上星期係星洲時去了聖陶沙一日半，第一日係環球影城，第二日上午係沙灘附近，島上有穿梭巴士，最初以為同模型一樣係MAN，點知原來係B7R
由於島上穿梭巴士行的道路兩旁甚少行人路，只好係巴士站劣攝數張
上星期係星洲自由行都係坐MRT為主，甚少坐巴士，我喜歡星洲的巴士，但因為當地巴士的路線甚為複雜所以少坐，記得第一轉巴士係Vivo City坐SMRT的OC500LE去環球影城下的巴總，呢款車的確好高大，山頂位冇記錯有成四級高，把聲有些少似O305，但令我驚訝的係行車時比香港的金雞仔定好多，而且我可以係低地台位掂到冷氣口，原因係OC500LE的冷氣槽係沿著車身兩邊向下斜的，唔似金雞仔咁完全水平，星洲的冷氣口設係最低位置
設計比金雞仔人性化好多
記得第二晚坐了SBS Transit的B9TL行143，唸住由Vivo City坐去烏節路，星洲的B9TL下層坐椅佈置類似ASV，中間有橫位，車廂隔音同香港的B9TL差唔多，不過星洲的漏熱氣比較嚴重，我同老媽坐o左係車尾一陣就去o左中間坐，呢一程143側牌第一行寫經烏節路(Orchard Road)，但坐o左大半個鐘後開始覺得唔對路，而且巴士又冇報站又冇固定豬紙，我去到車頭一角先知原來有路線的單張，向車長一問之下先知原來坐錯方向，部車已經幾乎去到另一邊的總站，只好坐對頭車返去Vivo City轉MRT，我返到酒店硏究o左張路線單張一輪，先知原來側牌第一行寫Orchard Road的原因，係個一方向最初會經Orchard，我係Vivo City時已經係該方向的中段，實際已經過哂Orchard，呢一程車真係搞到我一頭霧水
不過我冇因此而對星洲的巴士有陰影，因為星洲的巴士好多姿多彩，街上有Olym、B9TL、DM Trident、K230UB、K310UD、MB O405、O405掛接、Volvo B10M、DAF等，淨係O405都有好幾個樣，不過最令我感興趣的係O405掛接，我都估唔到咁細的城市都行到掛接，而且為數不少，終有一次係Orchard Road去動物園時坐行190的掛接去Choa Chu Kang轉車，不過190對於掛接來講冇咩難度，因為大部份時間都係行Highway同直路，只係去到Choa Chu Kang時先扭一個7字彎入巴總，但對於個款掛接來講竟然完全冇難度
睇黎掛接的靈活性其實同12米車差唔多，可能香港的路面都可以行到，但香港仍然係雙層較實際
去完動物園後上了138去Ang Mo Kio，用車係O405，呢款車雖然舊，但係我係星洲坐過的車中最正的，因為佢把聲同以前O305接近99%一樣，係車上看風景之餘，仲可以細味返以前Benz的引擎聲，而且平治的吸震的確比Scania同ADL好好多，好有坐飛毯的感覺，講開風景，新加坡路旁的風景係非常之正，當地的綠化園林做得好好，而且當地的公屋同私人樓都唔會起得好高，係住宅區的感覺就好似係城市的後花園咁，感覺十分輕鬆寫意，完全冇壓迫的感覺
當地的K230UB都係我常坐的巴士之一，車廂的設計同OC500LE差唔多，所以我係低地台位都可以掂到冷氣口，而且冇香港的咁chok，而且佢另一個特別的地方係佢有導航位，而且前跨較張，從外面睇好似１２米車身安係一個唔夠十二米的底盤上咁
新加坡對於我來講係一個幾好的城市，飲食雖然有ｄ貴，但比香港的質素高好多，而且到處都非常清潔，唯一令我不慣的係當地除了主題公園外，其他地方收銀員從不會說多謝或者Thank you，唔知佢地係咪有另一種表達方法我唔識睇
希望下一次去時可以有多ｄ時間影街上的巴士