岩岩剪頭髮, 個師傅一個位剪十萬九千次 ..
突然諗返起, 曾幾何時細個做勞作等等剪野果陣
特別係剪圓形, 哎呀咩左, 唔緊要向內剪多次,
哎呀起左角添, 唯有向內轉多次啦 .. 之後
就會發現個圓形細到乜咁, 而剪出黎既, 係一條蛇狀物體 .
之後行過對面搵食, 路過見到兩間兒時每到週日,
都會同屋企人去食早餐既茶餐廳, 但唔知幾時開始,
可能係懶, 可能係唔想再同屋企人一齊食,
寧願留係屋企hea下, 甚至訓多D .
望見眼前既茶餐廳, 彷似唔係我認識既茶餐廳;
原來自己認識既都係大排長龍, 人山人海既早上
再加上, 太耐冇行過去了 .. 果種滄桑而又陌生既感覺 .. 真係 ..
之後行前D見到文具舖同往年一樣, 都用上幾張枱幾個紙盒,
放果堆多到唔知點揀好既聖誕卡, 但原來, 我都已經好幾年
冇去努力咁發掘一張合眼緣既心水, 冇去用錢買一張卡返黎寫,
甚至, 已經開始唔記得, 原來聖誕節果陣, 自己曾經寫過, 送過聖誕卡比人 ..
行到黎交界位 .. 果個歷久風霜, 開一間執一間既飛髮舖舖位,
幾年後終於轉左7-seven .. 當日由OK轉做飛髮舖,
如今卻由飛髮舖轉左做7仔 .. 果大大塊既招牌, 始終顯得格格不入
你可能會話, 依家唔洗點剪圓形, 大左冇人想假日早起身,
中學生唔會特別去寫聖誕卡, 甚至轉左舖頭同你無關痛癢 ..
的確, 一D唔顯眼既事, 往往都係唔顯眼地略過左自己既眼簾;
但我自己, 原來自從中二三, 或者係課程既問題, 或者係生活/成長既原因
雙位數字既返學時間, 返到屋企一係訓晏覺一係做功課一係乜一係物
往往唔會有時間, 去做埋曬D "無聊, 浪費時間既關心社區活動" , even係樓下既舖頭
人大左, 好多野都會隨之改變, 察覺既, 自然被人記住, 刻在心中;
遺忘既, 卻只有繼續被遺忘, 因為人一生, 只有一個童年可供人逝去 .
上面打既野, 並唔係想說咩理, 帶出/突顯D咩,
只係對童年用一D平常人唔會為意既另類角度思考,
如果你睇完, 認同既, 不妨再花多少少時間讚個好,
為呢篇文, 繪寫一個有被記住過的時光 .
![[sosad]](https://hkbf.org/images/smilies/icon_sosad.gif "So Sad"){kind=icon}
![[banghead]](https://hkbf.org/images/smilies/icon_banghead.gif "Bang Head"){kind=icon}
