香港巴士論壇

畢業 3年　攞綜援年半　中大碩士 200次見工失敗 :【本報訊】碩士本來是社會的棟樑，但 26歲的梁健鵬三年前在中文大學統計系碩士課程畢業後，做過兩份工均極速被炒，年半前更開始領失業綜援，每月靠 1,830元過活；他幾乎每三日見一份工，但逾 200份申請卻無一份成功，連應徵麥當勞也被拒門外。梁在網上撰文控訴教育制度失敗，「細個幾努力讀書都冇用」。網民看過文章後，有人深表同情，更多人直斥他是 80後「高學歷、低能力」的人辦。梁對抨擊不以為然，說：「我唔係高分低能！」
阿鵬自幼讀書成績優異，在觀塘瑪利諾書院畢業，會考 26分，高考 2B1C， 03年入讀中大統計系， 08年碩士畢業時 GPA有 3.6分（即學業成績平均點數， 4分滿分），成績優異。在屋邨長大，父母做勞工的阿鵬以為碩士畢業後前途美好，回報雙親，豈料踏出校門卻墮入生活困窘。

兩份工兩個月內被炒
受訪時阿鵬思路清晰，沒有精神問題，語言表達能力亦沒問題，只是社交技巧笨拙，說話從不望人。他說， 08年 9月受聘於一間美國化工公司，但遇上金融海嘯，上班不足兩個月就被炒魷； 09年 4月他到保險公司做 Sales，未夠兩個月又被炒。
他聲稱之後有努力搵工，平均每個月見工 10份，兩年來超過 200份，但沒有一成功，「我乜工都搵，乜工都願做，最想做啲同讀書有關嘅工作，例如會計、數據分析等，但好多工要工作經驗，我未做過點有經驗？」
阿鵬否認自己心頭高，「麥當勞我都見過兩次，只係想做普通店員，但對方好驚訝，話『你係碩士喎，唔好玩啦！』」他曾報考警員、救護員，都全因體能「肥佬」被拒門外，「引體向上要做到七下，我只做到兩下」。記者問他為何不早作操練，他腼腆說：「下次會留意吓。」
中大曾公佈 08年畢業生平均月薪 17,898元，阿鵬於 09年 9月開始申領失業綜援，每月 1,830元，「每日得 61蚊用，朝早食杯麪，午餐晚飯食超巿 19蚊特價飯，有時要慳錢搭車見工，晚飯都唔食」。由於沒有錢買衣服，阿鵬每天都是穿同一套見工西裝外出。

「讀唔讀書有乜分別」
無朋友、無拍拖、無人理，鬱悶無出路，阿鵬於是在網誌上以《中大碩士失業漢》為題撰文宣洩。引來網民熱烈討論，有網民指梁不肯放下身段由低做起，認為他缺乏社交及溝通技巧，落得如此下場與人無尤，亦有自稱中大學生行為影響中大校譽，建議校方或校友出手相助。
碩士畢業要吃綜援，阿鵬說不怕別人眼光，認為自己的故事是對教育制度的侮辱，「連碩士生都冇能力靠自己生活，咁讀唔讀書有乜分別？叫啲細路點會勤力讀書？根本係浪費納稅人嘅錢……」

「希望社會畀機會我」
記者反覆問他，為何每年那麼多人大學畢業，惟獨他找不到工作，他最後還是承認自己有責任，「可能自己見工表現差，人際關係唔好，我有嘗試改變，但學唔識，讀書又冇教，希望社會畀個機會我！」
記者問阿鵬是否感到自己屬於「高分低能」，他說：「我唔覺自己係，但身邊好多人係。年輕人要為公開試掙扎，消耗晒所有精神，社交同溝通技巧梗係有問題。」

模擬見工記　面試零眼神接觸遭狂插 :「你冇熱情、唔投入、冇性格，過程中連一眼都冇望過我……」資深人事顧問 CORE SEARCH的董事總經理張慧敏，與阿鵬進行模擬面試後直指其表現差勁，坦言：「係老闆都唔會請你！」

「似部錄音機，內容空洞」
張慧敏說，阿鵬面試過程全無眼神接觸，其次是問非所答：「你話自己強項係邏輯分析，又話好勤力，但你冇做嘢兩年，成日喺商場 hea，我睇唔到你有幾勤力。」經常將「中大碩士畢業」掛在嘴邊更是第三個致命傷，「畢業證書只係入場券，我要請嘅係你個人。你碩士畢業，但要求五、六千蚊人工，令人覺得好奇怪！」最後是溝通技巧差劣，「你好似部錄音機，重複內容空洞」。
張續提點阿鵬要先放下碩士生的包袱：「你見過 200幾份工，經歷咁多次失敗，一定會有啲得着，自己有冇檢討？」至於阿鵬的「見工 Look」，張認為尚可接受，「但係頭髮可唔可以整吓，最低限度要乾淨企理……件白恤衫好似灰色喎」。當她把錦囊妙計傾囊相授時，阿鵬坐在一旁無甚反應，表現不耐煩。
阿鵬強調渴望改變，記者特別為他安排這個模擬面試，他最初表現雀躍。面試前一日，記者致電約他翌日早上 10時半在中環恒生銀行總行等，他回應：「好呀，中環港鐵站恒生銀行。」記者強調是恒生總行，他大聲說：「我唔識去呀，都係中環站恒生等啦。」
到第二日早上 10時，阿鵬以短訊通知記者：「我肚痛，改期吧！」記者即時回電及以短訊了解，再到其住所「尋人」，但均無果。當日下午 3時許，記者終於找到阿鵬，經再三勸說後，他才願意與張會面。
「佢係唔係高分低能？ Sorry，我唔覺得佢高分，至於低能係貶意，我唔方便評論……」張慧敏對阿鵬評價似有保留，其女助手則有另一番體會。當阿鵬在辦公室等候時，助手問他要否飲東西，他說：「果汁吖唔該！」「我哋公司冇果汁，只有茶或水…」「咁要茶啦，有冇果汁茶呀？」助手當場語塞。

高分低能族溝通技巧差 :【本報訊】「一上網勁到拋離世界，一開口就被世界拋離」。浸會大學社會工作系講師邵家臻表示， 80後 Y世代是「網上原住民」，與現實社會脫節，一旦離開電腦便不懂溝通。他指出現時很多大學畢業生是所謂「高分低能族」：「佢哋 IQ好高，但溝通技巧差，自我感覺良好；或者對工作、對生活無興趣、無熱誠，令很多大公司人事部均頭痛叫苦。」

高學歷反成搵工絆腳石
邵家臻表示，高分低能族無社交，無自理能力，很多著名科學家、學者都欠缺溝通能力，但過往學歷說明一切，「依家學位貶值，博士生都要投考警員及海關關員」。他建議大學生拉闊自已圈子，多些與人接觸、溝通，自行調節適應。
中原人力資源顧問有限公司董事總經理周綺萍說，無工作經驗的碩士生在職場上並不吃香，反而會成為搵工絆腳石。
周解釋，由於數年前經濟不景，不易搵工，很多大學生畢業後立即讀碩士，故近年出現很多碩士生「新鮮人」。「以往讀 Master嘅人多數在職場上打拼多年略有成就，想增值才重返校園，但現時碩士生很多都沒有工作經驗」。
周說，「僱主會怕碩士生唔安於現狀，對公司要求高，唔係『 Good Match』。我公司都唔會請碩士生」。她提醒大學生，畢業後宜先工作數年再讀碩士。

有意續看請自按：隱藏內容，按一下這裏顯示

講佢模擬面試個度更加完形畢露,話肚痛改期
如果係真心要改既就唔該食定止痛藥,出到去唔係人就你,係你就人
之後嗌野飲,我自己覺得唔要仲好,客氣d好
一嗌就嗌果汁?人地會覺得你似玩野多d囉...
印象分扣曬
講佢hea個度仲好笑,自相矛盾
佢話佢會好努力唔hea,但轉個頭又話自己平時係到hea
人地一聽你平時既行為就知你講大話啦
最低限度呃下人地話"我有好努力咁睇招職版搵工,希望有一份穩定既工作"
咁先表現到自己既真誠ma..
所以睇左咁耐都係佢自己唔比機會自己

「佢係唔係高分低能？ Sorry，我唔覺得佢高分，至於低能係貶意，我唔方便評論……」

TobuMinamiKurihashiRailwaySta. :本身就係高分低能又唔認
做sales唔望人做乜sales跟本唔可以賴個社團

講到讀得書就社交能力差真確的係毒到出汁

GZG50 :http://hkm.appledaily.com/Home/ShowArticle/d9e36723-0e0f-4673-b728-cc819fe5f6f2

真心希望佢能過新生活

不過某啲顧主又真係，以前就搵多多理由唔請人地，搞到要上頭版後就懶正義話比機會人地取長補短...

TobuMinamiKurihashiRailwaySta. :

GZG50 :http://hkm.appledaily.com/Home/ShowArticle/d9e36723-0e0f-4673-b728-cc819fe5f6f2

真心希望佢能過新生活

不過某啲顧主又真係，以前就搵多多理由唔請人地，搞到要上頭版後就懶正義話比機會人地取長補短...

比我係老細睇到前面第一篇就扣哂佢分,又唔主動又無交帶.

一見到有人請佢就轉哂態度

Greenones :

TobuMinamiKurihashiRailwaySta. :

GZG50 :http://hkm.appledaily.com/Home/ShowArticle/d9e36723-0e0f-4673-b728-cc819fe5f6f2

真心希望佢能過新生活

不過某啲顧主又真係，以前就搵多多理由唔請人地，搞到要上頭版後就懶正義話比機會人地取長補短...

比我係老細睇到前面第一篇就扣哂佢分,又唔主動又無交帶.

一見到有人請佢就轉哂態度

蘋果個旁白既態度咪又係 180 度轉變
琴日先踩到佢落地，今日就話「你實掂既」

觀塘瑪利諾書院畢業，會考 26分，高考 2B1C

GZG50 :http://hkm.appledaily.com/Home/ShowArticle/6668aa01-9753-4d38-ad6b-6f0bea02a5e2

條友又再出賣自己，白痴即是白痴，佢不如去應徵特首呀笨

「因為有幾份工未見，我想了解邊份最適合我先作決定」。