都市傳聞－點解食海南雞飯會送碗湯？？？

＃＃＃＃＃＃＃＃＃＃＃＃＃＃＃＃＃＃＃＃＃＃＃＃＃＃＃＃＃＃＃＃＃＃＃＃＃＃＃＃＃＃＃＃＃＃＃＃＃＃＃＃＃

大家係餐廳叫海南雞飯，
　　　　　　　　　　　
係咪好奇怪點解食海南雞飯會送碗湯呢？
　　　　　　　　　　　
　　　　　　　　　　　
相傳係十八世紀，係中國海南島的文昌市，
　　　　　　　　　　　
有個海南人照辦煮碗，
　　　　　　　　　　　
跟據文昌當地白切雞既做法，
　　　　　　　　　　　
同時配以雞油、浸雞水烹煮米飯。
　　　　　　　　　　　
再係20世紀初期，隨着移民潮，
　　　　　　　　　　　
呢個菜式傳至包括香港在內東南亞既各個地區，
　　　　　　　　　　　
後來更加係香港發揚光大。
　　　　　　　　　　　
　　　　　　　　　　　
煮過海南雞既板友，
　　　　　　　　　　　
都知道正宗海南雞既制法相當麻煩：
　　　　　　　　　　　
先要係乾鑊炒香ｄ米，
　　　　　　　　　　　
目的係想ｄ飯更加容易吸收浸雞水及雞油。
　　　　　　　　　　　
再來處理雞，雞更加煩，先要將雞抹乾，
　　　　　　　　　　　
將雞油拎出來備用（用作煮飯），
　　　　　　　　　　　
以食鹽、薑汁、切好既花椒同八角擦在雞既內外，
　　　　　　　　　　　
待用10-30分鐘左右，然後再將水大滾，
　　　　　　　　　　　
將醃好的雞放入滾水裡面，等水再滾起後關火蓋鍋蓋。
　　　　　　　　　　　
等水自然冷卻之後，要睇睇熟既程度，
　　　　　　　　　　　
再冷水先沖一沖，後放入冰水中浸十至二十分鐘，
　　　　　　　　　　　
以保持肉質嫩滑，令雞皮同雞肉之間形成有一層透明既膠質。
　　　　　　　　　　　
將先前處理好既米加上小量蒜碎、雞油同加入適量既浸雞水，煮成雞油香飯。
　　　　　　　　　　　

用先前切低既內臟同白菜乾煮成湯，配飯同用。
　　　　　　　　　　　
　　　　　　　　　　　
正正係因為咁麻煩既做法，
　　　　　　　　　　　
香港既茶餐廳點會咁得閒幫你整呀！
　　　　　　　　　　　
　　　　　　　　　　　
每每係午市人人都咁忙既時候，
　　　　　　　　　　　
都會有幾個人食海南雞飯，阻住哂，
　　　　　　　　　　　
但係有客無理由唔serve架嘛！
　　　　　　　　　　　
　　　　　　　　　　　
海南雞飯傳左入香港廿三年，
　　　　　　　　　　　
呢個問題亦隨住海南雞飯足足廿三年－
　　　　　　　　　　　
　　　　　　　　　　　
有一日，
　　　　　　　　　　　
終於有個大廚諗到解決辦法－
　　　　　　　　　　　
就係將本身既內臟湯，
　　　　　　　　　　　
改做重口味既味精湯！
　　　　　　　　　　　
　　　　　　　　　　　
用味精麻痺大家既味覺！
　　　　　　　　　　　
　　　　　　　　　　　
只要將大家既味覺麻木，
　　　　　　　　　　　
大家就食唔出白切雞同海南雞既分別！
　　　　　　　　　　　
只要大家分唔到白切雞同海南雞，
　　　　　　　　　　　
餐廳將可以係白切雞掛個海南雞既名！
　　　　　　　　　　　
　　　　　　　　　　　
只要可以係白切雞掛個海南雞既名，
　　　　　　　　　　　
　　　　　　　　　　　
　　　　　　　　　　　
廚師們就可以求其咁整兜白切雞飯！
　　　　　　　　　　　
　　　　　　　　　　　
只要廚師們將海南雞飯改做白切雞飯
　　　　　　　　　　　
餐廳老闆就可以係每個餐收十蚊既差額！
　　　　　　　　　　　
一個客賺十蚊，
　　　　　　　　　　　
一日至少有十五個客食海南雞飯，
　　　　　　　　　　　
一個月茶餐廳起碼有三十日開門做生意，
　　　　　　　　　　　
一年有成十二個月，假設將ｄ假期扣晒，一年＝十一個月：
　　　　　　　　　　　
$10乘15個客乘30日乘11個月等於$49500
　　　　　　　　　　　
茶餐廳一年咁就賺多左四萬九千五喇!!!!
　　　　　　　　　　　
　　　　　　　　　　　
大家依家知點解食海南雞飯會送碗湯啦!