{討論} 柴灣區巴士定線

由 neoplan720P » 2011年4月9日 00:05:30 (p#2086331)

一直都想探討一下柴灣區特快巴士線的定線問題.
前幾天黃昏時間坐788往小西灣, 去到杏花邨時被一部同樣往小西灣的8P爬頭.

那就當然把握機會計時, 看看788可以比8P快多少到達小西灣.

怎料, 788由常安街轉返出去小西灣道的時候, 那部8P (還記得是6013)已經停在那燈口前了.

到最後在富景花園下車, 那部8P 半分鐘後就到了.

註: 我坐那部788以一般速度行車, 不是車手, 也非碌神, 但在工業區就停了兩支燈.

**********************************************************************
另一個case:

今日下午4點多同樣坐788往小西灣, 去到筲箕灣, 前面有部8X, 又再計算一下兩者的行車時間.

結果, 8X 差不多遲了15分鐘才到富景.

***********************************************************************
討論問題:
1. 788入小西灣係咪太慢?
如果上繁以外, 其餘時間不入常安街, 過翠灣後行永泰道入柴灣道小西灣道, 會否快些呢?
如果不會, 將788改為8P,789咁行又有無著數? (吸漁灣、樂軒台既客, 因為而家780上柴斜環翠對佢地來說實在太慢)
但咁樣改, 流失既小西灣客又會唔會多到得不償失?

起初我都無諗過原來8P同788回程竟然差唔多一樣時間, 希望之後仲要去小西灣既日子裡面, 可以再作研究, 睇下8P/789行法係咪真係同788咁入小西灣用差不多時間.

2. 之前有人討論過上下繁8X拆線既問題. 如果咁計法, 往小西灣方向又係咪應該好似8P/789咁行, 而唔係好似788咁直入小西灣? 至少吸多少少柴灣客, 對客量應該也有更多既保證.

最後, 以上講既野只係從2次既經驗所得出, 未必準確/可靠, 要靠其他板友既經驗及以後呢一個月坐多d 788累積返黎先再可以作更深入既討論.

歡迎討論

由 2110 » 2011年4月9日 01:41:56 (p#2086370)

788 改到好似 8P 咁都仲有一班支持者
龜鐵根本唔夠快 , 仲要左轉右轉
不過 , 比你改先算啦

由 *~BB Dragon » 2011年4月9日 07:50:55 (p#2086401)

你可唔可以講下架8P同你架788當時載左幾多人?
因為呢個同樣都係影響左佢地兩者的速度架...
8P兜柴東都咁快,可能只係該班車相對較小人又唔洗點食流水客
不過點都好,788改行柴東...
小西灣+漁灣居民,區議員唔會接受呢個方案...

8X 遲788咁多其實好正常,
8X呢段時間要食返學班學生客,又要照顧埋為數不少的流水客
所以客量其實都幾多下
我經常要係呢段時間坐8X返小西灣,所以略知一二
但要拆8X其實好難...
首先係要解決部分分分段過於屈機的問題

由 neoplan720P » 2011年4月9日 09:29:27 (p#2086410)

回天空之神兄:
我其實都知改788係無可能既事, 所以只係將今次見到既野拿出來講下, 研究下.

回嬰兒龍兄:
係杏花邨時既客量:
8P係坐滿+企幾個人;
我架788一定係坐滿 +企人, 但企幾多就唔知, 因為坐上層. 但未必去到頂閘, 因為架車從德輔道中轉出干諾道中時, 就唔知係邊到飛左架短豪出黎係前面清客. #good#

實際上今次既客量, 對這次車程有幾大影響, 係唔知的; 所以要再找機會研究一下.

反而想問返你作為柴灣區版友, 你平時既經驗係788快8P幾多入小西灣架? THX.

至於8X, 之前已經講左幾頁出黎 (係HKBF 黎講幾頁已經幾難得), 正如你所講, 個分段問題真係... [banghead]

如果係上、下繁加兩、三班特車又如何呢? 咁又應該跟8P定788行呢?

**************************************************************
同埋今次討論既目標, 係想可以點樣吸返樂軒台、漁灣往灣仔中環既客.
始終780要兜, 客量流失給地鐵是正常不過的事;
但其實那段柴灣道既潛在客量並不小.

由 530 » 2011年4月9日 15:31:44 (p#2086544)

788東行服務我覺得已經接近飽和, 尤其入夜後同假日, 係得上下繁中間四五個鐘叫做淨係坐滿窗口位
儲到咁多客全因為佢既穩定班次同速度, 加上改經柴灣會進一步蠶食780, 到時可能山上客成為受害者
由中環坐780去柴灣地鐵站一帶時間就算下繁只係25分鐘, 同地鐵仲有競爭力, 放工客志在有位坐既話我想慢一兩個字冇乜所謂
其實東廊去柴灣回旋處兜咁大個圈, 又要停一個站, 8P去到回旋處, 780可能都落緊斜路

由 Ku1062.118 » 2011年4月9日 16:49:29 (p#2086570)

住左小西灣6~7年,
一直以來,對小西灣既巴士服務都尚算滿意,尤其是788/789去程呢一類"超特快線"..
至於樓主個case,我覺得只係個別問題.
老老實實,就算788停哂工業區果幾盞燈,係正常情況下[除非8P個carlo真係勁飛]
8P同788可以同時到逹小西灣既機會,係微乎其微.

對於一個飽受8P劣質服務煎熬多年既人,我想係到分享下自己坐車既經驗.
每朝繁時,由總站前往天后,需時30~35分鐘.
同一時間,由總站坐788出中環,往往可以係25~30分鐘內完成.

點解坐8P會慢咁多?
問題並唔係出自東廊落橋,落橋塞橙位最多用5分鐘..
跟據小弟經驗,8P由總站至上東廊,需要大約15分鐘.
即係話,有差唔多一半既路程,係浪費係柴灣區內,
所以,我極之希望8P可以做到繁時拆線,
解決路線過長,以及尾站上唔到車既問題.

對於柴灣區巴士定線,我既意見係"以不變應萬變".
事關柴灣區路線已經十分完善,比唔少地區優越,
而且可以兼顧哂小西灣/柴東/柴斜既需求.
柴灣區有今時今日既路線,其實已經執到,
最緊要巴士公司可以keep住現時服務,再係必要時加班/開特車.
作為一個柴灣區居民,就已經好滿足..

由 Ku1062.118 » 2011年4月9日 17:05:16 (p#2086577)

530 :788東行服務我覺得已經接近飽和, 尤其入夜後同假日, 係得上下繁中間四五個鐘叫做淨係坐滿窗口位
儲到咁多客全因為佢既穩定班次同速度, 加上改經柴灣會進一步蠶食780, 到時可能山上客成為受害者
由中環坐780去柴灣地鐵站一帶時間就算下繁只係25分鐘, 同地鐵仲有競爭力, 放工客志在有位坐既話我想慢一兩個字冇乜所謂
其實東廊去柴灣回旋處兜咁大個圈, 又要停一個站, 8P去到回旋處, 780可能都落緊斜路

你諗清楚先好講,780下繁如果25分鐘可以去到東區醫院已經算勁好彩,可況係去柴鐵 =O)

實情係,8P去到回旋處果陣,780可能大潭道都未到 Z_Z

由新巴8號仔 » 2011年4月9日 18:15:05 (p#2086609)

Ku1062.118 :
530 :788東行服務我覺得已經接近飽和, 尤其入夜後同假日, 係得上下繁中間四五個鐘叫做淨係坐滿窗口位
儲到咁多客全因為佢既穩定班次同速度, 加上改經柴灣會進一步蠶食780, 到時可能山上客成為受害者
由中環坐780去柴灣地鐵站一帶時間就算下繁只係25分鐘, 同地鐵仲有競爭力, 放工客志在有位坐既話我想慢一兩個字冇乜所謂
其實東廊去柴灣回旋處兜咁大個圈, 又要停一個站, 8P去到回旋處, 780可能都落緊斜路

你諗清楚先好講,780下繁如果25分鐘可以去到東區醫院已經算勁好彩,可況係去柴鐵
實情係,8P去到回旋處果陣,780可能大潭道都未到

er......你真係咁認為？
因為由入境處上車，試過20分鐘可以到康民街
我覺得大會堂計起，25分鐘到東區醫院真的很正常
如果下繁塞車咁另計啦......

由 530 » 2011年4月9日 18:32:11 (p#2086638)

Ku1062.118 :你諗清楚先好講,780下繁如果25分鐘可以去到東區醫院已經算勁好彩,可況係去柴鐵
實情係,8P去到回旋處果陣,780可能大潭道都未到

我多數係總站坐去樂軒臺, 唔塞車其實35分鐘冇乜問題

由 *~BB Dragon » 2011年4月9日 18:58:00 (p#2086668)

neoplan720P :
回嬰兒龍兄:
係杏花邨時既客量:
8P係坐滿+企幾個人;
我架788一定係坐滿 +企人, 但企幾多就唔知, 因為坐上層. 但未必去到頂閘, 因為架車從德輔道中轉出干諾道中時, 就唔知係邊到飛左架短豪出黎係前面清客.

實際上今次既客量, 對這次車程有幾大影響, 係唔知的; 所以要再找機會研究一下.

反而想問返你作為柴灣區版友, 你平時既經驗係788快8P幾多入小西灣架? THX.

至於8X, 之前已經講左幾頁出黎 (係HKBF 黎講幾頁已經幾難得), 正如你所講, 個分段問題真係...
如果係上、下繁加兩、三班特車又如何呢? 咁又應該跟8P定788行呢?

**************************************************************
同埋今次討論既目標, 係想可以點樣吸返樂軒台、漁灣往灣仔中環既客.
始終780要兜, 客量流失給地鐵是正常不過的事;
但其實那段柴灣道既潛在客量並不小.

查實我好少搭788,
所以不便評論究竟788定8P快,
我只係有陣時係新街市個站見8P好少食流水客咁...
撇除788的飽和程度,
就算780係柴東幾少人show佢都好,
都係佢而家仲可以頂到15分鐘一班的原因
假若過到小西灣同漁灣過關,788食埋柴東
咁樣780只有走去行非繁30分鐘一班甚至要兜埋筲箕灣去止蝕的路
事實話比我地聽,780非繁客量只係得10-20個左右...
如果連柴東都無埋...
條780真係等比人cut...

由 530 » 2011年4月9日 19:22:57 (p#2086690)

*~BB Dragon :撇除788的飽和程度,
就算780係柴東幾少人show佢都好...

我起初誤會左樓主講緊788好似789咁東行先兜柴灣, 所以齋講東行
西行788早就飽和左, 基本上平日只係2點過後至下繁前三兩個鐘, 同入夜後少人點, 其餘時間以至假日全日都係坐滿, 甩少少班都企滿
加上788同789呢一孖兄弟好難話一條改一條唔改, 而家既走線又可以避開春秋二祭前後既塞車
8X車又唔係多都冇乜本錢講分拆
而家柴灣線分工已經好好, 既然地鐵唔打算踩入小西灣, 維持原狀就最理想

由 va53 » 2011年4月9日 19:39:24 (p#2086699)

現時柴灣去中環路線分工基本去到盡的了,改埋788入柴東只係破壞呢個平衡

Ku1062.118 :你諗清楚先好講,780下繁如果25分鐘可以去到東區醫院已經算勁好彩,可況係去柴鐵
實情係,8P去到回旋處果陣,780可能大潭道都未到

如果780唔系岩岩撞正阿公岩道,鯉魚門公園兩次紅燈既話,去到大潭道絕非奇事.

去中環/金鐘:
小西灣: 788/789
柴斜 : 780

去灣仔:
柴東: 8P
柴西: 8

過海:
柴東 : (繁時)118P
柴東西 : 118 + N118

格硬黎既話 : 鰂魚涌/太古
柴東 : 82x
柴西 : 81/82

提出分拆8x既原因就系因為上述既組合冇8X同埋8XP [sosad]

但系東行咁計,維園$4.4 VS NWFB 8 $6.1 ...老人家唔行去網球場既真系8x算數.
去到港運城仲屈埋個$4.0 , 同82同價. (要再平請等85)

某程度上叫做新城合拼之前城記同新記鬥既籌碼
落完東廊果啲極平分段又吸曬流水客. 特快客做曬流水客做埋
如果拆左之後整到柴西班次疏左,價又貴左既話,冇乜著數. 唯有安於現狀

由 Ku1062.118 » 2011年4月9日 20:54:42 (p#2086750)

GM7811 - 834 @ N8x :
Ku1062.118 :你諗清楚先好講,780下繁如果25分鐘可以去到東區醫院已經算勁好彩,可況係去柴鐵
實情係,8P去到回旋處果陣,780可能大潭道都未到

如果780唔系岩岩撞正阿公岩道,鯉魚門公園兩次紅燈既話,去到大潭道絕非奇事.

問題係,樓上係講緊下繁..
如果樓上講非繁既話,我一定唔會打呢句野出嚟 #ng#

由 ck38 » 2011年4月9日 23:45:05 (p#2086913)

1. 788本身小西灣都有唔少客，行埋柴東會唔會負荷太多呢？
　但就算佢食得晒都好，柴西既朋友就真係多得你唔少
　我認同版友所講，依家個組合已經去到盡

2. 我覺得行樂軒台果邊其實唔係慢好多
　如果一邊順燈一邊唔順燈，結果唔會差好遠
　就好似我試過寶翠園上970X，同一時間有班973開，當我去到西隧口唔夠2分鐘，973已經到站

3. 8X拆線問題，以客源及路線班次黎講，我會考慮佢同8重組
　 8X改為不經柴西，8加經北角兼加班
　當然，會有人唔滿意8加經北角
　但如果8X分拆，柴西版都一定唔會密得去邊
　倒不如合併兩線去做一個較密班次，尤其繁時天后塞車位令經北角都唔會慢好多

會員	時間	評分	評語
buslegohh	2011年4月12日 15:49:17	+1
cz6686	2011年4月13日 23:54:38	+1

{討論} 柴灣區巴士定線

{討論} 柴灣區巴士定線

Re: {討論} 柴灣區巴士定線

Re: {討論} 柴灣區巴士定線

Re: {討論} 柴灣區巴士定線

Re: {討論} 柴灣區巴士定線

Re: {討論} 柴灣區巴士定線

Re: {討論} 柴灣區巴士定線

Re: {討論} 柴灣區巴士定線

Re: {討論} 柴灣區巴士定線

Re: {討論} 柴灣區巴士定線

Re: {討論} 柴灣區巴士定線

Re: {討論} 柴灣區巴士定線

Re: {討論} 柴灣區巴士定線

Re: {討論} 柴灣區巴士定線

Re: {討論} 柴灣區巴士定線

誰在線上

關於我們