http://www.districtcouncils.gov.hk/sk_d ... 033_TC.pdf

計畫重點（可以視為方國珊政績表）：
－796S 取消將軍澳南路段，於離開清水灣半島後停富康花園，之後直往牛頭角。回程出隧道後直接前往清水灣半島
－796X 延長至日出康城
－開辦 98D 及 796P 特別班次，由日出康城分別經坑口、寶琳和市中心、調景嶺特快前往尖沙咀
－N796 出九龍改經尚德商場
－690P 取消下午回程班次
－692 服務時間減少，往坑口班次改為 10:00 - 22:00，往中環假日頭班車改為 10:00
－98A 確認為最後一批全冷路線

睇完之後直頭用有冇搞錯黎形容

我估唔到 796S 咁搞居然係叫人行去搭 296A，而唔係增加 296A 服務範圍，
咁比直接取消 796S 更加樣衰。有乜理由而家任何比方國珊增加政績既行為，要我地市中心同調景嶺居民埋單？
（雖然要寶琳同坑口居民埋單都唔要得，不過佢地對此可以有更加好既演譯...）

已經唔係第一次我地埋單，之前就係方國珊，797M cut 唔去，全將南居民足足等左一年先有得將 796X 延長去尖東，
如果話 796S 延長去日出康城甚至工業村，然後要 296A 兜埋調景嶺同將軍澳南，我覺得調氣都順 D，
喂你 692 縮短服務時間同減少班次都已經有資源可以用黎搞 796X 延長啦，係要囉我地既資源走，
之前心理準備係減少 796S 班次，冇諗過居然係咁樣....
假設 796S cut 車之後資源去 798 呢，我都仲順氣 D

其他關於日出康城既然問題我已經於九龍城 RDP 度講過，我唔再提，不過都係個句，
冇理由要寶琳、坑口、市中心同調景嶺四個地鐵站範圍乘客，幫日出康城埋單！


鬧完方國珊，都要鬧埋 692，呢條線問題係收費過高，理論上 692 同 690 收費應該係同 171、970 一樣 $11.0-$11.1，
將軍澳同觀塘既關係，就同香港仔同銅鑼灣既關係一樣，有乜理由過海巴士居然收到天價 $13.4？
呢樣野就係巴士公司唔識得點用收費爭取市場，特別係當早上港鐵難以登車，
只要巴士公司將收費減去 $11.1，我唔信冇居民回流搭巴士囉。
而且基本上 692 返將軍澳客量係於 17:00-尾班車都有 60-70% 載客，冇理由 cut 去 22:00 既....

成份野除 N796 出九龍改經尚德商場外，等同廢話...

其實我唔明
佢縮 692 繁忙時間 o既班次 (而家朝早十點先開始服務)
咁佢都講非繁時係唔多人坐架啦, 咁你縮黎都冇用架啦, 你不如轉做繁時線好過 ~

檸少 :我估唔到 796S 咁搞居然係叫人行去搭 296A，而唔係增加 296A 服務範圍，咁比直接取消 796S 更加樣衰。

區外人有少少唔太明
其實796S沿途大多地方都近調景嶺站、將軍澳站，搭地鐵出觀塘班次密、車費相若，又唔似得296A咁有大量轉乘
將南既朋友點解好似咁大反應？
好似清水灣半島既朋友受影響多d

檸少 :鬧完方國珊，都要鬧埋 692，呢條線問題係收費過高，理論上 692 同 690 收費應該係同 171、970 一樣 $11.0-$11.1，
將軍澳同觀塘既關係，就同香港仔同銅鑼灣既關係一樣，有乜理由過海巴士居然收到天價 $13.4？

692 同 690 已經算好，起碼佢由上環縮去中環之後有得減 $2.6
路程相若既 305,336,930等等，仲係收緊太空價 $16
路程比690,692更短、路線縮短左既 934,935 連 $0.1 都無得減

叫調景嶺班人行到尚德咁遠搭296A落觀塘
點解冇提及95M,93A,93K全冷o既?係咪上年果份講左
同上年果份少左好多野

垃圾發展計劃
寫果個根本係無腦

先講796S,
客源主要係彩明苑,
最低限度繁忙時間維持原本走線,
如果唔係即係要求人地去迫車姐,
新走線亦都唔見可以起死回生,
清水灣半島d人大多有錢,
唔入將南兜客真係等如自殺,
咁不如摺線丫,最後兩架車都調走埋算數...
同時我都諗唔明點解796S咁建議法又唔轉用單層囉,真係清水灣半島可以打爆架車?
另外,夜晚40分鐘一班車,就黎打破香港最疏車既紀錄...
如果將軍澳道有d塞車,真係不敢想像班次

再講
假設呢家有個新市鎮岩岩入伙,
你都無理由去調其他地區既車去新市鎮丫,
之前寶達上秀重建完,
就係令到98A 98C唔能夠行將軍澳隧道,
又話觀塘有需求,無錯98A 98C係果兩個站好多人落車,
但係兩條線咁搞法搞到兩條線係將軍澳區收天價,行車時間又耐
$5.2,$9.2,點都比mtr貴好多囉,
比起行隧道既98D,真係上山威晒
運吉你都玩得坑口區人夠啦

呢家日出康城入伙就打調景嶺主意,
796P/X咁搞法又唔見對調景嶺有利,反而情況分分鐘同98A 98C行山一樣,
只不過無咁明顯,收費亦無上調咁解,但班次又係咁疏,真係明蝕線俾人...
無錯人地康城有巴士需求,好似98D咁樣咪好囉,
又唔影響現有服務,亦幫到康城人

數完之後調景嶺既巴士服務得返
694 792M 796C 796X 798呢五條非繁線
就黎成為創舉,一個大型住宅區既巴士線竟然如此缺乏
唔怪之得調景嶺同坑口站咁多人出入啦,d人迫車迫到叫救命

下一次不如殺埋寶林同將軍澳丫?

其實 690 係咪仲有好多寶林客?

路線擺明就兜得好愚蠢
由山上開但又經藍田北
如果寶林客唔係咁多
係咪應該改寶林開 然後上山
順手做埋寶達 然後再去藍田北

咁樣除左會吸引寶達居民外
對山上既吸引度亦有增加
唔知點解咁多年都無見過建議條線咁改

GTA :其實 690 係咪仲有好多寶林客?

路線擺明就兜得好愚蠢
由山上開但又經藍田北
如果寶林客唔係咁多
係咪應該改寶林開 然後上山
順手做埋寶達 然後再去藍田北

咁樣除左會吸引寶達居民外
對山上既吸引度亦有增加
唔知點解咁多年都無見過建議條線咁改

690亦因為咁行先有d藍田客俾$5.7特快返景林/新都城...
btw,繁時690都幾多寶林客

ck38 :區外人有少少唔太明
其實796S沿途大多地方都近調景嶺站、將軍澳站，搭地鐵出觀塘班次密、車費相若，又唔似得296A咁有大量轉乘
將南既朋友點解好似咁大反應？
好似清水灣半島既朋友受影響多d

首先我申報利益先，放工時間我的確係搭 796S 返屋企既

地鐵話就話 cover 到兩個地鐵站，但係如果你係住彩明苑同健明村部份座數既話，
就會相隔比較遠。同時，唔少師奶鍾意出觀塘買送貪 D 野靚 D 同平 D（彩明同尚德街市 D 野較貴），
自然唔想話地鐵上上落落咁麻煩啦。

咁而且 296A 同 296C 於觀塘上車係極度困難，觀塘市中心站返將軍澳市中心一帶係「叫四飛」，
有 296A、296C、796S 同 E22A。
296A 既問題係大量轉乘客，雖然 798 開辦同 796X 延長，係可以令 296A 轉乘 15、89X、215X 既轉乘（89 同 89B 無 296A 轉乘，唔計算在內）乘客減少，
不過唔好唔記得仲有超過 20 條路線既乘客來自九龍新界各區，呢個龐大客量係目前 296A 班次未能夠承受
（同樣情況亦有出現於 98A）
而九龍公司已經將 296C 打造成一條長沙灣／南昌站至觀塘之間既流水線，同 1A 一樣係食唔少客，
於 796B 摺左之後，296C 於九龍灣變左半獨市，好多時候車停觀塘，都上唔到十個客就要開車
E22A 問題係真係收 $6.0，除非真係好趕時間，否則唔會乘搭佢返將軍澳
結果 E22A 既剩餘載客能力無辦法好好利用。

以上情況之下，正正是 796S 可以幫手清客。唔少我識既人，除非佢住尚德，
否則等 296A 等到火滾時候，就會轉搭 796S，雖然無得慳 $3.7，不過肯定有位，不論係座位定企位都係...
如果 296A/C 全線行直梯，真係大鑊....

清水灣半島既問題其實係更加大既，796X 即使延長都好，由環保大道行入去，
時間會同由坑口行返去分別不大，到時將軍澳廣場／中心一班本來地鐵站->購物->返屋企商戶多得佢唔少....
（可能益左東港城既=.=）。至於唔少客係由清水灣半島去市中心幾間學校返學，咁亦係麻煩...

因此呢個改動，對日出康城黎講多左條 796X 外，對全將軍澳南、清水灣半島來講，無好處...

ck38 :692 同 690 已經算好，起碼佢由上環縮去中環之後有得減 $2.6
路程相若既 305,336,930等等，仲係收緊太空價 $16
路程比690,692更短、路線縮短左既 934,935 連 $0.1 都無得減

我真係以為 934/935 係長過 690/692 架
934/935 始終係特快線咁，但係 690/692 真係唔係快線之外，仲要係慢到嘔，
所以我先會覺得佢減落 $11.1 ....

就算MTR點迫將軍澳咪又去迫...況且對比其他線已經算好~
796S根本無用武之地..
加上個人覺得大部份將南客對巴士好反感...亦認為鐵路點都比巴士快太多*
好明顯呢個舉動係想減車~


反建議我會覺得去九工..可能仲止到少少蝕~

檸少 :

ck38 :692 同 690 已經算好，起碼佢由上環縮去中環之後有得減 $2.6
路程相若既 305,336,930等等，仲係收緊太空價 $16
路程比690,692更短、路線縮短左既 934,935 連 $0.1 都無得減

我真係以為 934/935 係長過 690/692 架
934/935 始終係特快線咁，但係 690/692 真係唔係快線之外，仲要係慢到嘔，
所以我先會覺得佢減落 $11.1 ....

改上東廊咪得囉，講左咁多年都死性不改...
我相信如果今次692成功cut時間，下年一定有680、681、307 e類新市鎮過海線，因為大家e段時間e個方向載客量都係0-2%....

§※寂寞之子※§ :反建議我會覺得去九工..可能仲止到少少蝕~

九工 ? 九龍灣 ?

MAN A51 :

§※寂寞之子※§ :反建議我會覺得去九工..可能仲止到少少蝕~

九工 ? 九龍灣 ?

佢應該指九龍灣工業區 ~　

AVD1 :

MAN A51 :

§※寂寞之子※§ :反建議我會覺得去九工..可能仲止到少少蝕~

九工 ? 九龍灣 ?

佢應該指九龍灣工業區 ~　

我以為要延長到九龍工業學校=.=

98D@3ASV254 :改上東廊咪得囉，講左咁多年都死性不改...
我相信如果今次692成功cut時間，下年一定有680、681、307 e類新市鎮過海線，因為大家e段時間e個方向載客量都係0-2%....

307 早上繁忙時間係冇車返大埔既，因此唔存在 0-2%
680 理論上都唔會有可能 cut。由於有石門工業區、BU 等因素，682 早上繁忙時間入馬鞍山班次都唔會得 0-2% 呢個數字，
因此未免睇得 680 太淡
反而 681 可以 cut 時間機會會比上面兩條更甚....

講回正題，692 晚上十點後返將軍澳客量唔低，好多時候可以坐滿
（前年發生意外班巴士傷亡數字之高呢點雖然牽強，不過都可以證明夜晚往將軍澳係多人搭）
因此 cut 時間我贊成，不過應該要微調到係 cut 到中環開 14:00-23:40，坑口開 06:45-18:30 就可以了，
最多加開一班中環 07:30 特車...

特快呢，我都贊成，始終 603 同 681 係可以節省車數之餘受歡迎，
只要巴士公司將 692 特快，我一定相信佢有希望...

檸少 :

AVD1 :

MAN A51 :

§※寂寞之子※§ :反建議我會覺得去九工..可能仲止到少少蝕~

九工 ? 九龍灣 ?

佢應該指九龍灣工業區 ~　

我以為要延長到九龍工業學校=.=

我諗睇前文後理都好難 get 到會拉到去長沙灣呀...
另外就係新巴仲有條 796C 起度 ~ (雖然我都知板友個個 term 可能係難理解左小小) ~

AVD1 :

MAN A51 :

§※寂寞之子※§ :反建議我會覺得去九工..可能仲止到少少蝕~

九工 ? 九龍灣 ?

佢應該指九龍灣工業區 ~　

正解
除左呢個區...都好難搵到地方挽救客量~
除非你話兜山做學生客..