教師叫學生打學生
不識四個字摑廿巴
今年在紅磡一間小學讀小二的 7歲男童豪仔（化名），一年前開始在頂峰補習中心位於紅磡漆咸道北的分校補習，每天放學後由下午 4時補習至晚上 6、 7時，其間會完成功課，由補習老師核對及溫習。本月 14日晚上 7時許，豪仔在補習社致電母親許小姐，許小姐察覺豪仔聲音有異，追問下他始透露「俾人打面」。
被打學生：唔敢再去補習
許小姐趕到補習社，見豪仔面部紅腫，即時向其 21歲、姓葉的補習老師追問究竟，「起初佢咩都唔認，之後話自己好細力打過（佢嘅）手，最後先話係叫一個學生打，但強調唔係打面，好唔誠實」。許小姐質問對方為何指示學生打學生，「佢話同我個仔講過，英文默書一個字唔識打五下，但默書唔識都唔使打人啩，仲要叫其他同學打，教壞埋其他學生」。許小姐於當晚報警，翌日再向教育局報告，並揭發該分校並無註冊。
記者昨日訪問被打的豪仔，身形瘦弱的他表示，因為當日默書時，一個段落中有四個生字未能默出，結果被人摑了 20巴掌，「個男仔五、六年級，好高、好大力」，他不敢反抗。問他會否害怕再去補習社，他說：「 Miss好惡，好驚，唔敢再去補習。」
頂峰補習中心負責人萬小姐昨以電話回應記者提問，指知道學生與老師之間有誤會，解釋因老師教學心切，用了錯誤方法，強調老師並無打學生，「係老師畀咗錯誤指示另一個同學，令佢哋有肢體碰撞」，但對於學生投訴被摑面，她表示「冇人睇到」。校方已即時解僱涉事老師，之後會加強提醒員工留意言行。警方發言人回應指，事件無人受傷，列糾紛案處理。教育局證實收到有關投訴，會作出適當跟進。
違操守「體罰學生犯天條」
教師體罰學生屬刑事罪，有研究體罰的莊耀洸律師表示，案中女教師命令學生打學生，雖非親自動手，但刑事罪列明促使或協助他人犯罪，同樣有罪。教育條例有關體罰的罰則於 04年撤銷，干犯體罰會被控以普通襲擊罪，最高可被判監禁一年。
教育人員專業操守議會主席韓連山表示，若家長投訴屬實，該教師已違反操守，家長可向該會投訴，「任可情況下都唔能夠體罰學生，佢犯下天條，仲係教唆學生去打學生，等佢哋學識精人出口、笨人出手，係要不得」。他指補習教師良莠不齊，教育局疏於監管補習社，家長需小心選擇。
津貼小學議會主席張勇邦表示，該補習教師同時傷害兩名學生，絕對不能接受，「搵人做劊子手，對打人嗰個心理會有影響，當咗自己操生殺大權」。
http://hk.apple.nextmedia.com/template/ ... d=15621379
我記我細個個陣打學生的補習社比好多家長當神咁拜，因為希望他日個仔/女會聽話讀書，而家原來呢類補習社會上頭條，呢個世界真係變囉！唔知d細路第日係公司開會同同事/判頭有口角係未又要上頭條？係街比人撞親個頭又上頭條？搵唔到工又上頭條？
而家d傳媒真係冇新聞到咁？
![[sosad]](https://hkbf.org/images/smilies/icon_sosad.gif "So Sad"){kind=icon}
}
