三大巴士討論區經常出現呢種現象。一旦出現巴迷群體性負面事件，
例如之前42C同43C全冷，就有人係討論區貼文，
以「有感」/「我見」為題貼文，內容永遠離唔開以下三項：

(A) 以前D巴迷紀律好好，宜家好衰，成日講粗口、偷乳豬紙、
衝出馬路影相等等。

(B) 巴士公司職員同市民極度鄙視巴迷同佢地既「所作所為」。

(C) 自己「受夠」，唔想再受「牽連」/「丟臉」，所以退出/淡出。

呢一刻BF暫時未有呢類型既最新文章，係友板就有一篇，網址如下：

對現今巴士迷有感

小弟無意違規，或企圖引導他人討論其他討論區貼文，
但由於BF暫時未有更好既貼文例子，唯有引用說明，呢類文章經常出現以下問題：

(1) 為方便討論，宜家假設我係一名球迷，我改寫為「對現今球迷有感」：

我對於球迷的風氣質素開始下降，自己而言，我都忍不住都講出來。
以前對於睇波的風氣，就一直同普通市民無異。
自從08年，開始有球迷係觀眾席講粗口同食煙，醉酒鬧事。因為此事，球迷的風氣和道德開始下降。

自此以後，球迷係觀眾席講粗口同食煙、醉酒鬧事經常發生。
最可怕是，開始有部份球迷，走出球場，因為唔滿意半場賽果，係比賽時段去打球證。
而此人的行為與社民連、人民力量班示威者無異。

直到紅魔鬼對兵工廠前幾日
因為門票賣晒，結果部份買到飛既球迷炒黃牛，買唔到既人同炒黃牛打起上黎。
部份球迷係售票處同球場售票處職員以粗口理論有關事件。
他們的情況和行為與爛仔無異，更甚的是，與社民連示威者無異。
皇馬對巴塞個日，更有球迷走出球場打球證。
覺得他們不尊重自己生命去打球證，令我憤慨。

而我在2006年開始當球迷，自己都好瘋狂睇波同踢波。
到了2008年中期，自己眼見球迷風氣開始敗壞。
結果我都恨不得地這樣，淡出球迷界。
歡迎討論。
________________________________________________________________

問題黎啦：依照呢個邏輯，世界各地經常有球迷騷亂，
如果個別人士因為一小撮人既惡劣行為而放棄自己既興趣同理想，會唔會兒戲左D？

簡單黎講：
(A) 你會唔會因為有一小撮球迷搞事，唔去睇波，唔去踢波咁戇居？

(B) 係你無犯錯既大前提下，你會唔會為其他人既錯誤行為而內疚？

例如有小偷係超級市場高買，被警察拉左，之後我話：
「自己眼見人類道德風氣開始敗壞。結果我都恨不得地這樣，唔再做人，死左去算。」

你話我呢個說法係為好荒謬、好好笑？

(2) 一名巴迷「退出」巴迷界，對公眾利益有何關係？

呢D人通常用「退出」黎「劃清界線」，證明自己站係道德高地，
表面睇好似好偉大、好清高；實際上社會人士覺得「多你一個唔多，
少你一個唔少」，其他人亦唔會因此有任何損失或著數，
咁你擺出「退出」既姿態，意義何在？

另一方面，呢D貼文作者單方面聲稱「退出」，究竟佢個人會否落實執行？
只有佢自己先知。佢可能仲想留係度繼續「睇戲」，搵多D機會做「衛道之士」呢！

(3) 巴迷唔守規矩，係社會常見現象，自己做好本分、守規矩就得，
何必為他人不濟內疚？

中國傳統文化既權威性人格係重視面子，所謂「黑狗偷食，白狗當災」，
你因為怕其他人對巴迷投以歧視眼光而連累自己蒙羞，呢點係可以理解。

咁點解你唔主動去澄清，為自己同巴迷講一句公道說話？

一個係地鐵被人非禮既女乘客都會識得大嗌，要其他乘客將色魔繩之於法，
相反巴迷被人「抽水」，被不合理批評就龜縮，呢D行為根本就係懦夫！

點解大家唔身體力行，做一個高質素既巴迷甚至公民俾社會大眾睇，以正視聽？

(4) 點解三大巴士討論區人人話巴迷衰，佢講你就要信？你唔識判斷既咩？

正如人禽之辨，在於人有四端，人有智，識是非黑白，
才能維護公義，使你我皆不諱於真理，而唔係人云亦云。

(O.T. 讀AS中化唐君毅《與青年談中國文化》上左腦，謹此致歉！)

仲有，你有無將呢個現象無限放大、加鹽加醋呢？

社會大眾對巴迷既態度真係好似三大巴士討論區講咁惡劣咩？

你有實質統計數字同研究證明呢D人講既野係真確無誤咩？

(5) 批評巴迷不公德行為並無問題，因為香港有言論自由。

但過分渲染所造成既惡劣形象，只會令社會大眾加深對巴迷誤解同引發更多衝突，
根本係損人不利己，三大巴士討論區部分「滋事者」要為無理加害巴迷形象負上全部責任，
否則巴迷形象惡化至變成同殺人犯無分別既時候，唔係社會樂意見到既事情。

(6) 我再次強調，呢篇貼文唔係恥笑或傷害友板該篇貼文作者，或者任何討論區板友。

巴迷過分自我批判不當行為已經去到失控既地步，呢種現象所帶黎既惡劣後遺症，
已經同巴迷本身不當行為對社會所帶黎既惡果睇齊，對你同對我根本毫無益處。

從自我批判達到反思同改過係好事，但香港人係鬧人既時候可唔可以識得「見好就收」？

識得見風駛艃避之則吉, 都好過繼續厚顏無視批評我行我素

(本文無意指明任何人士, 只指出風氣問題, 請勿對號入座)

其實呢o的年青人"受夠"o既
根本唔係巴敗o既所作所為
而係巴敗現象為巴士迷呢個群體帶o黎o既負面標籤

就我教書時所見，如果學校裡面巴士迷唔多，只係三兩個咁
而當中一兩個又可能唔係咁擅於交際 (從我觀察所得，巴士迷不擅交際的確頗常見)
咁佢o地就往往會被友儕孤立、恥笑，甚至欺凌

所以我估計
公開發"有感"/"我見"o既年青人
應該只係"受夠"呢種"無朋友"o既孤獨同無助o既感覺
於是就借巴士迷群體裡面近日發生o既集體負面行為o既機會
"公告天下"同"巴士迷"呢個群體劃青界線，期望友儕可以因此接納返佢
咁其實唔代表佢o地係真心唔認同"行家"o既行為
更證明唔到佢o地自己本身係無做過一般人所認為"巴敗"o既行為

其實如果係真心唔認同某一o的人o既行為
自己以身作則，唔做呢o的人所做o既事就夠
認清自己興趣o既價值同意義
根本無需要動輒就輕言放棄自己o既興趣

其實自己做好本份就ok!!!!!!
駛乜輕言退出呢!!!!!
乜家下巴士迷呢個身份好失禮你咩
只要唔做巴敗就得
個人意見,勿對號入座,不喜勿插
多言鳥

巴敗既行為唔代表個個巴迷都會做!
最緊要做好自己本分
三樓個位師兄講得好啱
唔好咁易放棄自己既興趣
咁易比其他野動搖到自己既喜好

莫沙展 :其實呢o的年青人"受夠"o既
根本唔係巴敗o既所作所為
而係巴敗現象為巴士迷呢個群體帶o黎o既負面標籤

就我教書時所見，如果學校裡面巴士迷唔多，只係三兩個咁
而當中一兩個又可能唔係咁擅於交際 (從我觀察所得，巴士迷不擅交際的確頗常見)
咁佢o地就往往會被友儕孤立、恥笑，甚至欺凌

所以我估計
公開發"有感"/"我見"o既年青人
應該只係"受夠"呢種"無朋友"o既孤獨同無助o既感覺
於是就借巴士迷群體裡面近日發生o既集體負面行為o既機會
"公告天下"同"巴士迷"呢個群體劃青界線，期望友儕可以因此接納返佢
咁其實唔代表佢o地係真心唔認同"行家"o既行為
更證明唔到佢o地自己本身係無做過一般人所認為"巴敗"o既行為

其實如果係真心唔認同某一o的人o既行為
自己以身作則，唔做呢o的人所做o既事就夠
認清自己興趣o既價值同意義
根本無需要動輒就輕言放棄自己o既興趣

如果因為只係"受夠""無朋友"o既孤獨同無助o既感覺，而退出巴迷，其實無用，因為你要有人理，應該要改善自己性格／根本系朋友問題，你退出唔代表D乜野

日日都有人打劫殺人做壞事架啦 , 又唔見佢話唔做人 !?

Volgren.8534` :日日都有人打劫殺人做壞事架啦 , 又唔見佢話唔做人 !?

可能因為佢唔想死住

呢個世界總會有害群之馬
但佢地越黎越過份既行為只會影響所有人

雖然樓主之言有道理，不過人地諗緊乜唔到你去批判呢

人地想點做係人地嘅自由，人地想做嘅再不該嘅事都會去做，唔想做嘅就應做都唔會去做。

D有錢人日日都攪切搾D星斗市民咁不該又唔見佢地話唔做? (黃子華話齋：搵食啫，犯法架?)

邊個退唔退唔到我去理
但呢頭講完個頭見到你影相我實恥笑你

呢度我一直覺得有一種好奇怪的討論風氣，好多人都覺得唔識巴士的人唔會對巴士產生任何感情，唔會對巴士界發生的事過問，但每當有一d關於巴迷的事件發生，那一班人就會出黎代表全香港市民去聲討巴迷，究竟呢種logic點黎的呢？以一般推理的logic，普通市民唔會理巴士呢樣東西，理應就唔會理巴士迷的舉動，究竟某些巴迷出動時受到正面非議，係因為自己的行為有問題在先定係有人違反一般常理去理會一d自己完全冇興趣的東西？

而且就算社會上有人去大力聲討巴迷都好，某些人都唔應該代表香港人去說話，某一部份人可能正面面對巴敗導致對巴敗印象負面，但係未全香港人對巴迷的印象都一樣呢？當然我都睇到有些老一輩的巴迷係想教好新一代巴迷，但如果可以放低「代表香港人」呢種論述方式，我唸會事半功倍。

而且係社會上大聲唔代表一切，我有個朋友講野都好鐘意大聲，仲要成日通街講做大機構或者政府的人應該點樣點樣唔使做，但點解佢最終教人好似好勁，但佢自己係工作上就失去哂支持佢的人，反觀比佢指罵的人係工作上可以搵到唔少同路人？呢樣就係靠大聲的最終結局，做巴迷都係一樣，你係其他人面前炫耀自己對巴士的認識冇人會怪你，但應該適可而止，其他人開始對你的巴士車經生厭，就應該選擇其他話題，而唔係講到人地都怕o左你咁，呢d先係真正守住人際關係同守住自己興趣的方法。

而且成日見到巴士上有咩損壞就去賴哂自己人做呢d，咪又係向社會認輸的做法，點解本來一個堂堂正正的興趣都會被呢d小事破壞哂，咁樣去屈自己人值得嗎？

講開又講,

o的人退出巴迷界關我地鬼事咩.....

有如o的人屙左幾多舊屎,咩色,咩味,暢唔暢順都要up上fb講一餐

至於我覺得退出巴迷界呢個做法真係好消極囉.......

點解唔用自己去證明巴士都係一個好o既興趣?

咩都有害群之馬架啦

人地話你咪一笑置之囉(當然我唔排除有o的人身有屎)

ASV98@8A :

莫沙展 :其實呢o的年青人"受夠"o既
根本唔係巴敗o既所作所為
而係巴敗現象為巴士迷呢個群體帶o黎o既負面標籤

就我教書時所見，如果學校裡面巴士迷唔多，只係三兩個咁
而當中一兩個又可能唔係咁擅於交際 (從我觀察所得，巴士迷不擅交際的確頗常見)
咁佢o地就往往會被友儕孤立、恥笑，甚至欺凌

所以我估計
公開發"有感"/"我見"o既年青人
應該只係"受夠"呢種"無朋友"o既孤獨同無助o既感覺
於是就借巴士迷群體裡面近日發生o既集體負面行為o既機會
"公告天下"同"巴士迷"呢個群體劃青界線，期望友儕可以因此接納返佢
咁其實唔代表佢o地係真心唔認同"行家"o既行為
更證明唔到佢o地自己本身係無做過一般人所認為"巴敗"o既行為

其實如果係真心唔認同某一o的人o既行為
自己以身作則，唔做呢o的人所做o既事就夠
認清自己興趣o既價值同意義
根本無需要動輒就輕言放棄自己o既興趣

如果因為只係"受夠""無朋友"o既孤獨同無助o既感覺，而退出巴迷，其實無用，因為你要有人理，應該要改善自己性格／根本系朋友問題，你退出唔代表D乜野

如果單純因為無助而要退出一種興趣，咁我覺得他日佢接觸任何興趣，結局都會係一樣

公開宣布退出巴迷界基本上係零必要，因為巴敗唔會睇呢類文。
其實自己冷靜、以身作則係一方面，教後進做好自然係另一方面。不過點教又係好難搞......
btw，不傳謠亦係必須的。傳多過頭，搞到自己睇自己都負面埋