六本木一丁目 :kayee12369 :經過多番版友、師兄所作出嘅回應同提醒＂細心諗過部份師兄所講嘅話言之有理，及後亦感覺到事實上我的確係有錯在先，難怪各位對我會有不滿嘅壞印象，正因我係新人、本來就要虛心接受你哋勸教~唔可以唔守bf規例＂更惶論去反駁＂就早前分別前後幾篇提問同回覆、深切道歉一句，尤其係受我言語衝撞果幾位版友致萬分歉意「ksba 雪兔兄 pc2872
Ku8654 等等版友...
另外多謝「koda kumi gzg50 狂徒兄 莫沙展 幾位嘅警醒＂就此，請您哋原諒我可能仲[del]須[/del]需要d時間去適應圈子上嘅討論模式[co＂盡力改善火星文嘅問題＂[del]不[/del]畢竟，諗真一層，能夠搵[del]睹[/del]到班志同道合嘅~都算係份難能可貴嘅收獲＂希望今後能夠喺一個和平，以禮相待既環境下輕鬆發表自己嘅睇法！多多指教
見你咁有誠意,訓唔著幫你執下d錯字改善下d火星文![[sosad]](https://hkbf.org/images/smilies/icon_sosad.gif "So Sad")
其實大家上下網交流下傾下計,我實在睇唔出有任何需要擺出一個高姿態黎對待新人.我相信大家黎呢到玩果陣都會有唔熟悉呢到環境嘅情況,不論五位數id會員又好,四位數id會員又好,其實都唔怕友善d黎對待新人,特別係專門嘅巴士論壇冇乜幾多個,難得係同一圈子嘅,點解唔寬容d黎迎接新人,幫佢地融入BF?當然新人亦應該要主動融入bf個文化,而唔係用被動嘅心態.
其實唔知係咪近年年資長嘅版友啲年齡開始大,入左社會大學之後開始有個觀念係社會只有輩份大嘅人先可以出聲,所以近年比較容易出現舊人用高姿態黎對待新人而產生磨擦嘅情況.當然社會輩份大嘅人先可以出聲呢個可能係事實,但係係網上世界係大家交流,紓發己見,係雙向有得著嘅地方,而唔係一個「長輩教精你」嘅地方,家長式語調用係網上我覺得只會令到瀏覽者產生負面情緒,無乜益處,所以我覺得就算你有咁上下處世又好,係BF有返咁上下年資都好,不妨多D以友善嘅語調發表自己嘅見解,大家互相交流,並有所得著
今次我覺得係雙方都有改善空間:
新板友最初擺出一個對板友提點愛理不理嘅態度,固然抵俾人鬧,希望呢位板友會有所改善.
舊板友我見有d係採取一係唔理,一係就要插到人上天花板嘅態度,我真係唔見得呢個係好方法,更加係好有攤凍黎食,好似特登要搵個新板友黎殺一儆百嘅感覺
GZG50 :樓上所言請恕我唔能夠全部認同
首先，舊人何以高姿態對待新人？其實我覺得該新板友係呢度已經叫賺o左，佢自己講錯o野後仲有咁多人教返佢去行正確的路，咁樣何以高姿態？我認為如果班舊人真係要擺出高姿態對待新人的話，我相信好多新人早就被檢舉甚至因而停板
其實同當年"老闆"壇主的管治相比，依家BF停板的人數真係少o左好多，新人係呢度的生存空間已經比以前大
另一角度諗，舊人一樣可以食住花生等睇戲睇住班新人點樣犯板規受處分，但呢樣又係未論壇甚至社會應有的風氣呢？
同板大講嘅一樣,鬧係教嘅一種方式,但係對住一個新人用鬧嘅方式黎教我又唔見得係網上有呢個必要.出黎做野做新仔梗係預左要比人問候全家黎點醒,但係上網都要用咁嘅方式黎上網,我覺得似乎只係鬧果個人想對住新人擺個高姿態出黎.
我自己就係咁嘅見解,呢個post我想大家開心見誠咁檢討下新板友和舊板友應如何融洽相處,welcome discuss
咁有d「同理心」話：呀唔好意思呀，我都知道呢新人就目中無人，唔知道呢自己響人地面前無料扮四條先俾人鬧嘅姐，唔好意思呀......不過呢你都有做錯嘅，再唔聽話，版主大打打嫁? 
