末日預言耐唔耐就會出現, 每到一段時間就總會有一D人走出嚟,
話幾時幾時就世界末日, 全人類到時會滅亡世界會毀滅呢D諸如此類嘅所謂預言,
最近有個年近九十嘅老人家就話今日 5 月 21 日就係 Judgment Day 啦,
結果呢?!!

呢個叫 Harold Camping, 或者中譯康平嘅 89 歲老人家,
佢本身就係美國呢度一個名叫 Family Radio 嘅基督教電台創辦人,
佢喺十幾年前已經預言 1994 年係世界末日, 結果佢嘅 "預言" 亦不攻自破,
估唔到十幾年之後嘅今日, 佢又重施故技, 又話今日係世界末日,
仲話係聖經講嘅, 佢上次 94 年又話係聖經講嘅,
上次 "預言" 失敗佢就話係解讀聖經密碼計錯數,
咁唔知佢今次又會有乜野籍口呢? 不過我會建議佢唔好再出來見人,
比我係佢, 我真係怕會比人算賑, 兩次 "預言" 都中空寶, 真係比我就著草走人啦!
成九十歲老人家, 得罪講句你都就嚟入棺材啦, 仲做埋D咁嘅野, 咒全人類死, 因住天罰呀!!

不過呢次 "預言" 亦令我感受到佢同佢D追隨者嘅果種壓迫感,
原因係佢地除左喺各地廣告板同巴士站上廣告 "警告" 世人之外,
亦有人喺街度派傳單, 仲喺身上掛住大牌子或者身上著住 "May 21st Judgment Day" 嘅T恤,
向路人宣佈世界末日已經迫在眉睫, 喺前兩日星期四佢地嘅人數仲多左添,
講真我對呢D野已經覺得好煩, 就喺我經過嘅時候, 佢地其中一個就隊左一張俾我,
我接過之後, 二話不說就喺佢地面前當眾撕爛張傳單再隨手掉落垃圾桶,
跟住我問佢: "點解你地要咁做?! 你地已經唔係第一次做呢D野, 隔一段時間就咁做!
上次你地D人夠話 1999 年就世界末日啦, 咁今年幾多年呀?! 2011 年我地依家仲喺度呀!!!"
我唔知果D友係查左面朦膏定係乜, 佢地冇答我, 不過算, 我亦唔期望佢地會答到我

講真, 我相信呢D友話唔定真係因為咁賣哂自己D家產, 有工嘅劈炮唔撈,
甚至不惜花費自己D身家四圍上廣告又印宣傳單張, 四圍幫果條老坑宣傳,
我真係想喺當時問埋佢地: 假如 5.21 過左, 乜事都冇,
你地冇錢又冇屋企咁點算? 我見果D派傳單嘅 "打手",
當中有個仲有細路, 仲係要坐緊 BB 車咋!

所以, 末日預言? 唔好再信呢D妖言惑眾危言聳聽嘅野啦,
2012? 你係睇呢套戲睇到上哂腦呀呀哥, 呀姐!!

以上言論純粹抒發己見, 如有得罪或冒犯, 請見諒

佢之前去 YouTube 賣廣告話尋日係 Judgement Day 嘛
仲要翻譯左唔同語言版本，就算唔信都好都覺得呢個廣告極度滋擾囉

美國佬為左佢地既信仰，真係乜都做得出，爭在佢地尚未進行集體自殺而已...

檸少 :佢之前去 YouTube 賣廣告話尋日係 Judgement Day 嘛
仲要翻譯左唔同語言版本，就算唔信都好都覺得呢個廣告極度滋擾囉

美國佬為左佢地既信仰，真係乜都做得出，爭在佢地尚未進行集體自殺而已...

試過啦, 97 年已經有一單喺我地屋企附近發生,
有一 Group 幾十人因為相信果日有 UFO 來襲, 世界會滅亡,
而個 UFO 就會載佢地上天堂,
結果成 Group 人喺一間屋入面集體自殺,
我地呢區報纸仲上埋頭版添,
所以信教真係千祈唔好信到上哂腦, 否則好易 "撞邪"!!

好地地一個基督教
搞到好似武俠片入面d邪教咁款
真係不敢恭維

傳教唔該好似人地搞果d蘇哥和你有個約會之類有意義既野啦..
搞咩野唔信就落地獄之類既野 又話咩末日

真係世界變

聖經話

那日子，那時辰，沒有人知道，連天上的使者也不知道，子也不知道，惟獨父知道。（馬太福音 24:36）

我作為一個基督徒，都覺得呢d所謂預言好荒謬。

樓主你唔係唔知美國係多呢di野
有好多"牧師"上埋電視做埋di唔知咩見證show
我就算係香港都聽都聽唔少
講真呢di野我都係一笑置之
或者當笑話聽就算

P.S.1999年世界末日唔係關聖經事, 係一個叫諾查丹瑪斯既人寫既一篇"預言詩"
話個年會有"恐怖大王"降臨, 而且某人覺得佢係指2001年既911事件

不過我都係覺得佢既詩似係自圓其說多

其他宗教如佛教、伊斯蘭教都唔多會有呢d世界末日的預言，係基督教先鐘意呢d預言

GZG50 :其他宗教如佛教、伊斯蘭教都唔多會有呢d世界末日的預言，係基督教先鐘意呢d預言

基 督 教 太 多 分 枝 ， 人 人 以 唔 同 方 式 解 讀 聖 經

地方情報屋的日向博臣 :樓主你唔係唔知美國係多呢di野
有好多"牧師"上埋電視做埋di唔知咩見證show
我就算係香港都聽都聽唔少
講真呢di野我都係一笑置之
或者當笑話聽就算

P.S.1999年世界末日唔係關聖經事, 係一個叫諾查丹瑪斯既人寫既一篇"預言詩"
話個年會有"恐怖大王"降臨, 而且某人覺得佢係指2001年既911事件

不過我都係覺得佢既詩似係自圓其說多

唔理關唔關聖經事, 講到底都係有人借一D野出嚟妖言惑眾啦,
我只係是但講一年出嚟拋佢地鬧爆佢地之嘛,
聽講果陣都有人貼街招同喺D電燈柱度掛 Sign, 不過我果陣留意唔到,
只係今次呢班友激D, 連巴士站D廣告位同公路旁邊D大型廣告板都侵佔埋,
睇下呢一兩日又影唔影得番佢地先

Facebook 相


認住呢條老野嘅真面目啦,
仲有佢果個乜野 Family Radio 唔該就順便摺埋好啦,
Facebook 有D朋友仔本身係基督徒都鬧呢條老野白痴,
"He s giving other christains a bad name!"

中環(香港鐵路站)總站. :

GZG50 :其他宗教如佛教、伊斯蘭教都唔多會有呢d世界末日的預言，係基督教先鐘意呢d預言

基 督 教 太 多 分 枝 ， 人 人 以 唔 同 方 式 解 讀 聖 經

其實聖經係話唔會有人知係幾時，只有「耶和華」先知...
係唔知點解成日有人「耶和華」上身o係度預言乜預言物

耶徒耶上腦嘅後果......其實香港一樣好多呢種人......

va53 :耶徒耶上腦嘅後果......其實香港一樣好多呢種人......

可能因為佢地覺得基督教已經統領o左世界的宗教，所以佢地覺得可以預言一切

e...話時話個老野已經潛水兩日啦播，美國政府做野未?

檸少 :e...話時話個老野已經潛水兩日啦播，美國政府做野未?

呢條老坑終於又現身啦!! 佢話佢都覺得好驚訝喎,
明明應該到時到候發生點解竟然乜事都冇喎, 仲以為自己會被選中上硬天堂喎 Blah blah blah~

"But now I have nothing else to say, I'll be back to work Monday and will say more then."

我睇下今次你又有乜解釋!

http://www.ctpost.com/national/article/ ... 391486.php




仲有呢條老野 (著住白褸拎住聖經睇住錶對時果個) 又係一個寫照呀~

http://www.nypost.com/p/news/local/what ... &FEEDNAME=

"I do not understand why ...I do not understand why nothing has happened."

呢個退休紐約捷運工人唔只信果條 Camping 講嘅野信到十足,
仲癲到自掏身家 14 萬美金喺全紐約市巴士站地鐵站賣廣告宣傳,
時間到左竟然乜事都冇, 老野, Come on, don't make people laugh!
你竟然咁捨得掟咁多錢出嚟幫條老坑咁落力宣傳,
D錢唔要不如你捐去比D慈善機構, 臨終積德,
又或者比哂我洗都好過益D廣告公司吖!!

今次相信度對比2000年或之前高.......今次521之前的而且確世界各地多次發生不同程度的地震/海嘯/龍捲風等等...~
519定520新聞還說日本以東海底板塊向南2x米......~