《 KODA KUMI 》 :

PC 2872 :一個男人請個小朋友食糖 另一個小朋友趁個男人去廁所走去偷糖 咁究竟前者係人情定錯事?

司機請，係司機問題，司機有事司機就自己承擔返，呢樣做客既冇錯我都認同

但真係親眼見，有幾多個真係司機請你地搭？我唔係話冇，但我見唔少都係話上就上
尤其以一大班巴士迷一齊影野遊河之類果ｄ咁，梗有幾個係就咁上直行直過，呢ｄ唔通就係司機自願請的嗎？

我指既都係呢個情況ｌｏ

都唔代表個"一群人"既言行等於其他人

^我想帶出既意思

利申 . 我就算搵相熟其實都會比番錢 .. 除左有時八仔無錢之後唔記得左比 ( 真係唔記得左 )

其實我覺得做巴迷真係要檢點 D .. 你知啦 .. 宜家 D 人影低放左上 Youtube 你同個 Carlo 都大獲 ..

PC 2872 :

《 KODA KUMI 》 :

PC 2872 :
跟車唔係咩大問題...
但自己要識做 部車人少少同師父吹水都可以 多人就免得人地難做啦

Wa
自己搭霸王車都叫冇問題？
咁第時出街飲茶可以走單，睇戲可以唔使買飛啦！
明明件事係錯，點解可以將件事咁樣合理化
你地只係巴士迷咋，當自己係乜ar，員工ar，你地搭巴士冇福利ga

個個人有唔同睇法 你我身份唔同

假如你有朋友/親戚開酒樓請你飲茶 我作為一個食客 我都無野好講
有人覺得唔公平既同時都有人覺得雙方既關係賣個人情係合情理

人情同規矩都係雙方各自取得平衡

當然我唔係鼓勵其他人咁做
有時出街咁岩等車見到say個hi都唔太過份

但講到直頭日日倍到人地收工跟足大半日我真係有保留

*個人見解

司機請搭車都好，人地同你非親非故，禮貌上亦應該比返車錢，比得起錢去玩巴迷玩意，會冇錢比車費咩？而且巴迷本來係一個正當興趣，點解要搞到搭車都想司機請偷偷摸摸咁？可能係巴迷界黎講，搵到N個車長請你地班巴迷搭車好似巧威威咁，但從整個社會的道德上黎睇，你班巴迷又唔係全部人都有為巴士公司勞動，巴士公司有咩責任提供乘車優惠去餵勞你地？某程度上係社會上黎睇巴迷呢種興趣會因為呢d行為而變得更cheap

如果因為迷而要要求得到某d利益的，咁Apple迷一街都係，好多Apple迷咪可以去中環免費抬電腦抬tablet抬電話返屋企？如果我話我係Apple迷跟住去抬部iMac返屋企，你會唔會認同我話：「喂我咁鐘意蘋果，你唔係一定要我比成萬銀去買佢d電腦掛？抬返屋企用都因為我著迷je！」