首先...D&G應該唔係近期先開始係香港做生意，咁點解過左一段時間先爆單新聞出黎？
雖然我唔知班保安食錯咩藥，但我覺得，班保安係聽左某d人既意見先敢咁搞...
至於係高層定係消費個班，我唔清楚啦

今次真係好玩啦! 我睇下今次 DG 到底會係死撐到永久定係乖乖扮死狗啦!

連謝偉駿都去聲援同挑機，D&G搬鋪把啦

NA :首先...D&G應該唔係近期先開始係香港做生意，咁點解過左一段時間先爆單新聞出黎？
雖然我唔知班保安食錯咩藥，但我覺得，班保安係聽左某d人既意見先敢咁搞...
至於係高層定係消費個班，我唔清楚啦

早爆出黎又去遲爆出黎都好，輸的都係D&G本身，而且我唔太信班豪客會咁怕人影門口，話哂佢地最怕的都係人地唔知佢地有錢，正如蘋果動新聞訪問有個大陸客都講，大家都係中國人，有咩唔影得？？

如果真係怕比人標心的豪客，佢地會叫D&G專人上門比貨佢地睇，個類人唔似會係老尖出現，相信今次發癲的係D&G本身

生果報話D&G今日冇開門做生意
----------------------
意大利品牌DOLCE& GABBANA擅將公眾地方劃成禁止港人拍攝區，引起公憤。數百名市民響應網上號召，下午3時逼爆尖沙嘴廣東道D&G門外，伸出長短鏡頭瞄準D&G櫥窗拍照。市民在場大叫口號，要求D&G道歉，有人更在店外貼上「一團和氣」的揮春。不過，D&G面對廣東道的大門已關上，警方亦有架起鐵馬，派出約10名警員維持秩序。
行政長官參選人唐英年表示，香港作為國際城市，應持開放態度，對於國內同胞或國際訪客，都應該包容及歡迎。
就D&G禁港人拍攝事件，唐英年說：「人哋有心影相，其實對你係一種compliment（讚美），鍾意你啲貨，先影張相，係一種讚賞黎㗎。應該歡迎人哋嚟影相，而唔係拒絕人哋。」

受人潮影響，D&G今日已關門，暫停營業。
----------------------

轉自朋友FB,太恐怖了吧

有樣野想知,任何人仕(包括警察)有冇權查看拍攝者相機內的相?

S3BL332~EC1349 :有樣野想知,任何人仕(包括警察)有冇權查看拍攝者相機內的相?

如果你用部機做過o的犯法o既o野，例如影人裙底，咁警察就有權開o黎睇。

今日睇到明報有段O野真係火都爆

2012年1月9日 明報 :理工大學應用社會科學系副教授何國良認為，事件反映港人一直認為自己比其他人優勝，但現時需依靠內地遊客支援消費市場，一時無法接受內地人後來居上，怕他們來港「搶飯碗」，事件令排外情緒一觸即發，藉事件表達矛盾的心情。

http://news.mingpao.com/20120109/gba1.htm

人地落黎買O野之O麻, 得閒幫你香港人打工呀?? 呢位何生不如揸支鎗出街殺香港人呀笨

http://hk.apple.nextmedia.com/template/ ... d=15965268
------------------------------
禁攝風波
【本報訊】天下圍拍 DOLCE& GABBANA！禁攝風波引發全城怒吼，一場反名店霸權運動爆發。數千人昨響應網上號召，聚集在尖沙嘴廣東道海港城的 DOLCE& GABBANA外「挑機」拍照，聲討名店霸權，齊聲高呼「道歉！道歉！」，並發起下周日再次圍拍。不過， DOLCE& GABBANA晚上發出聲明否認員工曾發表爭議性言論，對捲入爭論表示「遺憾」，至今未有一句道歉。
圍拍活動原定昨午 3時開始，下午 1時半已陸續有市民帶備手機、平板電腦、數碼相機到場，齊齊舉機向霸道名店說不。有人叫口號：「我要影相」，每遇顧客進出該店即報以噓聲，又以普通話指罵，不少顧客知難而退。
店方鎖上大門停止營業
截至 2時半有數百人聚集在店前，該店對出一段廣東道兩邊行人路都堆滿人。警方表示，活動最高峰時廣東道行人路上約有 700人。 DOLCE& GABBANA原本懶理店外行動，上午如常開店，但聚集市民不斷增加，店方最後鎖上大門停止營業。警方以鐵馬分隔人群，卻激起眾人起哄，有年輕人一度跨過鐵馬，衝到店前拍打玻璃，最後被警員勸回鐵馬外。
眼見該店死不悔改，挑機拍照隨即升級為聲討名店霸權行動，市民高舉抗議牌，疾呼「影相無罪」，要求該店道歉。有市民向店舖撒溪錢，諷刺名店只顧賺錢、侵害港人自由。有人在名店櫥窗貼上「一團和氣」揮春，促該店道歉；有人用冥鈔砌出「可恥」二字，批評該店拒絕認錯極為可恥。
除行人路兩旁堆滿人，亦有坐車經過的市民舉機支持，也有司機響號聲援，道路兩旁的群眾則高舉拇指和應。網民號召的挑機拍照行動原定至下午 5時，但人群至晚上 7時後才陸續散去。店前持續有數十人留守，有市民拿出人民幣及港元鈔票，要求入店購物，惟該店大門依然緊閉，店內職員一直未有現身。
有人攜龍獅香港旗撐場
香港自治運動數十成員昨帶同特別設計的龍獅香港旗撐場。成員劉先生指，香港人和平理性，千人示威只為捍衞香港公平、自由的核心價值，不容財團肆意侵害港人的公共空間拍照權。他認為今次是霸權侵佔公共空間的典型例子，呼籲港人繼續聲討直至該店道歉為止。
DOLCE& GABBANA昨晚發表聲明，否認該公司員工曾發表傳媒報道的具爭議性陳述，並對捲入爭論表示遺憾，強調無意冒犯香港市民。惟聲明未有提及會否向公眾道歉。面對社會輿論連日狂轟，海港城及負責該店保安的保安公司日前已先後公開道歉。
特首參選人唐英年昨在公開場合被問及事件時指， DOLCE& GABBANA應歡迎市民及遊客拍照，因這是對該公司的讚賞。他又指，香港作為國際城市，應以開放態度，一視同仁對待國內與其他國家的旅客，而自由開放是香港的核心價值。

尊嚴遭踐踏　人人高呼「呢度係香港人嘅地方」
禁攝風波
【本報訊】 DOLCE& GABBANA只許內地人影相，不准香港人舉機，昨惹起數千人「挑機」聲討名店霸權。有市民在今次事件中感到人權、自由等核心價值遭侵犯、部份人更向內地人高舉粗口手勢「問候」，有人則直指是財團壟斷才有今天港人尊嚴掃地的悲劇。學者認為，這場禁攝風暴激起了香港人壓抑多時的仇富、不滿內地人、不忿人權被侵蝕等複雜情緒。
周日的尖沙嘴廣東道 DOLCE& GABBANA門外擠滿數千人，由中學生到 70歲老翁都喊着同一句話宣示「主權」：「呢度係香港人嘅地方！」 71歲退休長者阮先生說，一場禁攝風波揭示名店霸權背後，香港市民的人權自由被侵犯，法律蕩然無存，「一定要嚟表達不滿」。
向內地人舉粗口手勢
昨到場挑機的市民誓要踢走名店霸權，討回港人尊嚴。每當有旅遊巴士駛進廣東道，乘客若貌似內地人，在場市民即噓聲四起，部份人高舉粗口手勢以示不滿。自稱做雜工的陳先生昨穿上皮草前往，他說「窮人都可以着靚衫」。他直言名店售貨員和保安員狗眼看人低，「覺得大陸人有錢，只做佢哋生意，要香港人過主」。
由禁攝風波觸發仇富排外民憤，理工大學社會政策研究中心主任鍾劍華直言，近年當權者輕蔑各種自由權利，已觸起港人的危機感，「（香港人）最擔心就係個人自由受到不必要限制」。保安員表明只讓內地人影相，港人不得拍攝，這種褒內地人、貶香港人的言論，終挑動港人壓抑多年的負面情緒，「引致各種各樣嘅反感，一次過夾埋一齊」。
名店林立的尖沙嘴廣東道近年被譏為內地人的步行街。鍾劍華指，內地人來港雖帶動消費，但同時被指炒高樓價、搶奶粉、不守規矩，以至內地孕婦衝關產子逼爆母嬰健康院等，「擔心大陸人進一步落嚟搶晒資源」。他指 DOLCE& GABBANA至今不肯道歉挑起港人追求公平公義的底線，「會覺得資本壟斷，商人財大氣粗」。昨與女友一同反名店霸權的香港大學陳同學表示，這次禁攝惡行反映地產霸權的引伸禍害，「財團壟斷惡晒」趕走小商戶，造就大財團佔據，只服務有錢人，「社會上家有錢人話晒事，我哋呢啲行吓街 window shopping（逛街）對經濟冇幫助就唔得」。
網絡社運在港成雛形
這場數千人挑機運動自《蘋果》上周四報道後，引起社會廣泛迴響，昨在 facebook和多個討論區都有網民直播事件，挑機市民更遍及各階層，不但有 90後、 80後，也有中產人士，和平地鬧爆 DOLCE& GABBANA的野蠻行為。
中文大學公民社會研究中心主任陳健民表示，由反高鐵、佔領中環，到這次 DOLCE& GABBANA數千人挑機，這種全民參與的「網絡社運」在港漸成雛形，「政府一直唔理會，一有小事就成為觸發點，挑動整個社會嘅情緒」。
【本報訊】名店霸權激起全城震怒，連鐵甲奇俠（ Iron Man）也要站出來！ Cosplay發燒友阿 Paul特意化身鐵甲奇俠（圖），駕着開篷跑車沿廣東道慢駛而至，引起全場起哄。整件紅色服裝配備喇叭及多盞 LED閃燈，穿起時重量十足，阿 Paul穿上它遊走全場，顯得頗為吃力，汗水不斷沿面頰滴下。
他坦言不滿名店的霸權主義：「香港最重要係自由，唔容許有霸權主義出現！ Iron Man代表正義，就算幾辛苦都要着出嚟，絕對值得！」他要求 DOLCE& GABBANA向全港市民道歉，否則繼續罷買，不排除會繼續響應其他反名店霸權行動。他其後繼續遊走，不少市民爭相與他合照，並在鏡頭前擺出不同姿勢，令現場氣氛更為熾熱。
------------------------------
真係精彩

S3BL332~EC1349 :有樣野想知,任何人仕(包括警察)有冇權查看拍攝者相機內的相?

警察就基本上有,
但係店員就唔得囉我諗

轉貼明報的一篇文章: 不能拍的廣東道
http://news.mingpao.com/20120108/uza2.htm

如果邊個喺街度見到呢條港女, 請幫我鬧佢: "你條幫 DOG 嘅懶潮港女先至係真正腦殘, 係香港之恥!!" 唔該

http://eastweek.com.hk/index.php?aid=17264

魔法先生 Super Bus :如果邊個喺街度見到呢條港女, 請幫我鬧佢: "你條幫 DOG 嘅懶潮港女先至係真正腦殘, 係香港之恥!!" 唔該

http://eastweek.com.hk/index.php?aid=17264

點解一有反對聲音你地就要狂鬧人
有冇諗過如果你係個度做,
人地搞到你冇工開,
你既心情會係點..
無可否認佢對香港人既用詞係有好大問題同不當,
但係佢都有佢自己既道理..(事先聲明我冇話過D&G啱架 )

JN568@80K :

魔法先生 Super Bus :如果邊個喺街度見到呢條港女, 請幫我鬧佢: "你條幫 DOG 嘅懶潮港女先至係真正腦殘, 係香港之恥!!" 唔該

http://eastweek.com.hk/index.php?aid=17264

點解一有反對聲音你地就要狂鬧人
有冇諗過如果你係個度做,
人地搞到你冇工開,
你既心情會係點..
無可否認佢對香港人既用詞係有好大問題同不當,
但係佢都有佢自己既道理..(事先聲明我冇話過D&G啱架 )

我話之你係咪喺 DoG 間野入面做,
喺依家呢個"非常時期", 你唔出聲尤自可,
喺度講D咁嘅說話根本就係火上加油, 再辣興我地,
一定比人插到飛起

JN568@80K :

魔法先生 Super Bus :如果邊個喺街度見到呢條港女, 請幫我鬧佢: "你條幫 DOG 嘅懶潮港女先至係真正腦殘, 係香港之恥!!" 唔該

http://eastweek.com.hk/index.php?aid=17264

點解一有反對聲音你地就要狂鬧人
有冇諗過如果你係個度做,
人地搞到你冇工開,
你既心情會係點..
無可否認佢對香港人既用詞係有好大問題同不當,
但係佢都有佢自己既道理..(事先聲明我冇話過D&G啱架 )

咪玩啦，個位女士又點會冇工開？？大陸客一樣照去為香港做善事，而且掃地都係阿姐掃，你估個位女士會掃咩？

她無非都係想挑釁多香港人一次，等下星期日又一萬人去幫佢公司做人肉佈景板je 同埋一眾傳媒都會多謝她架

睇她面書其他人的回應，似乎好多尖碼一帶的名店都好討厭香港人，咁佢地班sales不如爭取將廣東道脫離香港管治，交比大陸，叫海港城比間鋪中共去開政府分部，香港人進出必須用證件出入境的話，咁咪冇人去圍佢地囉，不過應該五十年後都做唔到

講真好似新加坡呢d比香港更國際化的城市，人地的政府都保得住當地人的尊嚴，人地新加坡d人真係可以對遊客唔老like，遊客去買o野唔使同佢地講多謝(雖然對返佢地自己人都相差無幾），雖然我覺得新加坡人對遊客唔多禮貌，但我真係好佩服佢地的政府可以咁樣幫佢地保住尊嚴，新加坡係屬於新加坡人的，遊客再帶得多錢入去又如何？遊客的生產力會比當地人大嗎？？我就唔明點解香港政府會搞到香港人地底泥都不如，唔通係未香港真係做o左殖民地太耐，導致香港人只識對外人好而忘記o左自己？？

所以個次去新加坡，雖然唔知會唔會再去第二次，但我真係覺得人地個d地方好平等，唔好理平等地好定平等地衰，起碼唔會好似香港咁有d地方就當大陸客係皇帝，有d地方就好似想追打大陸客咁

GZG50 :今日睇到明報有段O野真係火都爆

2012年1月9日 明報 :理工大學應用社會科學系副教授何國良認為，事件反映港人一直認為自己比其他人優勝，但現時需依靠內地遊客支援消費市場，一時無法接受內地人後來居上，怕他們來港「搶飯碗」，事件令排外情緒一觸即發，藉事件表達矛盾的心情。

http://news.mingpao.com/20120109/gba1.htm

人地落黎買O野之O麻, 得閒幫你香港人打工呀?? 呢位何生不如揸支鎗出街殺香港人呀笨

呢位教授真係食錯藥,
咁大個人讀咁多書, 到頭黎乜野係事非黑白都唔識分 (乜野 "一時無法接受內地人後來居上", 我真係笑左; 而家唔係 DOG 比大陸人影唔比香港人影洗出咁多事, 擺到明就係岐視啦, 關乜野 "內地人後來居上", 呸 !) ~
好心呢 d 人就唔好出黎抽水啦, 真係影衰自己 ~

佢知唔知個醜字點寫 ? 佢真係愧對理工, 愧對港人 ~