每逄春秋二祭，老圍路的交通流量均會大增
其中的士、私家車的數量更佔大多數

由於老圍路盡頭是掘頭路，交通流量增加會容易導致塞車問題
而車龍更可能影響石圍角路、二陂圳路一帶的交通

有見及此，本人建議限制老圍路出入的車輛及利用「泊車轉乘計劃」
以解決持續多年的塞車問題，詳情如下：

（一）限制老圍路出入的車輛

　　　現時警方大部份時間只是派員監察老圍路車流及疏導交通，
　　　真正執行封路措施則少之有少，惟此舉未能有效解決塞車問題。
　　　故建議限制老圍路出入車輛，除緊急、當地居民車輛、專線小巴、穿梭巴士外，
　　　所有車輛一律禁止駛入老圍路。

（二）泊車轉乘計劃（P&R）

　　　受影響私家車建議停泊於荃灣港鐵站多層停車場，再轉乘穿梭巴士 A 線前往。
　　　荃灣港鐵站多層停車場收費亦可調低收費，吸引私家車車主停泊。
　　　乘搭的士的乘客可於荃灣港鐵站或三棟屋路下車，再轉乘穿梭巴士 A/B 線前往。

　　　穿梭巴士 A 線（荃灣港鐵站多層停車場 - 圓玄學院）
　　　去程停東普陀、香海慈航、西方寺、圓玄學院
　　　回程停西方寺、鍾記士多、石圍角村、多層停車場

　　　穿梭巴士 B 線（三棟屋路 - 圓玄學院）
　　　去程停東普陀、香海慈航、西方寺、圓玄學院
　　　回程停西方寺、鍾記士多、三棟屋村北行巴士站

　　　三棟屋路北行左線將增設臨時的士站
　　　方便市民轉乘穿梭巴士 B 線

　　　多層停車場外居民巴士站將會遷至富華中心（吉野家）外
　　　以騰出空間設立穿梭巴士站

　　　穿梭巴士建議由大型旅遊巴士公司營運
　　　A 線派大巴約 20 輛，B 線大巴約 5 輛
　　　收費約 $4-$5
------------------------------------------------------------------------------------------------------

穿梭巴士能提高運載能力，不但能令老圍路車流減少，
解決塞車問題，而且能縮短市民等候小巴的時間，
減輕小巴的負擔，亦能減少對當地居民的影響。

歡迎討論及提出意見

尋日我去左圓玄學院, 係荃灣排隊等gmb81既時候, 有人走埋黎問我地,
如果e度有40座位既旅遊巴, 唔駛等, 不過貴$2, 你會唔會搭?
o個個人周圍問人, 未知出年會唔會真係開條咁既線,
但係我寧願要等都唔會俾多$2 lor, 一年一次, 塞車係意料之內

nathannc :尋日我去左圓玄學院, 係荃灣排隊等gmb81既時候, 有人走埋黎問我地,
如果e度有40座位既旅遊巴, 唔駛等, 不過貴$2, 你會唔會搭?
o個個人周圍問人, 未知出年會唔會真係開條咁既線,
但係我寧願要等都唔會俾多$2 lor, 一年一次, 塞車係意料之內

咁問似係白牌車釣客囉

btw $6 唔駛等的確抵搭，塞車的話搭的士起碼預 $50-60

講真用大巴上既話的確唔錯. 講緊載60人同16人既分別好大

愚問老圍路有沒有長度限制？
若有，是10米還是12米？謝！

無聊同志 :愚問老圍路有沒有長度限制？
若有，是10米還是12米？謝！

旅遊巴係上到既, 次次去親拜山都有旅遊巴載d咩團

nathannc :

無聊同志 :愚問老圍路有沒有長度限制？
若有，是10米還是12米？謝！

旅遊巴係上到既, 次次去親拜山都有旅遊巴載d咩團

星期日先見到幾部「石獅同鄉會」既旅遊巴

只不過要即捕即解，無得泊係度

多年前試過用旅遊巴上係OK的
不過唔知有無公司肯搞 同埋可能要收$5 - 6
石圍角路就塞一條線
unless有車打尖

但係我唔明, 點解九巴有32s都冇人搭?
因為要行? 定係冇人知有e條線?
年年見到都係空車遊街!

nathannc :但係我唔明, 點解九巴有32s都冇人搭?
因為要行? 定係冇人知有e條線?
年年見到都係空車遊街!

又未致於吉車遊街，但客量飄忽
一時頂閘，一時得十幾個客

32S 無人搭係因為只到東普陀
東普陀其實好近二陂圳路
來往荃灣大把選擇（紅綠小、32B、43X 等等）
搭得 32S 都係貪佢就腳，行少兩步咁囉

其實
如果81係做D好少少的話
一定冇咁多人搭的士上去
一定冇咁塞車

但實際情況係
依間公司做得唔算好
而且沿線交通情況一樣唔理想

如果真係想搞得掂
第一件事應該唔比的士上到頂

81都無辦法......平日頹到嘔，老圍本地人又行晒落山/推的士，得節日先爆，而且條路已經無得執
班人狂即捕即解都搞唔掂

6215 :如果真係想搞得掂
第一件事應該唔比的士上到頂

老圍路兩邊行人路都幾窄
未必應付到大量來自的士既人流 ...

要行大斜路上去
到頭來只會加重 81 負擔，條蛇餅只會更長

有資源去搞乜鬼老圍
不如搞掂荃灣其他路好過

一到春秋二祭..直程將佢封路去到東普陀..比32S+81一齊載班客好過~