黎緊去第度玩會帶D手信比親戚，有大有細，屋企拜託我諗諗有咩可以買黎送人，但我點諗都諗唔到送乜比人好
大既父母會買D貴價食既野就得，中既個D可能帶D零食(優X良品)個類都得，但細既唔通買玩具?
定全部買食既就算

感覺上香港冇乜比較特別既野

奇華禮餅law.....





乜香港有特色野咩?

蛋撻啊，街邊小食米香港特色羅，不過唔做得手信咁解
出得大場面既例如有茶葉啊，禮餅啊，金沙啊(朱古力)，藍罐曲奇啊
黎黎去去都系得呢幾樣架啦

Backstreet Boys :蛋撻啊，街邊小食米香港特色羅，不過唔做得手信咁解
出得大場面既例如有茶葉啊，禮餅啊，金沙啊(朱古力)，藍罐曲奇啊
黎黎去去都系得呢幾樣架啦

因為係出國去玩順便探親，金沙同藍罐曲奇都係佢地都有，反而比上黎去買
行過下女人街花園街，有睇中過D唔同造型既手指比D後生既(不過真係用唔用得同會唔會貴過其他地方架…)

始終兩梳蕉去真係太失禮，但你買D人地個到都有既野就真係…

TobuMinamiKurihashiRailwaySta. :奇華禮餅law.....





乜香港有特色野咩?

你o岩

HT7701 :

Backstreet Boys :蛋撻啊，街邊小食米香港特色羅，不過唔做得手信咁解
出得大場面既例如有茶葉啊，禮餅啊，金沙啊(朱古力)，藍罐曲奇啊
黎黎去去都系得呢幾樣架啦

因為係出國去玩順便探親，金沙同藍罐曲奇都係佢地都有，反而比上黎去買
行過下女人街花園街，有睇中過D唔同造型既手指比D後生既(不過真係用唔用得同會唔會貴過其他地方架…)
始終兩梳蕉去真係太失禮，但你買D人地個到都有既野就真係…

呢樣都OK

明信片？硬幣套裝？

入爐叮果D水餃/蝦餃燒賣腸粉果D得唔得?

魚翅味百力滋？(雖然係國產貨)

最頹咪買幾張地鐵飛囉 香港d飛都幾有特色架算做

Fu8336. :入爐叮果D水餃/蝦餃燒賣腸粉果D得唔得?

但樓主要Pack去外國，帶呢D急凍食品，過到去會唔會臭晒...

其實都幾怕帶食野過去，因為怕海關個類，所以都有諗過免得過就廢事
扭蛋或且其他「定叮鄧登」小精品個類會比較好？

HT7701 :其實都幾怕帶食野過去，因為怕海關個類，所以都有諗過免得過就廢事
扭蛋或且其他「定叮鄧登」小精品個類會比較好？

睇下搵唔搵到有香港特色既扭蛋啦.
之前見有d扭蛋係蛋揵 雞蛋仔既鎖匙扣/電話繩.
唔洗帶真既食物返去既
又或者買張八仔
不過唔建議係d遊客必到既地方買野... 貴到嘔 (女人街都暫時叫做ok, 不過都係公仔同衫為主...
postcard好似太行, 送俾fd都唔想要啦...
想毒d既去80W買d q版玩具都唔錯 如果有Q版電車應該買得過, 電車真係香港一大特色
好耐之前見過有Q版ATE/AVW係印香港夜景

雀巢罐裝奶茶,得香港e隻先有咁濃味

維他奶其他地方既豆奶都係冇香港維他奶咁好味

另外出前一丁其他味,全世界出前一丁都冇香港出咁多味(仲有係7-11既一丁麵同合味道杯麵扭蛋係香港限定,日本都冇架)

今港最出名就係海味,全世界買手都係大部份香港買,所以你去到邊道都有得買,長洲,大澳等..

以實用方面諗, 可以拿幾張今年出o既新銀紙過去, 新銀紙背面o既圖案都好有香港特色
又或者香港出o既紀念郵票

食o既話, 其實優x良品都OK, 但冇乜香港特色囉

小飾物, 精品o個d 旺角潮流特區都有好多舖頭仔可以慢慢睇慢慢揀