建議因由：
由於近半年運輸部門於九龍城迴旋處進行左重劃行車路線工程後，東行經常出現嚴重塞車，
馬頭涌道每日繁忙時間，甚至係假日全日可以塞返去家計會，試過乘搭個別巴士更可能要用 20 分鐘先能夠埋晒站球場同豪東方酒店兩個站，
而亞皆老街亦間中出現塞車。

實際上，多數停富豪東方酒店既路線都可能有超過一條前往相同目的地，
因此作出呢項建議，將部分巴士推上各條天橋，可以令部分乘客得到更快捷的旅程。
由於機場已經搬走 13 年，此組車站之重要性其實已經減低了，因此作出今次大規模重整建議。

同時，此建議亦會將個別路線大規模快速化，更加方便乘客。

肯定不適用路線：
(1) 11K、12A、75X、85、85A、85B，以上六條路線因為屬於馬頭涌道直接轉入太子道西，因此無法使用。
(2) 因涉及一間酒店，因此 A22 不會納入今次重組範圍之內。
(3) 因涉及何文田及屯門地區巴士服務獨特性，17 及 61X 不會納入今次重組。

建議內容（根據各路線主力服務範圍性質計算）：
(1) 秀茂坪路線（1A、11X、13D）
－1A 因應下文所述 14、15、16 之改動，增設轉乘。
－13D 因為經過的牛頭角道沒有替補路線，因此亦保留行下路
－11X 改為循環特快，於家計會車站後，經馬頭涌道天橋、太子道東、觀塘繞道、將軍澳道、秀茂坪道、曉光街、上秀茂坪總站後，經原先往紅磡車站，
　此舉可以減省最少 2-3 部用車之外，亦可令到紅磡、土瓜灣及馬頭圍一帶有真正快車前往秀茂坪
　（要知道 11X 離開觀塘繞道後前往和樂村車站，所途徑之道路多為塞車熱點，其實快唔得過 1A 好多）。
　為左令秀茂坪開車時間不變，早上繁忙時間設特別班次由上秀茂坪開出往紅磡車站。實則運作我會以各位的反應後作為回覆。
　（平均減少車流為 4-5 部車／小時）

(2) 樂華路線（2A、28）
－2A 維持現有路線
－28 改為快速線（並唔係特快），建議於天光道‎站後，經馬頭涌道天橋、太子道東前往樂華，取消車站為亞皆老街球場、富豪東方酒店及譽港灣。
　由於 28 往尖沙咀之路線經啟德隧道，因此只會影響單向（平均減少車流為 4-8 部車／小時）
　受影響乘客可改乘 5（尖沙咀->九龍城）／2A（九龍城->樂華） 號線

(3) 鑽石山／慈雲山／富山路線（3B、5、5C、11、116、203E、E23）
－3B、5、11、E23 維持現有路線
－因應多年慈雲山地區人士要求開快線，建議用 5C 修改為特快線。
　往尖沙咀方向，於寧遠街站後，改經太子道東天橋、亞皆老街（中途不停站）、公主道、漆咸道北後返回原線，
　中途宋皇臺公園至紅磡鐵路站間所有車站取消，增停香港理工大學站。
　往慈雲山方向，於紅磡南道站後，改經暢通道、溫斯勞街、隧道、漆咸道北、東九龍走廊、宋皇臺道出口、馬頭涌道天橋、太子道東天橋、彩虹道前往慈雲山，
　取消車站為機利士南路起至伍華中學之間各站，並於王仲銘中學增設補償分站。
　預計因行車時間加快，能夠吸引慈雲山乘客情況下，班次及服務時間並不需要作出改變，
　用車可以減少 2-3 部，亦令下路平均減少車流為 5-15 部車／小時。受影響乘客可以改搭 3B、5 或 E23。
－203E 改為快速路線，往九龍站，建議於寧遠街站後，改經太子道東天橋、亞皆老街後返回原線，受影響乘客可改乘 9 或 11。
　往彩虹，於眼科醫院站後，改經亞皆老街、太子道東天橋、彩虹道。（平均減少車流為 4-6 部車／小時）
－E23 往慈雲山方向增設黃埔花園總站->慈雲山南 $4.4 之分段收費
－因應 106、106P、111 及 111P 改道，116 增設轉乘優惠，請見下文

(4) 經大坑東之路線（6D、40）
－6D 線維持不變。
－40 因應 796C 提升為特快，故提出有路線改動，請留意下面將軍澳段。

(5) 坪石路線（9、111、111P）
－9 維持現有路線
－111 改為快速，往上環方向，於寧遠街站後，改經太子道東天橋、馬頭涌道，取消富豪東方酒店一個車站；
　往坪石方向，於馬頭圍邨洋葵樓站後，改經天橋、彩虹道後返回原線，取消亞皆老街球場、富豪東方酒店、天主教伍華中學之車站，
　受影響乘客，可改乘路線 101。（平均減少車流為 4-20 部車／小時）
－111P 改為半快線，於彩德邨彩仁樓站後，改經坪石總站、天橋、太子道東、天橋、馬頭涌道後返回原線，
　增設坪石總站一站，並取消彩虹邨丹鳳樓至富豪東方酒店間各站，受影響乘客可改乘 9 特別班次，及 111 原有班次

(6) 觀塘／藍田／油塘路線（涉及經九龍城路線 11B、11D、14、15、16、40、101，及非九龍城線 14B、15A、16M）
－11B、11D、101 維持現有路線
－14、15、16 將回復數十年前的「半直通路線」角色，三條路線全數上橋，並取消彩頤花園至木廠街（14/15）／香港眼科醫院（16）之間各站（不包頭尾）。
　三線增設與 1A 及 296C 之轉乘，往藍田方向轉車站為觀塘市中心，而為方便轉乘 14 往油塘，觀塘市中心之車站建議與 11B 對調。
　西行轉車站則設於九龍灣站。
－由於 2A 及 6D 線目前是有轉乘 14、15、16 之優惠，因此此組轉乘增加路線組合，
　分別為 14<->40（取代原 14<->6D）、15A/16M<->40（取代原 15<->6D）、14B<->6D（取代原 16<->6D）。

(7) 啟業／九龍灣路線（5D、24、107）
－5D 往德福花園方向，改經天橋前往。受影響乘客可乘搭 24、107
－24 及 107 維持現有路線

(8) 順利／順天路線（26、27、42）
－由於 42 另一邊總站青衣並無替補，此兩線無法修改
－26 改經馬頭涌道天橋、太子道東、天橋、新清水灣道來往順利，太子道東所有車站取消
－因應多條路線改道後有機會減少用車，27 可獲增加一部巴士行走，提升最密班次為 4 分鐘一班（只要佢唔拖卡）

(9) 馬鞍山路線（85C、85S、85X）
－此組路線修改從略，基本上囉返今年年頭沙田區 RDP 已經可以知道我想點改。

(10) 將軍澳路線（涉及經九龍城路線 93K、95、98C、98S、296C、297、796C、796X，及 40、298E）
－95 因為作 11X 之替補，796X 因為日出康城獨市之關係，此兩線無法修改
－93K 與 298E 互調總站，方便 98C、98S 改為正式特快。
　往坑口站方向，於英明苑後，改停欣明苑、景林邨、厚德邨及厚德商場站，前往坑口站。
　往旺角東站方向，停厚德邨、景林邨站後，兜入寶琳總站，再返回原線。
　298E 延長後行走路線至新寶成後，跟 A29 路線至寶林；往工業邨方向，則以 A29 路線行駛至煜明苑後返回原線。
－98C、98S 及 796C 正式提升為特快，三線往旺角方向，於離開觀塘繞道後不停站，只停雅麗居‎站，再經天橋，最後停太平道後各站。
　往將軍澳方向，於旺角道站後，加設水務局站，轉入亞皆老街後經天橋，其後只停香港眼科醫院站，再經天橋直往觀塘繞道後返回原有路線。
　（三線平均減少車流為 12-24 部車／小時）
－因應 796C 改為特快後來往海麗至九龍城之需要，路線 40 大幅改道服務四小龍區域。
　往觀塘方向，於美孚鐵路站後，經荔枝角道、大南西街、青山道後返回原有路線，並增設「大南西街‎」車站。原有通州西街‎車站取消。
　亦因此，40 增設一項分段：大南西街→麗港城 $4.60。
　往荃灣方向，於營盤街‎站後，改經青山道、東京街、東京街西、深旺道及月輪街，
　並增設長沙灣站、富昌邨、東京街西、海麗商場（即 A21 之車站）後，返回美孚站及其後沿線各站。原有車站永隆街‎、元洲商場、長沙灣徑‎取消。
　此線加設一現金雙向分段：彩頤花園<->海麗商場 $5.20。
－因應 98C、98S 提升為特快，路線 296C 增設與 98A 之轉乘優惠，乘客於觀塘市中心站可由 296C 免費轉乘 98A。
－297 線維持不變。

(11) 過海路線（涉及經九龍城路線 106、106P、116、及新巴 2X、8、8P）
－106 及 106P 線，往黃大仙方向，於欣榮花園站後，經馬頭涌道、天橋直往彩虹道；
　106 往小西灣方向，於寧遠街後，經天橋、馬頭涌道後，轉入木廠街後返回原有路線。
　（兩線平均減少車流為 10-20 部車／小時）
－因應 106 改道，亦有唔少朋友承認佢地唔會搭足全程 106 來往九龍城及小西灣，
　考慮到 118 目前多數班次飽和，與及 606 服務時間至晚上八點不宜向東轉乘，
　與及實則乘客需要，建議增加 116<->2X、8、8P 之轉乘優惠，往東區方向減收 $3.9（2X）／$4.8（8/8P），轉車站為崇光百貨；
　往九龍方向亦為減收 $3.9（2X）／$4.8（8/8P），轉車站為中央圖書館。（總收費 $11.0，是以目前九巴過海特快線 603 收費作參考）

以上純粹奇想，係預左有人插，但當中之概念其實係有助各區路線有更優質的服務，歡迎大家提供更充實之意見。

11X方面，早上是有很多人從土瓜灣上車在成業街公園站下車番工，同有學生會上車番學，取消此站是不可能的

40方面，兜去東京街只會令車程越來越長，一定會有人反對。同埋美孚分段去麗港城5個7，而家長沙灣分段去麗港城平成1蚊？！

74A :11X方面，早上是有很多人從土瓜灣上車在成業街公園站下車番工，同有學生會上車番學，取消此站是不可能的

40方面，兜去東京街只會令車程越來越長，一定會有人反對。同埋美孚分段去麗港城5個7，而家長沙灣分段去麗港城平成1蚊？！

11X
－從土瓜灣上車在成業街公園站下車番工，呢個問題可透過增設 15 轉乘尚有剩餘載客能力之 11D、40 及 74A 解決。
－返學問題，由於目前模式為循環線，因此佢地有可能因為改用將軍澳道上左秀茂坪而快左。反而麗港城內只有一間特殊學校，
　取消此站對學生影響可以話係 0。
　麗港城乘客前往秀茂坪上學，請使用 93A。

40
－如果往荃灣方向跟 6C 路線咁去美孚，會唔會有問題？
－收到 $4.6 純粹係因為避免地區團體有反彈能力，我都想收返 $5.7，只係因為對地區團體，好難說服先用價錢黎對佢地。
　當然如果大家認為大南西街去麗港城收 $5.7 仍然有吸引力，係可以唔減。

九龍城迴旋處塞車係因為龍崗道個出口啫...
封番果個位個出口咪得囉

JRFANS :九龍城迴旋處塞車係因為龍崗道個出口啫...
封番果個位個出口咪得囉

咁唔係一個好既解決辦法，始終呢個路口咁塞得，肯定係有需求啦...

至於搞 D 巴士線都係趁機整理一下咁解

JRFANS :九龍城迴旋處塞車係因為龍崗道個出口啫...
封番果個位個出口咪得囉

請先清拆九龍城街市
陣間塞聯合道仲大镬..

問心一句
坐得5D就真係唔會咁care上橋與否
但係24上橋又會畀人話不負社會責任..

int[] :問心一句
坐得5D就真係唔會咁care上橋與否
但係24上橋又會畀人話不負社會責任..

24 上橋唔會唔得
－目前 24 班次班次為 14-25 分鐘一班，比較少人真係搭返去啟業
－由於啟業天橋已經加裝電梯，唔少人都會選擇用太子道東路線前往啟業，如果同樣收 $4.6 既，
　仲有 9（麗晶，勉強可以行到去）、11B、11D。
－以多數見車就上既乘客黎計，佢地比 $5.7 搭 107 既比率係唔少

社會責任，我從來唔會作為最大考慮............

首先搭單講少少野
我建議 11K,12A,75X,85系 唔停球場個站
因為前後兩個站算近、客量唔多，我相信家計會同太子道西個站可以取代大部份客

＊＊＊＊＊

個別路線只係停少一兩個站，我相信在大部份唔塞車時間只係快少少
但尤其無其他取代路線既乘客，對佢地會有較大影響
例如 14,15,16
反而我會諗可唔可以繁時開幾班半直通

另外，繁時灣仔等101/111可能要等幾班車先上到，如果111飛富豪東方，我會擔心呢班客更難上車

至於11X 改為循環特快，我就唔太支持
因為對於紅磡往成業街及協和街既客有較大影響

至於5C改為特快線，我理解慈雲山<>尖沙咀車程較慢
但本身5C要服務鳳凰新村<>紅磡及尖沙咀<>土瓜灣，而客量亦不少
我相信好難單單改5C

反而 28 我覺得可以考慮行天橋

106 根本連九龍城都唔應該入
送哂 D 客比 116 好過
太古以東根本冇咩人同你慢碌去黃大仙

另一氣就係 101 , 明知同 111 咁多位重疊都唔執就真係唔得

檸少 :

JRFANS :九龍城迴旋處塞車係因為龍崗道個出口啫...
封番果個位個出口咪得囉

咁唔係一個好既解決辦法，始終呢個路口咁塞得，肯定係有需求啦...

至於搞 D 巴士線都係趁機整理一下咁解

整理一下應該問題不大
但要睇睇點樣處理
始終富豪個站對面塊地唔知有咩用途
同意會員CK38既建議11K,12A,75X,85系 唔停球場個站

ck38 :首先搭單講少少野
我建議 11K,12A,75X,85系 唔停球場個站
因為前後兩個站算近、客量唔多，我相信家計會同太子道西個站可以取代大部份客

＊＊＊＊＊

個別路線只係停少一兩個站，我相信在大部份唔塞車時間只係快少少
但尤其無其他取代路線既乘客，對佢地會有較大影響
例如 14,15,16
反而我會諗可唔可以繁時開幾班半直通

另外，繁時灣仔等101/111可能要等幾班車先上到，如果111飛富豪東方，我會擔心呢班客更難上車

至於11X 改為循環特快，我就唔太支持
因為對於紅磡往成業街及協和街既客有較大影響

至於5C改為特快線，我理解慈雲山<>尖沙咀車程較慢
但本身5C要服務鳳凰新村<>紅磡及尖沙咀<>土瓜灣，而客量亦不少
我相信好難單單改5C

反而 28 我覺得可以考慮行天橋

我反而諗唔到你第一個 point...haha
不過其實呢幾條線唔停球場站都有好處，就係唔需要浪費出站既時間.......

14/15/16 黎講，其實我係打算用轉乘同紅小黎搞，
不過考慮 14/15 替代品都有問題，我反建議 14/15 可以行返下路，不過同樣取消亞皆老街球場站。
當然，因為友板近日出現左一個 A22 改經觀塘繞道前往麗港城同油塘既建議，我想囉呢個機會抽水一下，
如果最終可以既話，就呢個時候將 14 拉上橋，A22 加 $8.0 雙向分段服務來往油塘到九龍城既乘客
（特快 + 豪華，$8.0 呢個價錢係相當合適）。

111 上橋後 101 更難登車問題，呢個可以用另外四條路線幫手，
我相信 115、601/p、619、641 其實可以協調到幫助分流呢個作用，
當然唔好睇少西隧紅小既營運能力。

就大家對 11X 既回應，其實我會希望比返 11X 真正特快既做法，
始終往秀茂坪，九龍城迴旋處 + 觀塘塞車，隨時 93K 都仲快過佢，
佢收得 $6.8，比 14/15/16 $6.1，或 1A $6.2 貴，我 expectation 就係要有明顯區別
（呢個可能係我於港島住左 25 年既一個結論，我比 $3.4(10) 我就陪人塞電車路，比 $4.4(5X)/$5.2(18P) 就行快路...）
如果先經秀茂坪再落觀塘，就可以解決呢個問題。
不過，如果我將條線先落觀塘碼頭總站加一個車站，然後再上橋去將軍澳道，
咁對新路線既行車時間增加約 2-3 分鐘，會唔會更好呢？

鳳凰新村<>紅磡，其實目前 5C 係有一個 5C->3B 既轉乘計畫，當然仲有一條 $18 既 E23 可以加雙向分段...
尖沙咀<>土瓜灣 雖然係一個問題，我本身係有另一個將 8A/8P 改變既計畫研究中，其實將 8A/8P 進行大規模改動就有機會解決...

2110 :106 根本連九龍城都唔應該入
送哂 D 客比 116 好過
太古以東根本冇咩人同你慢碌去黃大仙

另一氣就係 101 , 明知同 111 咁多位重疊都唔執就真係唔得

你同 ck38 有個 point 相反左，問題係究竟應該將 101 上橋定 111 上橋，我選擇 111 既原因，
就係我將兩條路線既重點睇法唔同，101 我重點係放在堅尼地城、西環、上環；
111 就係放在彩虹道、坪石。

由於目前 9 同 111 於坪石 - 九龍城係嚴重重疊，而 101 同 111 就係九龍城 - 上環嚴重重疊，
而 101 因為收費比 14/15/93K 平，已經淪為土瓜灣->觀塘之流水線，因此好難唔改到...

至於 106 唔入九龍城，問題係，環顧目前全個地區，除紅磡碼頭外，已經冇總站有空位容納 106......

2110 :106 根本連九龍城都唔應該入
送哂 D 客比 116 好過
太古以東根本冇咩人同你慢碌去黃大仙

另一氣就係 101 , 明知同 111 咁多位重疊都唔執就真係唔得

但弊左下路返黃大仙,得106呢

檸少 :

ck38 :另外，繁時灣仔等101/111可能要等幾班車先上到，如果111飛富豪東方，我會擔心呢班客更難上車

111 上橋後 101 更難登車問題，呢個可以用另外四條路線幫手，
我相信 115、601/p、619、641 其實可以協調到幫助分流呢個作用，
當然唔好睇少西隧紅小既營運能力。

當然我理解到101,111重疊問題，如果有合適方案去改善亦會支持
之不過本身繁時灣仔等101,111可能要等幾班車先上到
而馬頭圍前既客見到101,111都會上，好可能出現101打爆111仲有位
變左灣仔尾站去九龍城既朋友就算遇到111有位都唔上得，見到101只能望門輕嘆
我只係擔心呢個問題
打個比喻，就好似華員村客打爆左40P回程，黃大仙去梨木樹既朋友上唔到車
至於你講既其他隧巴線，都唔會幫到灣仔去九龍城既朋友
如果只係抽部份111班次飛富豪東方，我相信個問題會細d

至於101,111重疊問題
本身101要服務西環至土瓜灣、灣仔至九龍灣，要佢地唔重疊可能要將101一拆三
其實我認為101,111重疊唔係好大問題，因為中環至九龍城都幾多客
一條2min一班＆兩條4min一班既路線分別唔大
反而係101頭尾段上落車既車程較慢係問題

檸少 :

ck38 :至於11X 改為循環特快，我就唔太支持
因為對於紅磡往成業街及協和街既客有較大影響

就大家對 11X 既回應，其實我會希望比返 11X 真正特快既做法，
………
不過，如果我將條線先落觀塘碼頭總站加一個車站，然後再上橋去將軍澳道，
咁對新路線既行車時間增加約 2-3 分鐘，會唔會更好呢？

11X 既客源唔單單係秀茂坪
觀塘碼頭加站都算解決到成業街問題
但和樂邨既客就全日要兜秀茂坪，佢地又會唔會支持呢？

檸少 :

ck38 :至於5C改為特快線，我理解慈雲山<>尖沙咀車程較慢
但本身5C要服務鳳凰新村<>紅磡及尖沙咀<>土瓜灣，而客量亦不少
我相信好難單單改5C

鳳凰新村<>紅磡，其實目前 5C 係有一個 5C->3B 既轉乘計畫，當然仲有一條 $18 既 E23 可以加雙向分段...
尖沙咀<>土瓜灣 雖然係一個問題，我本身係有另一個將 8A/8P 改變既計畫研究中，其實將 8A/8P 進行大規模改動就有機會解決...

我諗我會盡量減少用轉乘取代，尤其受影響客量唔少
我反而會建議由5,5C抽車去開新線（主要路線跟5+15A）
慈雲山<>尖沙咀客搭新線，5C繼續做流水

*~BB Dragon :

2110 :106 根本連九龍城都唔應該入
送哂 D 客比 116 好過
太古以東根本冇咩人同你慢碌去黃大仙

另一氣就係 101 , 明知同 111 咁多位重疊都唔執就真係唔得

但弊左下路返黃大仙,得106呢

下路返黃大仙，可以用 21 解決。有需要既話，其實可以將 21 改道，經大成街、東頭村道、沙田坳道咁行，
行車時間增加 5 分鐘，可以加一部車解決。

ck38 :當然我理解到101,111重疊問題，如果有合適方案去改善亦會支持
之不過本身繁時灣仔等101,111可能要等幾班車先上到
而馬頭圍前既客見到101,111都會上，好可能出現101打爆111仲有位
變左灣仔尾站去九龍城既朋友就算遇到111有位都唔上得，見到101只能望門輕嘆
我只係擔心呢個問題
打個比喻，就好似華員村客打爆左40P回程，黃大仙去梨木樹既朋友上唔到車
至於你講既其他隧巴線，都唔會幫到灣仔去九龍城既朋友
如果只係抽部份111班次飛富豪東方，我相信個問題會細d

基本上我講個幾條目的就係分流，如果 D 乘客懂得自動對號入座，就可以解決，
例如由中環去觀塘，唔該自動自覺 601P/619/641；
由灣仔去土瓜灣，唔該自動自覺 111/115，只要能夠空出位置，你所講上唔到車既問題理論上可以解決
（雖然，現實係比較殘酷，我呢度係理想化既設想黎）

ck38 :11X 既客源唔單單係秀茂坪
觀塘碼頭加站都算解決到成業街問題
但和樂邨既客就全日要兜秀茂坪，佢地又會唔會支持呢？

咁如果我將 11X 呢度再改改，都係循環，不過調轉，先停所有往秀茂坪方向車站，再於上秀茂坪總站對面設站，
然後經秀茂坪道、將軍澳道、觀塘道，飛埋 apm 個站，停一停創紀之城，再上橋走，咁又得唔得？