早排(九月中)去名車博覽館訂了2部車，

分別是 J-collection的1:43 澳門HIACE的士 和 大發JAA Hijet. (要付全訂，有85折)

我見model car expo網頁寫是九月份模型，而當時訂車也說會在一星期後有。

點知等到現在將近十月尾，都仲未有貨，call過去問，話要可能等到十一月才有貨。

請問「名車博覽館」訂過模型車的版友，該店是否經常比預期中遲很多才返貨?

但我都唔清楚該批車推出了沒有，可能與該店遲遲未有貨有關。

參考網址:http://www.modelcarexpo.com/subcatlist2.asp?catid=572

而Model's Pro的1:43車好似十分updated, 是否因為該店是直接從日本入水貨，所以價錢也較貴?

謝謝~

名車博覽都係唔好去喇，就算佢訂到部車比你，都唔會係QC好個批貨，而且聽聞佢地找數比廠慢，變相到貨都比行家遲，而且阿Lam把聲同口吻我對慣判頭佬都好都覺得好討厭，佢d態度遲早咩客都趕走哂

"模型的專家"返貨快，但比同行貴一大截，自己衡量

同埋買J-Collection不如去灣仔李生或者孖H到好過啦，起碼李生到有得揀有85折，係HH又平貨色又唔太差

先謝GZG50兄意見，請問灣仔李生的店是什麼名和在哪裡? (集成中心?)

HH方面，好似沒什麼新的J-Collection賣, 只有幾部很舊款的， thanks~

vincent :先謝GZG50兄意見，請問灣仔李生的店是什麼名和在哪裡? (集成中心?)

HH方面，好似沒什麼新的J-Collection賣, 只有幾部很舊款的， thanks~

對，李生間舖就係集成的Newace，佢地返貨唔算慢，而且J-Collection的款都幾齊，但舖面的貨去得比旺角快而且唔多覺佢地收訂，所以要成日留意住佢地個官網

我兩三年前(時光飛逝)訂過一次,可能係件貨鐵定會出兼好快就到,所以就冇乜問題, 好似一個禮拜倒就收到電話取貨

pochi :我兩三年前(時光飛逝)訂過一次,可能係件貨鐵定會出兼好快就到,所以就冇乜問題, 好似一個禮拜倒就收到電話取貨

兩三年前車仔市場個景比依家旺好多，個陣車仔剛剛開始加價潮，好多人入定等升值，而且個陣d廠又不斷谷新模，但依家價位升到一個極端，新模愈來愈少而且唔少1/18舊模翻生就更加少人玩，導致旺角同灣仔車仔舖責貨愈來愈嚴重，佢地返貨都唔敢返咁快同返咁多，寧願收到多d訂先返貨，所以除非你肯比心急錢"模型的專家"賺或者轉行玩貴過Tablet的首辦車仔，否則係香港訂車仔真係自求多福

昨日去灣仔買o左架Aa 大白牛之後，我唸我再返轉頭買新款車仔的機會係微乎其微，因為連咁貴的Aa車我都唔可以再對佢地的QC有信心....

同埋唔怕講依家某德國大品牌過多三兩年可能都會係香港消失

AA既QC有咩大問題要留意? 我剩係覺得佢加價加得好快, 之前五六百蚊既車, 好似轉眼間變左成千蚊

車迷會唔玩迷你切? 德國來來去去得MC同SCHUCO, 但後者都唔覺有代理咁

AA 大多數車的質素都算穩定的。不過如果部車係有 pattern / 油黑邊的話
你要留意一下了，因為多數出事都係o個D 位

揀Autoart最好係返貨頭幾日去揀，打後去揀籮底橙未必揀到最靚個批，有啲貨分分鐘零件唔齊，尤其我地唔係大客，依家好多車仔舖都成日扮冇貨唔太願比我地慢慢揀

GZG50 :揀Autoart最好係返貨頭幾日去揀，打後去揀籮底橙未必揀到最靚個批，有啲貨分分鐘零件唔齊，尤其我地唔係大客，依家好多車仔舖都成日扮冇貨唔太願比我地慢慢揀

其實都未必關頭幾日去會好D，如部78261咁，我頭批分到24部，之後斷左貨，隔左排再到番，都未係最好，反而
剛剛到左果批最好，之前果D又係呢度少件果度爭D，另外依家AA新貨唔係第一時間到香港.......