GZG50 :莫講話年青人，而家50後至70後對iphone、ipod、ipad、HTC等重視程度都好厲害，對佢係來講ipad已經係半個公事包同一個mobile office，更甚的係一個同其他人交流興趣的工具之一。不過係年青人來講睇下佢地係唔係善用架ipad黎睇書、搵資料等，如果係用黎上咸網就無謂

不過自從有架iphone之後，我都好少再用架Netbook，甚至覺得Netbook雖然有鍵盤有Windows但好重好大舊。有時我都覺得自從有呢d架餐後，好多男性本有的興趣都突然間轉哂去呢d架餐到，冇的話佢地甚至會覺得有溝通隔幕

我就未買ipad，我仲睇緊ipad 2究竟可唔可以好似iphone咁打電話，可以的話買佢加埋一個藍芽聽筒已經job's done唔使帶多舊ihone

六本木一丁目 :的確係,而家個個一開口講野就係問"你JB左未啊?""乜野乜野game/apps好好用wo,你down左未啊 "
跟住我望下手上面部日系手機,完全搭唔到咀

同埋以前圍埋一齊真係吹水傾計,而家一圍埋一齊,機角對住個機角,一係就口同你吹水,手就係咁禁部iphone,都唔知有冇聽你講野

魔法先生 Super Bus :唔知點解我特別憎用 Apple 野, 所以乜鬼唉撲唉瘋唉 Pad 我一概都冇

《 KODA KUMI 》 :

六本木一丁目 :的確係,而家個個一開口講野就係問"你JB左未啊?""乜野乜野game/apps好好用wo,你down左未啊 "
跟住我望下手上面部日系手機,完全搭唔到咀

同埋以前圍埋一齊真係吹水傾計,而家一圍埋一齊,機角對住個機角,一係就口同你吹水,手就係咁禁部iphone,都唔知有冇聽你講野

只可以講, 而家你要有ｉ乜野先至埋到堆，先至有計傾lo
但呢d 野係咪真係咁好用? 我自己用過, 我覺得真係麻麻地lo,
與其要用個咁細既瑩幕去上網, 睇乜都要放大縮細, 我寧願坐定定起部電腦前面慢慢睇lo
如果係工作須要而要用呢d 設備就冇辦法ja, 但只係用黎消閒既話,
咁我覺得就唔爭在多果少少時間, 一係起屋企先睇, 一係搵間coffee 飲住野慢慢上好過lo

和菓子 :http://chinese.engadget.com/2011/02/08/apple-is-not-only-a-brand-but-religion/
就講就有

只係班蘋果廚抬得Apple太高仲要嘴炮人先咁犯眾憎

生活 _ _ (態度 / 智慧 / 艱難)嘅講法唔係因為蘋果廚而出現?!

iOS 講 JB 同 Android 講 Launcher / Lagfix / Root 有分別咩?

好老實只係有D人玩到蘋果個形象咁樣

教主宣教，其實Google早幾日個 press con 都算係嘅

不過論規模我覺得Apple似AKB果D咁大陣仗 , 其他真係行埋一邊

我都真係冇興趣同而家D乜乜物物廚癲，呢D gadget 真係諗過岩用有用就善用佢地黎提升生活質素。

我又唔會話因為用某D野而受到某D人白眼而因噎廢食，如果係咁不如剃度出家隱居算啦，唔駛煩咁多呢D咁嘅塵世物質野啦。

講起推人落水呢味野我都試過，不過到頭來我會幾後悔咁做，始終都因為偏執嘅問題畀咗唔少說話人地聽而唔係建議。

信唔係唔得，不過真係唔識分析下去盲目去信會強姦咗個人嘅批判性。

中環(香港鐵路站)總站. :其 實 好 多 時 先 入 為 主 o者

有 人 拎 出 黎 就 等 於 晒 命 ？ 呢 個 只 係 一 種 自 悲 感 使 然

六本木一丁目 :低調D用冇乜所謂,況且而家iphone周街都係
反而有d人專登係d用緊普通手機嘅人前面拎出黎用就真係好重晒命feel