 單一個威尼斯人已經有20000員工. 你話側左一邊, 我認同, 不過我認為唔係你所講的澳門人係傾向做賭場, 等於香港人都會去搶政府工 (講真, 入到政府工, 鑽石飯碗, 光宗耀祖, 一世無憂呢!)

kalon :又講返你提到, 現在的確很多澳門人歸咎香港人炒高澳門樓市, 但是不是呢? 看看澳門樓價升得最高的時間, 中原、利嘉閣、美聯開得多過賭場, 7-11, 全澳吉鋪都出現以上代理banner, 有時, 又很難怪澳門人這樣想吧.