跟據運輸處既資料，NR901由天水圍開出既時間分別係

翠湖開:0720,0800
樂湖開:0730,0750,0810,0830，當中0730同0810又打*話係翠湖開，

相關pdf:
http://www.td.gov.hk/filemanager/tc/con ... /nr901.pdf

想問一問呢六班車每朝大約幾點到麗湖(美湖對面)分站？行車時間大約要幾耐？幾錢？係咪人人都上得車？同埋麗湖難唔難上車？

THZ~

HU7527 :幾錢？
THZ~

$12.3
http://hkbus.wikia.com/wiki/%E5%B1%85%E6%B0%91%E5%B7%B4%E5%A3%ABNR901%E7%B7%9A

翠湖開既會經樂湖
運輸署個網 d 班次不嬲都唔準，印象中好似淨返美湖一班同翠湖一班，其實站牌都會 list 曬 d 時間

一般係五分後到麗湖

KS2234 :翠湖開既會經樂湖
運輸署個網 d 班次不嬲都唔準，印象中好似淨返美湖一班同翠湖一班，其實站牌都會 list 曬 d 時間

無錯, 竟然 香港巴士大典個班次仲準過運輸署. 似傢得番兩班車架咋. 你落街望下就會有時間表, 再唔係可以去管理處攞份UPDATE既.

美湖開果班, 07:40開出, 唔駛1分鐘就出到麗湖, 要好早少少去到. 因為今個月係 豐哥 渣既VOLVO, 佢手車出名快. (最慘佢部車個鐘仲快 =.=") 預早好過預遲.
翠湖開果班, 08:00開出, 由於去完樂湖先返麗湖, 要10分鐘左右. 未搭過呢班車, 所以無詳情覆你.

車程大約30分鐘. (本人覺得呢條線同搭269M/265M分別唔大, 除左停少個大欖之外 =.=" ) 係快少少少少既.

係人都上得車, 唔一定要居民, 因為佢根本唔會CHECK證, 比現金或八達通都得.
一D都唔難搭, 你見佢班次CUT到咁都知無乜人搭. 一定有位坐, 放心.

P.S. 比多少少TIPS你, 如果有一朝, 港鐡有意外等等, 冠忠係會加車行的. 如果你真係等左好耐都無車, 又或者班車黎到但係爆晒上唔到的話, 而如果你個站仲有大把人等緊同一條線, 你打去冠忠, 有時會有特別車開出黎的.


唔明再問吧, 睇下聽朝見唔見到你 ^^

ThatsWhy..

ThatsWhy :P.S. 比多少少TIPS你, 如果有一朝, 港鐡有意外等等, 冠忠係會加車行的. 如果你真係等左好耐都無車, 又或者班車黎到但係爆晒上唔到的話, 而如果你個站仲有大把人等緊同一條線, 你打去冠忠, 有時會有特別車開出黎的.


唔明再問吧, 睇下聽朝見唔見到你 ^^

ThatsWhy..

你講起加車呢樣，我係度諗緊其實佢會唔會用對講機直接call返總站派多架車或者下班出3+2車行...
因為有d NR線會係咁做

NA :

ThatsWhy :P.S. 比多少少TIPS你, 如果有一朝, 港鐡有意外等等, 冠忠係會加車行的. 如果你真係等左好耐都無車, 又或者班車黎到但係爆晒上唔到的話, 而如果你個站仲有大把人等緊同一條線, 你打去冠忠, 有時會有特別車開出黎的.


唔明再問吧, 睇下聽朝見唔見到你 ^^

ThatsWhy..

你講起加車呢樣，我係度諗緊其實佢會唔會用對講機直接call返總站派多架車或者下班出3+2車行...
因為有d NR線會係咁做

CALL返總站會, 我眼見好似得美湖有站長當值, 而佢又有對講機的, 我估多數係美湖做HOST.

另外, 下班車出3+2就唔會, 因為D司機FIX左車的, 所以好難中途換車.

但係, 因為觀塘線多左人搭, 所以我以前搭開果班2+2, 早兩個月開始換左3+2行, 到依傢都係 =.="

話時話, 果部ISUZU 2+2好似去左行08:00荃灣車, 有冇版友搭呢班車既幫我睇下. ^^


唔記得講, 嘉湖線既HOTLINE, 係有別於冠忠平時既HOTLINE的, 打去冠忠無人識答你架.

ThatsWhy..