豐田 2000GT 除左硬頂之外, 車廠本身都有做過兩架開篷既 Prototype, 這兩架從未發售的特別型號在電影 “007 – You only live twice” (鐵金剛勇破火箭嶺) 中飾演 007 在日本的接頭人 Aki 的座駕. Autoart 出過兩個唔同版本既 2000GT Cabriolet, 一個係普通既 Millennium 版本, 另一個就係 007 版本. 記憶中 007 版本是配一個日本車牌 “2000”, 但有否配備武器就不太清楚. 無論係 Millennium 定係 007 版本, 都已經售罄多時. 這一架模型是由二手市場購入, 上一手是一個對模型愛護有加的中年人, 皆因從佢提供既照片中, 見到佢會用雜物將模型托起來擺放, 以免車呔長期承受模型重量而變形, 試問有幾多人會這樣擺放模型呢.





































雖然只是開蓬與硬頂的分別, 但開篷版絕對是採用另一套模具. 車身結構與硬頂一樣紮實, 車門亦沒有鬆散的感覺. 雖然上手是愛車之人, 但油漆始終敵不過歲月的摧殘, 引擎蓋及尾箱門已明顯起疹, 左車門亦開始有起疹現象, 而左前輪後方的儲物箱門發現兩點起泡. 相反, 鍍鉻部件不但沒有氧化, 更仍然帶有光澤, 仿鋼線輪圈依然美觀. 兩側儲物箱上方的 2000GT 貼紙稍嫌略細, 而且欠缺立體感. 引擎和內裝基本上與之前介紹過既新版硬頂是一模一樣, Coupe 在這兩方面已是滿分之作, 所以即使這部 Cabriolet 是舊版, 在這兩個範疇上造工亦有一定的保證.