電腦手機破天荒廿四小時免費任睇收費電視台新聞，CCTVB互動新聞台遲早玩完。

由 BFCPY » 2012年1月11日 16:40:16 (p#2234321)

失去英超既NOW，近年逐步發展非體育節目，
除左上年既觀星台同轉播內地節目既芒果台外，
新聞台由2012年1月10日起，係NOW官方網頁提供
廿四小時免費直播服務，網址如下：

http://news.now.com/home/live

同日起新聞台仲同時係App Store同Android Market提供免費手機應用程式，
觀眾可以係智能手機免費收睇新聞台免費直播，勁多人俾五粒星，詳情可以參考呢個網頁：

now新聞直播手機App

其他特色：

(1) 利用手機應用程式收睇，無需翻牆即可收睇任何中國負面新聞報道，
即使身在外國任何地方，只要手機在手，隨時免費睇到now新聞，
唔似mytv有任何地區同國家限制。

(2) 唔同CCTVB既mytv，所有節目唔會係開啟直播畫面前逼你睇任何廣告，
即開即睇，無限制收睇時間，絕無收費。

(3) 唔同CCATVB，NOW新聞台無自我審查、
鬧爆社會主義國家同特區政府施政失誤；
新聞同公共事務節目年年攞獎攞到手都跛，
百分之百捍衛香港人利益。

(4) PCCW網絡超級穩定，串流超級暢順，畫面質素不俗。

咁多優點，你仲睇乜鬼互動新聞台？轉台啦。

利申：「畸寶」同NOW現有客戶。

由 KUMAN » 2012年1月11日 19:37:34 (p#2234479)

BFCPY :PCCW網絡超級穩定，串流超級暢順，畫面質素不俗。

唔好意思，請問PCCW嘅網絡可以叫「超級穩定」咩？ #ng#

而且講真，你估NOW真係好似良心電視咁有良心咩...
多左渠道播，咪即係廣告費收貴啲囉
見到iNews咁樣仲唔轉型搶埋一份咩... [flowerface]

HTC用戶專享，二月中先下載 xx(

由 BFCPY » 2012年1月11日 20:44:25 (p#2234589)

KuMan 48x :唔好意思，請問PCCW嘅網絡可以叫「超級穩定」咩？
而且講真，你估NOW真係好似良心電視咁有良心咩...
多左渠道播，咪即係廣告費收貴啲囉
見到iNews咁樣仲唔轉型搶埋一份咩...

呢間公司衰成日炒人，私有化呃小股東錢係事實，大家唔會質疑。

我只係評論佢既新聞報導質素，如果亞視新聞先至叫良心，
咁香港就真係玩完。

同埋我係office用非PCCW網絡上網睇唔窒，先至有呢個結論。

由 GZG50 » 2012年1月11日 22:07:35 (p#2234662)

網上行算穩定，不過非商業用戶慢到離唒譜

不過NOW唔算冇自我審查，睇下佢地的訪問嘉賓節目就知，只比建制派人士發言，反對派講多句主持都即刻試圖阻止，次次係YT睇完個類節目我實係comment鬧幾句

由 BFCPY » 2012年1月11日 22:39:43 (p#2234693)

GZG50 :不過NOW唔算冇自我審查，睇下佢地的訪問嘉賓節目就知，只比建制派人士發言，
反對派講多句主持都即刻試圖阻止，次次係YT睇完個類節目我實係comment鬧幾句

唔係喎，前年五區公投期間，電視台一星期最少有一至兩日都請「反中亂港」既「反華小丑」去《時事全方位》吹水。

仲有，佢地既評論環節仲試過請潘小濤上黎係黃金時間鬧「尊敬既鐵道部」，唔信你可以睇睇呢段片：

國際評論：温州列車相撞分析

而潘小濤曾經有一段時間俾「愛國愛黨」報紙批鬥。

同埋之前《蘋果》有透露過主席李澤楷曾經捐錢俾社民連搞五區公投，但被當時主席黃毓民拒絕，
小小超係北京眼中，係一個點樣既人，你應該非常清楚。

NOW唔係一般電視台，因為佢地四年幾前開台講明係以「評論為主導」(即係日日都要鬧人)，
所以同佢既主要對手畸寶係有好明顯既分別。

由 KUMAN » 2012年1月11日 23:35:51 (p#2234740)

BFCPY :NOW唔係一般電視台，因為佢地四年幾前開台講明係以「評論為主導」(即係日日都要鬧人)，
所以同佢既主要對手畸寶係有好明顯既分別。

如果咁計咁究竟宜家係睇真正嘅新聞定係日日都要鬧人嘅新聞? [sosad]

新聞究竟係要追求事實真相定係下下都要Hot Topic兼且鬧人?
唔係話NOW唔好而係小弟覺得樓主好似有啲神化左NOW新聞台甚至忽略左新聞真正嘅意義 :roll:

希望樓主唔好介意小弟咁講... :wink:

由 BFCPY » 2012年1月11日 23:56:45 (p#2234759)

KuMan 48x :如果咁計咁究竟宜家係睇真正嘅新聞定係日日都要鬧人嘅新聞?
新聞究竟係要追求事實真相定係下下都要Hot Topic兼且鬧人?
唔係話NOW唔好而係小弟覺得樓主好似有啲神化左NOW新聞台甚至忽略左新聞真正嘅意義
希望樓主唔好介意小弟咁講...

佢地咩就係用「追求事實真相」既方式，好客氣咁「鬧人」，
有足夠既事實證明先至去「鬧人」先至發揮到新聞既真正意義，
但你只可以話我擦鞋，而唔係神化。

你覺得NOW咁樣做有問題已經無關係，因為最可笑既係，
近年另外三間電視台已經受到NOW影響，成日郁D就捉蔡子強、
馬嶽、劉銳紹同王友金發表中國同香港政治評論，
而有關中共同特區政府既評論係傾向負面具多。

所以呢一點你係無力招架。

我仲留意到CCATVB係好少會搵程翔評論，因為程翔被認定係「罪犯」，
搵「罪犯」去評論新聞會「損害公信力」。

所以係中聯辦壓力下，程翔幾乎可以話被兩大收費台同港台「包起」。

但講到最慘，都係教院既文理學院副教授沈旭輝，因為係香港專門研究國際問題既專家唔係太多，
結果國際局勢一有大轉變(例如埃及同北韓)，佢就忙到嘔電。