第一次試用 Playstation 3 GT5 做背景..



































我最初收集既模型主要係一 D 日本老爺車, 一開始心目中已經想買 Toyota 2000GT, 但當時已經賣晒, 加上網上好少人放… 所以一直都係得個等字. 早陣子, Autoart 將 2000GT 模型重新複刻, 所以係 10 月既時侯就帶左佢返屋企.

由於模型始終都係機器製造, 難免會有 D 瑕疵. 一般買模型既時侯, 可以既話我都會睇兩, 三架做比較, 好少話一架 ok. 記得我打開個盒, 一見到架車我對眼已經俾佢懾住咁… 真係好靚!! 所以連第二架都唔洗睇, 開心咁買左落黎. 呢種感覺真係好奇怪, 到而家都冇再試過.

講返架車, 無論係油漆, 裝飾, 內籠, 引擎我認為都幾近完美既級數. 門跤亦十分紮實, 尾門就算唔用銀色個枝撐杆都可以企得穩. 唯一要挑剔既就係前轆後面既儲物箱十分難開, 最後要用 “萬用膠” 才可將門拉開. 另外, 2000GT 徽章如舊版一樣只用上貼紙代替, 算係一個違憾.

wa, 我唔好舊車都覺得呢架靚
入面個木紋錶板真係好正

呢部車我積極考慮緊白色，睇樓主的相呢部車的細節的確做得幾精細，而且個殼的線條超似真車

我認為佢同之前架 M.Benz 190E 可能係 Autoart 裡面最好嘅模型之一.. 值得推薦俾大家